Чилиманов: ЛДП му нуди помош на неспособното ЈО - отворете експресна постапка за независноста, па споредете со случајот „Груби“, по член 353 од КЗ! - Канал 5

Македонија

Чилиманов: ЛДП му нуди помош на неспособното ЈО - отворете експресна постапка за независноста, па споредете со случајот „Груби“, по член 353 од КЗ!

Додека јавноста го чека цела недела да пушти глас, да почне да работи, да си ја заработи платат од граѓаните, да си го обели образот, Јавното обвинителство сѐ уште нема отпочнато постапка за прославата на независноста.

Чилиманов: ЛДП му нуди помош на неспособното ЈО - отворете експресна постапка за независноста, па споредете со случајот „Груби“, по член 353 од КЗ!

Либерално-демократската партија (ЛДП) се нуди да помогне за конечно да има подеднаква правда за сите во Македонија.

„ЛДП бара јавното обвинителство да покаже дека има способни кадри кои не подлегнуваат на политички притисоци и веднаш да отвори постапка поврзана со трошењето пари од државна лотарија“, вели во изјава истакнатиот правник и член на Извршниот одбор на ЛДП, Илија Чилиманов.

Тој додава дека кога веќе се вратија од летниот годишен одмор и сон и се фатија со експресни постапки за заштита на „шефот на елитата“, може да се позанимаваат и со барање на одговори на следниве прашања.

„Нели станува збор за ист модус операнди, механизам односно модел на извршување на кривичното дело злоупотреба на службената положба и овластување по член 353 од кривичниот законик кога Артан Груби и претходната гарнитура ги заобиколувале одредбите од Законот за трговските друштва и со заклучоци од Владата и наложиле на Државна лотарија да преземе финансиски обврски во износ од 8,3 милиони евра? И сега со начинот на кој се извлечени парите за прославата на независноста во 2026 година, актуелниот премиер, генералниот секретар на Владата и директорот на Државна лотарија го направија апсолутно истото. Донеле заклучоци на владата со кои парите од нераспределената добивка ги пренасочиле надвор од буџетот на државата“, посочува Чилиманов.

ЛДП гласно реагираше и на штетните измени на кривичниот законик направени во септември 2023 година, а кривичното дело злоупотреба на службената положба и овластување е предвидено и казниво со Кривичниот законик.

„Па кога веќе јавното обвинителство го гони Груби според тој член, има законска основа да поведе постапки против актуелните функционери. Доколку прераспределбата на средства е направена без одлука од Собранието на акционери, со ист криминален модел, Државната лотарија повторно се користи како приватна партиска каса и вонбуџетски фонд за да се изиграат одредбите од Законот за буџет и редовните процедури, а милионски суми да завршат кај претходно договорени приватни субјекти“ вели Чилиманов и додава дека за ЛДП нема „ваши“ и „наши“ пред законите.

Доколку јавното обвинителство го гони Груби, а молчи за премиерот и актуелните функционери кои преку иста шема потрошија милиони евра за десеттина прослави и концерти по нивна волја, тоа е директен доказ за селективна правда и заробено правосудство.

„Државната комисија за спречување на корупцијата ја послуша ЛДП и веќе отвори предмет по допрен глас. Сега, заедно со граѓаните, бараме Основното јавно обвинителство за гонење организиран криминал и корупција, исто така по допрен глас, брзо како и ДКСК да поведе постапка во која ќе обезбеди соодветни докази покрај другите и заклучоците од Владата и склучените договори. На тој начин, конечно ќе се покаже дека Јавното обвинителство ѝ служи на правдата, а не е само институционален штит на новата елита. Граѓаните на Македонија заслужуваат правда исто како и елитата, можеби и повеќе“, заклучува Чилиманов.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Ен Хатавеј во елегантен труднички стајлинг

Холивудската ѕвезда, актерката Ен Хатавеј во елегантен труднички стајлинг, а еден детаљ вреден 8.000 долари го привлече вниманието.

Фото: Ен Хатавеј во елегантен труднички стајлинг

Ен Хатавеј покажа уште еден труднички стајлинг кој остава без здив, и покрај сите критики што ја следат за време на оваа бременост.

Бремената Ен Хатавеј носеше чанта Bvlgari од 8.000 долари додека шеташе низ Њујорк и го покажуваше најновиот стил за бременост по патот. Актерката зрачеше со гламур во тиркизен велур ансамбл украсен со цветни детали, во комбинација со елегантни црни чевли со потпетици.

Ен, која е глобален амбасадор на италијанската модна куќа, носеше блескава чанта Serpentine Duo Top Handle, украсена со гравирани шари, објавува „Дејли меил“. Ѕвездата од „Ѓаволот носи Прада“, која ја објави својата бременост уште во јуни, изгледаше блескаво за време на излегувањето.

Ен е во брак со својот сопруг Адам Шулман од 2012 година и тие веќе имаат двајца синови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриени плановите на Пентагон: Се разгледува повлекување на 25.000 американски војници од Европа

Пентагон размислува за значително намалување на американското воено присуство во Европа, што би можело да опфати повлекување на десетици илјади војници.

Откриени плановите на Пентагон: Се разгледува повлекување на 25.000 американски војници од Европа

Пентагон размислува за значително намалување на американското воено присуство во Европа, што би можело да опфати повлекување на десетици илјади војници, како и на одредени авиони, бродови и друга воена опрема, објави „Ен-Би-Си Њуз“ (NBC News), повикувајќи се на американски и европски претставници запознаени со разговорите.

Според опциите што моментално се разгледуваат, од Европа би можеле да бидат повлечени околу 25.000 американски војници, што претставува речиси една третина од вкупните американски сили распоредени на континентот.

Сепак, некои сценарија одат значително подалеку, предвидувајќи намалување од дури 40.000 припадници на војската.

Соединетите Држави моментално имаат околу 80.000 војници во Европа. Доколку администрацијата на претседателот Доналд Трамп усвои една од порадикалните опции, тоа би претставувало едно од најголемите намалувања на американското воено присуство на европско тло од крајот на Студената војна.

Изгледите за толку значително повлекување предизвикаа загриженост кај европските сојузници, како и кај некои американски законодавци од двете партии.

Критичарите на ваквиот потег предупредуваат дека драстичното намалување на американските капацитети би можело да ја ослаби способноста на НАТО да ја одврати Русија, особено додека трае војната во Украина.

Германија, Италија и Шпанија – каде што се стационирани значителен дел од американските сили и воената инфраструктура – ​​се посочуваат како земји што би можеле најмногу да бидат погодени од евентуално намалување.

Разгледувањето на можноста за повлекување е дел од пошироката ревизија на американското воено присуство во Европа, иницирана од Пентагон во јуни.

Се очекува генералот Алексус Гринкевич, командант на американските сили во Европа и Врховен сојузнички командант на НАТО, да му претстави првична анализа на можните опции на секретарот за одбрана Пит Хегсет.

Според опциите што моментално се разгледуваат, од Европа би можеле да се повлечат околу 25.000 американски војници, што претставува речиси една третина од вкупните американски сили распоредени на континентот. Сепак, некои сценарија одат значително подалеку, предвидувајќи намалување од дури 40.000 припадници на војската.

Соединетите Држави моментално имаат околу 80.000 војници во Европа.

Доколку администрацијата на претседателот Доналд Трамп усвои една од порадикалните опции, тоа би претставувало едно од најголемите намалувања на американското воено присуство на европско тло од крајот на Студената војна.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Арина Сабаленка казнета поради своето однесување во финалето на УС Опен

Втората светска тенисерка Арина Сабаленка ќе мора да плати 7.500 долари поради своето однесување за време и по финалето на Грен слемот во Њујорк, Ју Ес Опен против Елена Рибакина. 

Арина Сабаленка казнета поради своето однесување во финалето на УС Опен

Белоруската тенисерка претрпе болен пораз во Њујорк, каде што ја пропушти можноста да ја освои третата последователна титула на УС Опен.

Рибакина победи со 6-4, 5-7, 6-2, а Сабаленка тешко се справуваше со емоциите по натпреварот.

Во текот на првиот сет, откако загуби поен, Сабаленка луто ја удри топчето кон трибините, поради што доби казна за неспортско однесување. Подоцна во мечот, таа повторно во гнев го удри топчето кон задниот дел од теренот, за малку погодувајќи еден снимател.

По последниот поен уследи вистински излив на гнев. Додека седеше на клупата, Сабаленка неколкупати силно го удри рекетот од земја, а потоа вербално го нападна снимателот што ѝ пријде по завршувањето на мечот.

Организаторите на УС Опен ѝ изрекоа парична казна од вкупно 7.500 долари на Сабаленка поради прекршување на правилата за однесување. Казната ќе биде одбиена од нејзината заработка на турнирот. Сабаленка пристигна во Њујорк како двократна бранителка на титулата и имаше можност да стане само третата тенисерка во „Опен ерата“ што освоила три последователни титули на УС Опен.

Сепак, Рибакина победи во три сета и го освои својот прв трофеј на овој турнир. Поразот имаше уште една последица за Сабаленка. Со оваа победа, Рибакина го презеде првото место на ВТА-листата, ставајќи крај на 99-неделното владеење на Сабаленка на врвот.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер