Четврти роденден на „Само Вистина“ со над 800 емисии !

На денешен ден на 15 мај 2017 година , Канал 5 започна со емитувањето на најгледаната и највлијателна политичка ТВ емисија „Само Вистина“.

Емитувавме над 800 емисии , кои се препознатливи по својот независен и непартиски пристап, отворени за сите политички и социјално различни претставници.

Директорот на Канал 5 , Иван Мирчевски , како автор на овој проект изразува особено задоволство од колегите кои работеа со него, било уредници или водители. Мирјана Трпческа, која беше домаќин на првата емисија,како и на првата сезона, Елизабета Галевска , Александар Видиновски , Јулијана Николовска , Ана Торевска, како и главниот и одговорен уредник Гоце Михајловски, кој се приклучи со „Само Интервју“ , што се емитува секој петок.

Ви се заблагодаруваме на сите вас за посветеноста во овој заштитен знак на Канал 5! Благодарност и до гостите кои ги споделија своите ставови со гледачите.

Честит Роденден „Само Вистина„ и „Само Интервју“ !

Хамилтон ќе се обиде да научи италијански пред да се приклучи на Ферари

Седумкратниот светски шампион Луис Хамилтон одговори на прашањето дали ќе научи италијански пред да се приклучи на Ферари во 2025 година.

- Во сите овие години не можев да научам други јазици, но секако дека ќе се обидам. Се сеќавам кога се тркав со картинг во Италија, можев да научам нешто, па се надевам дека брзо ќе се сетам на овие фрази, изјави Хамилтон за официјалната веб-страница на Формула 1.

Британецот вози за Мерцедес од 2013 година. На 1 февруари се дозна дека на крајот на сезоната 2024 година ќе го напушти германскиот тим и ќе се приклучи на Ферари. Беше објавено дека Хамилтон потпишал долгорочен договор со Скудерија.

Минатата сезона, 39-годишниот Хамилтон го освои третото место во генералниот пласман на возачи, со 234 поени. /МИА

Кржовска:Случајот е пријавен во надлежните институции, ученичката доби опомена пред исклучување

Доцна попладнево со став излезе директорката на гимназијата Јосип Броз Тито, Силвана Кржовска.

Таа потврдува дека во врска со вчерашни случувања било пријавено во надлежните институции кои имаат надлежност за понатамошно постапување, без да наведе повеќе детали за какво вознемирување станувало збор.. Таа посочува дека бил одржан наставнички совет, кој едногласно изрекол педагошка мерка опомена пред исклучување за ученичката, а дека не се работело за префрлување во друг клас како што е презентирано во јавноста..

Земјоделци го навредуваа и исвиркаа Макрон на Саем за земјоделство

Земјоделците денеска го исвиркаа и навредуваа францускиот претседател Емануел Макрон на Саемот за земјоделство во Париз, незадоволни од неговата политика и барајќи мерки за подобрување на состојбата во земјоделството.

Макрон го отвори Саемот со четири и пол часа задоцнување поради судирите меѓу полицијата и земјоделците кои упаднаа на Саемот.

Иако се чинело дека ситуацијата се смирила, кога Макрон ја пресекол лентата, земјоделците извикувале „Оставка!“, „Губи се!“, „Ѓубре!“, пренесе Бета.

Сепак, францускиот претседателот разговараше еден час со земјоделците од три синдикални организации чии членови учествуваа во судирот со полицијата и рече дека „преферира дијалог наместо конфликт“. /МИА

притисни ентер