Четворица европратеници предлагаат „туристички Мини-шенген“ меѓу Бугарија, Грција и Романија - Канал 5

Балкан

Четворица европратеници предлагаат „туристички Мини-шенген“ меѓу Бугарија, Грција и Романија

Ние во исто време и сме и не сме во Шенген. Мораме да ја искористиме оваа реалност со новиот статус на Бугарија и Романија во Шенген зоната.

Четворица европратеници предлагаат „туристички Мини-шенген“ меѓу Бугарија, Грција и Романија

Четворица пратеници членови на либералната група „Да ја обновиме Европа“ во Европскиот парламент предлагаат формирање на „Мини-шенген зона“ меѓу Бугарија, Грција и Романија, која би станала оперативна ова лето со цел да се намалат гужвите во сообраќајот меѓу трите балкански земји членки на ЕУ во текот на туристичката сезона.

Како што јави дописникот на МИА од Брисел, ваквата идеја се содржи во писмото што европратениците Даниел Лаурер од Бугарија, Георгиос Кирцос од Грција и Дачијан Чиолш и Влад Георге од Романија го упатија до грчкиот министер за имиграција и азил Димитрис Кајридис.

- Ние во исто време и сме и не сме во Шенген. Мораме да ја искористиме оваа реалност со новиот статус на Бугарија и Романија во Шенген зоната, изјави европратеникот Георге, според кого нивната иницијатива „неформално наишла на многу позитивни сигнали“ од страна на грчката Влада.

Според договорот постигнат кон крајот на минатата година со Австрија, која го блокира полноправното членство на Бугарија и Романија во Шенген, од 31 март 2024 бугарските и романските граѓани ќе можат да влегуваат без гранични контроли во членките на Шенген зоната доколку патуваат по воздушен или воден пат, додека контролите остануваат на копнените гранични премини.

Ваквиот договор значи дека државјаните на Бугарија и Романија не би можеле слободно да патуваат во Грција по копнен пат и би се создавале гужви и колони возила на премините на грчко-бугарската граница.

Во писмото четворицата европратеници, повикувајќи се на поддршката на Европската комисија за прием на Бугарија и Романија во Шенген зоната, тврдат дека претставниците на грчкиот туризам и на хотелскиот и угостителскиот сектор „инсистираат“ на укинување на контролите на копнените граници, за да се олесни патувањето на романските и бугарските туристи во Грција.

- Во моментов, контролата на копнените граници меѓу трите земји се уште им создава огромни загуби на превозниците и туристите во однос на патните трошоци и потрошените пари и време, се наведува во писмото, при што се додава и дека укинувањето на граничните контроли веднаш ќе ја подобри еколошката состојба во пограничните области.

Идејата на предлагачите е укинувањето на граничните контроли да важи само на премините на копнената граница меѓу Бугарија и Грција, за што, според нив, не би имало потреба да се бара одобрение од останатите земји членки на Шенген зоната, туку само да се информираат за ваквата одлука.

Тие додаваат и дека доколку нивната идеја е прифатлива, создавањето на овој „Мини-шенген“ би требало да се договори до почетокот на март, со цел да може да профункционира до стартот на летната туристичка сезона.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ССМ: Синдикална минимална кошница за месец септември 2026 година

Сојуз на синдикатите на Македонија  денеска ја објави Синдикалната минимална кошница за месец септември 2026 година.

ССМ: Синдикална минимална кошница за месец септември 2026 година

Вредноста на синдикалната минимална кошница за месец септември 2026 година изнесува 69 432,00 денари, споредена со вредноста на синдикалната минимална кошница за месец август 2026 год. која изнесува 68 675,00 денари е зголемена за 757,00 денари.

Со изнајмен стан од 60 квадрати за месец септември изнесува 84 807,00 денари.

Структура на новата СMK за месец септември 2026 година

03. Станарина, вода, електрична енергија 21.754

и греење ( со изнајмен стан 60м2 )

Синдикална минимална кошница вкупно: 84.807 100 %

Тагови: ССМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо: „Војната меѓу Русија и Украина не е наша“

 Словачкиот премиер Роберт Фицо изјави дека војната меѓу Русија и Украина „не е словачка војна“ и нагласи дека ќе стори сè за да спречи Словачка да биде вовлечена во, како што рече, „неодговорна воена авантура“.

Фицо: „Војната меѓу Русија и Украина не е наша“

Во видео-порака објавена на Фејсбук, Фицо изјави дека не сака конфликт меѓу НАТО и Русија и оцени дека секој што сака да предизвика таков конфликт заради сопствените национални интереси, треба да ја сноси одговорноста за таквата одлука.

„Војната меѓу Русија и Украина не е наша, словачка војна. Ако некој сака да предизвика воен конфликт меѓу НАТО и Русија за да ги задоволи сопствените национални интереси, тогаш мора и да преземе одговорност за таков чекор, а не да ја префрла на другите членки на НАТО“, рече Фицо.

Тој оцени дека е многу лесно да се најде изговор за започнување војна, но дека државите се доволно развиени за да можат да направат разлика меѓу вистински вооружен напад и, како што рече, измислена провокација.

„За време на мојата влада, никој нема да испрати словачки војници надвор од територијата на Словачка за да се борат против Русија или која било друга земја под измислен изговор“, изјави словачкиот премиер.

Зборувајќи за членот 5 од Северноатлантскиот договор, Фицо рече дека оваа одредба, во случај на вистински вооружен напад врз една или повеќе членки на НАТО, остава широки можности за пружање помош на нападнатата држава.

Истовремено, тој повика на крај на, како што рече, „приказната за лажната солидарност“, наведувајќи дека земјите од Европската Унија не се способни да покажат солидарност дури ни кога станува збор за цените на електричната енергија, а камоли кога се работи за смртта на војници.

Фицо изјави дека Словачка ќе продолжи да води „суверена“ политика, притоа почитувајќи го своето членство во Европската Унија и во НАТО. „На тлото на Европската Унија нема да се откажеме од нашите суверени ставови, кои имаме намера да ги продлабочиме во рамките на соработката на Вишеградската група. А во НАТО сакаме да бидеме сигурен партнер, а не играчка во рацете на другите, и наш доминантен збор ќе биде мирот, а не војната“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Фото: Нејмар го изненади Олисе

Францускиот репрезенативец Мајкл Олис блесна во победата на Баерн Минхен над Унион Берлин, а по натпреварот доби подарок што не го очекуваше.

Фото: Нејмар го изненади Олисе

Францускиот напаѓач постигна три гола и запиша една асистенција, потврдувајќи дека е еден од клучните играчи на Баварците оваа сезона. Сепак, она што се случи по натпреварот привлече речиси исто толку внимание колку и неговата игра на теренот.

Олисе доби дрес од Нејмар, а подарокот му го врачи новинарката Изабела Паљари.

Таа веќе еднаш приреди слична сцена, кога му го подари дресот на бразилската ѕвезда на Дезире Дуе. За Олисе, кој важи за многу повлечен фудбалер и човек чии прослави на голови се главно крајно смирени, реакцијата беше необична.

Кога го виде дресот на Сантос, на лицето му се појави широка насмевка. Дресот пристигна како еден вид порака од Нејмар, поранешниот играч на Пари Сен Жермен и Барселона, а Олисе возврати на гестот. Французинот потоа му го испрати својот дрес на Бразилецот, со што продолжи оваа интересна размена.

Тагови: Баерн Минхен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер