Четворица од екипажот во американскиот воен авион за дополнување гориво се загинати - Канал 5

Свет

Четворица од екипажот во американскиот воен авион за дополнување гориво се загинати

Четворица од шестмината членови на екипажот во американскиот воен авион за дополнување гориво, кој се урна вчера во западен Ирак се загинати, потврди денеска Централната команда на САД. 

Четворица од екипажот во американскиот воен авион за дополнување гориво се загинати

Се работи за авион кој учествувал во операциите во Иран, но според Пентагон не бил мета на каков бил проектил.

-Војната е пекол. Војната е хаос и како што видовме вчера со трагичната несреќа на нашиот KC-130 авион танкер, лоши работи се случуваат. Секој од нив е американски херој. Нивната жртва само ќе ја зголеми нашата посветеност за исполнување на оваа мисија. , изјави Пит Хегсет, секретар за одбрана на САД.

Официјалниот број на загинати американски војници од почетокот на конфликтот се искачи на 11, а војната ја зеде и првата европска жртва, француски војник кој загинал во напад во ирачкиот регион Ербил, каде бил во мисија. Иранска балистичка ракета трет пат за една недела беше истрелана кон Турција, но соборена од воздушната одбрана на НАТО. Техеран се закани дека нема да бидат поштедени и европските бази што би се користеле за напади врз Иран.

-Aко било која база или центар се користат за спроведување воени операции против Иран, ние ќе одговориме соодветно и ќе ја таргетираме таа локација. , изјави Али Бахреини, Амбасадор на Иран во ОН во Женева.

Цената на нафтата повторно ја премина критична граница од 100 долари за барел, Ормускиот теснец останува блокиран, а Вашингтон направи неочекуван политички пресврт, ублажувајќи ги санкциите кон Русија и дозволувајќи можност да се купува сурова руска нафта што е блокирана на море, а со цел да се стабилизира глобалниот енергетски пазар. Првата реакција стигна од Германија, која одлуката ја нарече погрешна.

-Mислам дека тоа е неизбежно и затоа дадовме 30-дневна дозвола, бидејќи руските буриња се на вода и тие се брз извор на нафта за индиските рафинерии. Друга работа е што тие буриња секако ќе завршеа во Кина. Дали е срамно што Русија има бенефит? Жалиме и се надеваме дека тие Русија во кус период ќе имаат бенефит. , изјави Скот Бесент, секретар за финансии на САД.

-Ми се чини дека домашниот политички притисок во САД е многу многу висок и се плашам дека дополнително можеме да ги наполниме воените куфери на Путин. , Катерине Рајхе, министерка за економија на Германија.

Остра реакција претходно упати и шефицата на европската диломатија, Каја Калас. Во интервју за „Фајненшл Тајмс“ изјави дека САД сакаат да ја поделат Европа и да ја спречат да стане нејзин конкурент, како што рече, забивајќи клин меѓу европските сојузници.

Тагови: руска нафта САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДУИ: Поскапува меѓуградскиот транспорт, директно се погодени студентите и граѓаните

Демократската унија за интеграција реагира на зголемувањето на цените на меѓуградскиот транспорт, што директно ги оптоварува граѓаните, особено студентите и вработените кои секојдневно патуваат од еден во друг град.

ДУИ: Поскапува меѓуградскиот транспорт, директно се погодени студентите и граѓаните

Од Тетово до Скопје, билетот кој досега чинеше 200 денари е зголемен на 250 денари, што претставува зголемување од 25% по патување. За студент или вработен кој секојдневно патува, ова значи значително дополнително месечно оптоварување.

Истовремено, според презентираните податоци, месечните трошоци за транспорт се зголемиле од околу 5.500 на 6.500 денари, што дополнително го зголемува притисокот врз семејните буџети.

Дали ова е политиката на „грижа за граѓанинот“ што ја нуди власта?

Наместо да се креираат политики за подостапен јавен транспорт и за поддршка на студентите и вработените кои секојдневно патуваат, граѓаните се соочуваат со сè повисоки цени.

ДУИ бара од надлежните институции јавно да ги објаснат причините за ова зголемување и да преземат мерки за заштита на граѓаните, особено на студентите и категориите кои зависат од меѓуградскиот транспорт.

Граѓаните не можат да бидат тие што ќе ја плаќаат сметката за секој неуспех на власта, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада: Целата акција против вработениот е дел од заложбите на Владата за бескомпромисна борба против корупцијата

Лицето со иницијали Д. Ц. е уапсено за примање поткуп, на претходно обележани парични средства, по што е лишен од слобода. 

Влада: Целата акција против вработениот е дел од заложбите на Владата за бескомпромисна борба против корупцијата

Првичната пријава за незаконскиот поткуп потекнува и е на иницијатива на институциите на кои им било пријавено барањето за поткуп.

На 4 септември 2026 година, осомничениот е затекнат при примопредавање на 500 евра како дел од побараната награда од 1.500 евра, кои претходно биле обележани.

Истото лице во моментот на незаконското делување работело и остварувало задачи како возач за потребите на Генералниот секретаријат на Владата, откако претходно засновало работен однос по примерот на сите останати институции во Службата за општи и заеднички работи на Владата.

Оваа акција беше спроведена претходно во соработка со службите на МВР, при што беа дадени бележани пари и целата акција е дел од заложбите на Владата за бескомпромисна борба против корупцијата. Со овој случај се покажува дека законите важат за сите, се докажува волјата и целта на Владата да се бори против корупцијата. Со ова се подвлекува јасна граница помеѓу оние кои сакаат злоупотреби и сите други кои се борат против нив. Ова е уште еден пример како преку заедничка соработка на органите и институциите може да се спроведе правда, соопштуваат од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Шест пожари активни, најкритично на Рамно

Шест пожари на отворено се активни во земјава, откако само во текот на вчерашниот ден биле регистрирани повеќе од 30, информираат од Дирекцијата за заштита и спасување. 

Ангелов: Шест пожари активни, најкритично на Рамно

Најкомплексен е пожарот кај Рамно, во Чучер Сандево, каде поради непристапниот терен и силниот ветер интервенираат пожарникари, екипи на ДЗС, Армијата и полициски хеликоптер, изјави директорот на ДЗС, Стојанче Ангелов.

Пожарот кај Грачани и Никиштане, кој од Косово премина на македонска територија, се спушта кон Лепенец со намален интензитет и се очекува денеска да биде ставен под целосна контрола. Активни пожари има и кај Струга и Дебар, Тајмиште и Белица.

Надлежните апелираат на зголемена внимателност поради високите температури и силниот ветер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер