Човек со највисок IQ во историјата - Канал 5

Живот

Човек со највисок IQ во историјата

Човек со највисок IQ во историјата (210) Човек со највисок IQ во историјатаТоа не е крај!

Човек со највисок IQ во историјата

Крис Ланган (72) има коефициент на интелигенција за 30 до 50 поени повисок од Алберт Ајнштајн, а неговиот поглед на задгробниот живот е многу интересен.

Едно од најдлабоките и највозбудливи прашања со кои се соочуваат луѓето е: што се случува по смртта? Оваа егзистенцијална енигма носи толку многу прашања, стравови и надежи што стана предмет на филозофски, религиозни и научни дискусии низ историјата. Но, можеби најинтригантниот одговор досега го има човекот со еден од највисоките коефициент на интелигенција во историјата - Крис Ланган, американски ранчер на коњи и самоук гениј кој тврди дека го знае одговорот на ова прашање.

Крис Ланган (72) е познат по тоа што неговиот коефициент на интелигенција е помеѓу 190 и 210, што е за 30 до 50 поени повисок од тој на Алберт Ајнштајн. Иако животот го поминал далеку од академските центри, Ланган развил теорија наречена Когнитивно-теоретски модел на универзумот (CTMU), која ја објаснува врската помеѓу умот и реалноста.

Тој верува во друга димензија

Според Ланган, смртта не е крај на постоењето, туку премин кон сосема нова состојба на постоење што ги надминува границите на нашата сегашна реалност.

Ланган верува дека кога ќе умреме, преминуваме од една форма на постоење во друга, во рамките на математичката структура на реалноста. Тој верува дека свеста, или душата, преминува во друга димензија или рамнина на постоење до која не можеме да пристапиме додека сме живи. Иако не е јасно како изгледа таа нова димензија, Ланган верува дека традиционалните погледи на рајот и пеколот не можат да ја објаснат сложеноста на оваа транзиција и дека неговата теорија ја поставува смртта како транзиција кон сосема нова состојба, далеку од едноставните претстави за животот после смртта.

За време на неговото гостување на подкастот „Теорија за сè“ (The Theory of Everything) со Курт Џемунгал во мај оваа година, Ланган ја објасни својата перспектива за смртта. Според него, смртта е „прекинување на вашата врска со вашето конкретно физичко тело“, а по смртта „се враќате кон потеклото на реалноста“.

Тој тврди дека смртта не значи крај на постоењето, туку напротив - премин кон нова форма на постоење што овозможува продолжување на животот во друга форма.

Што се случува со нашите сеќавања по смртта?

Ланган исто така се прашува и за тоа што се случува со нашите сеќавања по смртта. Тој сугерира дека иако можеби нема да се сеќаваме на нашите минати животи, тие спомени нема да исчезнат, бидејќи „ништо не исчезнува во математиката“. Иако тоа би можело да значи дека спомените може да се „повратат“, се поставува прашањето дали личноста би сакала повторно да ги доживее, со оглед на тоа што повеќе нема да биде поврзана со светот во кој живеела.

Според Ланган, смртта би можела да биде премин во состојба на медитација, каде што би имало целосна трансформација на нашето битие. Тој, исто така, сугерира дека, во случај на реинкарнација, сите наши минати животи би можеле да постојат „мета-симултано“, што значи дека сите наши животи би можеле да бидат дел од една единствена временска димензија.

Сепак, Ланган нагласува дека оваа состојба не е иста како задгробниот живот. Тој ја гледа смртта како премин во постоење во нешто што наликува на работа на суперкомпјутер, каде сè се случува, но и ништо не се случува во истиот момент. Оваа димензија, според него, е далеку од традиционалното разбирање на задгробниот живот, бидејќи претставува фундаментална промена во нашето постоење, што вклучува движење на душата или свеста надвор од физичкото или менталното битие.

Крис својата теорија ја заснова на три претпоставки

Теоријата на Ланган се заснова на три клучни претпоставки. Првата е дека реалноста е составена од информации, кои се појавуваат во форма на јазик. Друга претпоставка е дека реалноста е „транстемпорална“, што значи дека настаните во една временска рамка можат да влијаат на други временски рамки. Третата претпоставка, а можеби и најважна, е постоењето на „пансвеста“ - супстрат на свеста што се појавува во самиот креатор или симулатор на реалноста.

Според Ланган, смртта не е крај, туку само премин во нова, непозната димензија, каде што нашите животи и сеќавањата можеби не се исти, но каде што постоењето сепак ќе може да продолжи, во структура која е несфатлива за нашата сегашната претстава за реалноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силно невреме се очекува во Италија- во Џенова се затворени сите училишта (ВИДЕО)

Силно невреме пристигнува во Италија, а обилни врнежи, интензивни врнежи, грмежи и силен јужен ветер најпрво ќе го зафатат северот на земјата, особено Лигурија.

Силно невреме се очекува во Италија- во Џенова се затворени сите училишта (ВИДЕО)

Силно невреме пристигнува во Италија, а обилни врнежи, интензивни врнежи, грмежи и силен јужен ветер најпрво ќе го зафатат северот на земјата, особено Лигурија, каде во некои области се очекуваат и до 200 милиметри дожд за неколку часа, соопштија метеоролозите.

Поради портокаловото временско предупредување, денеска во Џенова беа затворени сите образовни институции, додека во централна и западна Тоскана е издадено жолто предупредување поради можни силни грмотевици, пренесува Аднкронос.

Метеорологот на италијанскиот портал iLMeteo, Матеја Гусони изјави дека силно атмосферско нарушување од Атлантикот носи значително влошување на времето, кое прво ќе ги зафати северните, а потоа централните и јужните делови на Италија.

Според него, областа со низок притисок што ќе се продлабочи над италијанските мориња ќе извлече влажен воздух од Медитеранот и силни јужни ветрови, што може да доведе до развој на многу силни и долготрајни бури, особено пред брегот на Лигурија.

„Регенерирачките“ бури, односно системи со грмотевици кои речиси не се движат и носат обилни врнежи во истата област со часови, може да предизвикаат екстремни количини на дожд, до 200 милиметри за само неколку часа, во централните и западните делови на Лигурија.

Ова, како што изјави Гусони, е количината на врнежи што обично паѓа во текот на приближно два месеци.

Обилни и долготрајни врнежи денеска се очекуваат и на Алпите, предалпските области и рамнините на северна Италија, особено во Пиемонт, Ломбардија, Венето, Фриули-Венеција Џулија и Тоскана.

Во среда невремето треба да се придвижи кон централните и јужните делови од земјава, особено долж Тиренското Море, каде се можни пороен дожд и грмежи.

Метеоролозите предупредуваат и на силен јужен ветер, особено долж брегот, кој би можел да надмине 50 до 60 километри на час, поради што на граѓаните им се препорачува да бидат внимателни при патувањето и да ги следат предупредувањата од цивилната заштита.

Првото подобрување на времето се очекува во четврток на 22 октомври, кога во поголем дел од земјата ќе има повеќе сончеви периоди, но веќе во петок ново атмосферско нарушување може да зафати одредени делови од централна и северна Италија.

Во Џенова сите училишта се затворени поради портокаловото предупредување кое важи од 07:00 часот утринава до полноќ.

Градските власти ваквата одлука ја оправдаа со прогнозите на метеоролошката служба Арпал и фактот дека земјиштето е веќе заситено со вода по обилните врнежи во неделата, особено во источниот дел на градот.

„Центарот за оперативно управување одлучи за утре да ги затвори училиштата од сите нивоа, имајќи ја предвид прогнозираната состојба и големото оптоварување на теренот по интензивните врнежи“, се вели во соопштението на градската управа.

Градскиот советник за образование Рита Бруконе потврди дека сите училишта во Џенова ќе бидат затворени. Во Тоскана е издадено жолто предупредување за силни грмотевици, кое ќе важи од 15 часот. до полноќ.

Претседателот на Тоскана, Еугенио Џиани предупреди дека од попладневните часови, а особено во вечерните часови локално се очекуваат многу обилни врнежи, придружени со поројни поплави и силни налети на ветер, особено на островите, долж брегот и во западните делови од регионот.

Тагови: италија невреме

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се запали патнички авион во Перу непосредно пред полетувањето (ВИДЕО)

Моторот на патнички авион Ербас А320 се запали кратко пред полетувањето на Меѓународниот аеродром Хорхе Чавез во Лима, главниот град на Перу.

Се запали патнички авион во Перу непосредно пред полетувањето (ВИДЕО)

Снимките покажуваат густ црн чад како се издига од левиот мотор. Службите за итни случаи веднаш беа испратени на местото на настанот. Патниците беа евакуирани, а според потврдата од LATAM Airlines, никој не е повреден.

Покрената е истрага

Компанијата LATAM Airlines го опиша инцидентот како „непредвиден технички настан“.

Околностите на инцидентот и неговата причина сè уште се утврдуваат, а истрагата е во тек.

Тагови: авион Перу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре претпладне сончево и облачно, попладне дожд

Утре времето ќе биде променливо облачно со сончеви периоди, а попладне со врнежи од дожд, информираат од УХМР. 

Утре претпладне сончево и облачно, попладне дожд

МАКСИМАЛНА ТЕМПЕРАТУРА

12 Попова Шапка, 15 Крушево, 20 Берово, Претор, 21 Охрид, Маврови Анови, Крива Паланка, 22 Прилеп, Тетово, 23 Виница, Скопје – Зајчев Рид, Битола, Велес, 24 Кавадарци, Штип, Скопје – Петровец, Струмица, 25 Гевгелија, 26 Демир Капија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес сончево со мала локална облачност. Дуваше слаб до умерен ветер од северен правец, поизразен долж Повардарието. До крајот на денот ќе биде стабилно и ведро, наместа со мала облачност.

ВРЕМЕТО УТРЕ

Претпладне променливо облачно со сончеви периоди. Во попладневните часови, најпрво во крајните западни делови, а потоа на повеќе места ќе има услови за слаб локален дожд. Ќе дува слаб до умерен ветер од југоисточен правец, кој наместа долж Повардарието повремено ќе засилува. Минималната температура ќе биде во интервал од 0 до 10, а максималната ќе достигне од 20 до 26 степени.

Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до 6, а максималната ќе достигне до 23 степени.

ВРЕМЕТО ВО НАРЕДНИТЕ ДЕНОВИ

Под влијание на влажна и нестабилна воздушна маса, од утре до почетокот на следната работна седмица, времето ќе биде променливо облачно со врнежи од дожд кои повремено ќе бидат пообилни, а во четврток ќе бидат проследени и со појава на ретки грмежи. Утре и во четврток наместа ќе има услови за појава на утринска магла. Ќе дува слаб до умерен ветер од југоисточен правец, освен во петок кога ќе биде засилен и од северозападен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер