Четврто учество на Македонија на Европско првенство во ракомет - Канал 5

Ракомет

Четврто учество на Македонија на Европско првенство во ракомет

Полска за првпат е домаќин на Европско првенство во ракомет, на кое машката ракометна репрезентација на Македонија ќе го запише своето четврто учество.

Четврто учество на Македонија на Европско првенство во ракомет

Најдобриот успех Македонија го оствари пред четири години во Србија кога го освои петтото место. Пред две години во Данска, македонските ракометари се пласираа на 10.место, а на своето прво учество во 1998 година „црвено-жолтите“ беа на 12.место.

Шампионатот во Полска ќе се одржува во четири града, а Македонија своите натпревари во првата фаза ќе ги игра во „Таурон Арена“ во Краков.Покрај групата А каде ќе настапува Македонија ќе се играат натпревари и во Катовице (група Б), Вроцлав (група Ц) и Гдањск (група Д).

Во група А покрај Македонија ќе играат: домаќинот Полска, европскиот шампион Франција и Србија.

Б група: Хрватска, Исланд, Белорусија, Норвешка.

Ц група: Шпанија, Шведска, Германија, Словенија.

Д група: Данска, Унгарија, Русија и Црна Гора.

Трите првопласирани репрезентации од секоја група ќе продолжат во следната фаза од натпревари.

Во главната фаза ќе вкрстат групите А и Б и ќе ја формираат групата 1, а групите Ц и Д ќе ја формираат групата 2.

Двете првопласирани селекции од групте 1 и 2 ќе играат во полуфиналето, додека третопласираните тие групи ќе играат во натпреварот за 5.место, а четвртопласираните ќе играат во дуел за 7.место.

Според информациите изнесени од организаторот на денешната прес конференција за првиот ден салите во Краков, Вроцлав и Гдањск се распродадени, додека во Катовице повеќе од 90 проценти од влезниците за првиот ден се продадени.

Во првото коло Македонија утре на отворањето на првенството ќе игра против европскиот, светски и олимписки шампион Франција. Почетокот на дуелот е во 18 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување со моторно возило“, седум возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување со моторно возило“ по член 297-а од Кривичниот законик.

Лишени од слобода 10 возачи за „безобѕирно управување со моторно возило“, седум возеле без положен возачки испит

Од нив, седум управувале возило без положен возачки испит и тоа: Д.А.(41), Ш.Џ.(23), 20-годишната Е.Љ. и 16-годишник, сите од Скопје, Ф.И.(45) и С.К.(56), двајцата од скопско и С.Х.(44) од Тетово. Со активна мерка - забрана за управување на возило возеле Б.Д.(45) од Велес и С.Б.(25) од Гостивар. Додека, пак, под дејство на алкохол возел Т.Н.(37) од Гостивар. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Државниот секретар Петрушевски учествуваше на 27. состанок на Советот на СЕЛЕК во Букурешт

На 21 октомври 2026 година, во Букурешт, Романија, се одржа 27. состанок на Советот на СЕЛЕК – Центарот за спроведување на законот на Југоисточна Европа.

Државниот секретар Петрушевски учествуваше на 27. состанок на Советот на СЕЛЕК во Букурешт

На состанокот учествуваше државниот секретар во Министерството за внатрешни работи, Сашо Петрушевски, во својство на постојан член на Советот, предводејќи ја македонската делегација.

Во рамки на состанокот беа презентирани резултатите од оперативната работа на СЕЛЕК за 2025 и 2026 година, при што беше разгледан придонесот на Центарот во унапредувањето на регионалната соработка и координацијата меѓу надлежните институции во справувањето со прекуграничниот и организираниот криминал.

Во продолжение, се одржа гласање за избор на нов генерален директор на СЕЛЕК. За функцијата беа номинирани кандидати од Албанија, Романија и Србија. По спроведената изборна постапка, за генерален директор беше избрана кандидатката на Романија, Мадалина Сорина Влангар.

Состанокот претставуваше можност за размена на информации и искуства меѓу земјите членки, како и за унапредување на регионалната соработка во спречувањето и сузбивањето на прекуграничниот и организираниот криминал.

Република Македонија, преку своето учество во работата на Советот на СЕЛЕК, продолжува да придонесува кон зајакнување на соработката меѓу надлежните институции и унапредување на безбедноста во Југоисточна Европа.

Тагови: Сашо Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Го вративме вандализираното спомен-обележје на децата бегалци од Егејска Македонија

Го враќаме спомен-обележјето, го чуваме споменот на едно одземено детство!

Ѓорѓиевски: Го вративме вандализираното спомен-обележје на децата бегалци од Егејска Македонија

Го вративме вандализираното спомен-обележје на децата бегалци од Егејска Македонија, во чест на нивните судбини, прекинатото детство и незгаснатата љубов кон родниот дом.

Истовремено, во тек се градежните активности за целосна реконструкција на паркот „Жена-Борец“.

Го обновуваме просторот кој ја чува нашата колективна меморија и му го враќаме достоинството што го заслужува.

Градиме за иднината. Со почит кон минатото!, објави на ФБ градоначалникот на Скопје, Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер