На овој ден во 1893 година, во Солун, биле поставени темелите на Македонската револуционерна организација, чија борба подоцна ќе го достигне својот врв со Илинденското востание во 1903 година.

Почетоците на организираното револуционерно движење се поврзуваат со група македонски интелектуалци, кои во сложени историски околности решиле да преминат од зборови на дела.

„На овој ден кога ја основаа организацијата, ја основаа македонските интелектуалци – револуционери: Даме Груев професор, Христо Татарчев лекар, Иван Хаџиниколов книжар, Петар Поп Арсов професор... Овие високи македонски интелектуалци се определиле на дејствување и историското значење на овој ден е затоашто го означува почетокот на револуционерната борба на македонскиот народ, за ослободување и за своја држава. Она што треба да се нагласи дека после овој ден кој го празнуваме како празник се поставува основата за продолжување на борбата, по кој следува Илинден 1903 како втор голем македонски национален празник..“

Според професорот Миновски, доколку организацијата не ги поставела темелите и програмата за создавање сопствена држава, понатамошната борба за ослободување на македонскиот народ ќе била многу потешка.

По повод празникот, претседателката Гордана Сиљановска-Давкова порача дека историските идеали денес треба да се преточат во чесна работа, праведност и реформи за просперитетна држава.

Честитка упати и претседателот на Собранието, Африм Гаши, кој повика на единство, меѓусебно почитување и заедничка одговорност за градење демократско и стабилно општество во кое секој граѓанин ќе се чувствува еднакво и почитувано.

Во чест на македонските револуционери, денес се положи свежо цвеќе пред споменикот на основачите на ВМРО во паркот „Жена борец“ во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Големите го прават тоа што сакаат, а малубројните тоа што мораат, Македонија го минува најдолгиот и најтешкиот пат кон ЕУ, проследен со бројни условувања, одложувања и неправедни удари, но државата мора да постапува мудро и трпеливо, порача премиерот Христијан Мицкоски на свечената академија по повод 23 Октомври – Денот на македонската револуционерна борба, која се одржа во МНТ под мотото „Свои на своето“. Говорејќи за евроинтегративниот процес, премиерот ја истакна измореноста на граѓаните од долгото чекање за членство во Европската Унија, како и од условите и билатералните спорови со кои се соочува земјата.

- Иако многумина веќе се скептични и уморни од услови, критериуми, билатерални спорови, ќе мора да бидеме мудри. За малубројните народи иднината е во мудроста и единството. Јас на политиката не гледам како на натпревар во мускули, туку повеќе како на партија шах. И големите се победуваат со мудрост. Со мудрост може да има иднина кога веќе природната предодреденост, поставеноста и геополитиката не ни одат во прилог. Затоа честопати ми велат: „Напуштете ги преговорите“. Лесно е да се каже. Но така ја отфрламе единствената шанса да влеземе во клубот и да разговараме рамноправно на истата маса, изјави премиерот.

Осврнувајќи се на односите со Бугарија, Мицкоски порача дека нема да прифати отстапки што ги смета за спротивни на интересите на македонскиот народ, ниту, пак, како што рече ќе падне на провокации. На неразумните чекори одговарам со разум, на провокациите со принципи, на притисоците со отпорност, не трчам трка на 100 метри, туку маратон и Никогаш не се покајав за тоа што водам промакедонска политика, кажа Мицкоски.

-Мојата задача како премиер не е да се занимавам со коски кои припаѓаат на минатото, туку со обезбедување иднина која им припаѓа на нашите деца. А оние кои се шнајдери на историјата, што мислат дека со вето можат да ни ја прекројат историјата, им порачувам: нашето паметење не подлежи на нивно одобрување. Ниту еден притисок не може да го избрише Гоце Делчев од срцето на македонскиот народ. Затоа што Гоце е вткаен во нашата борба, во нашата слобода, во нашето постоење, изјави Мицкоски.

Мицкоски во својот говор предупреди и дека нестабилноста во Европа и на Балканот може да се одрази и врз Македонија, споменувајќи активности на безбедносни служби и одредени опозициски структури кои според него би можеле да се обидат да ја вовлечат земјава во регионални проблеми. Тој ги повика граѓаните да не подлегнуваат на, како што ги нарече, вештачки наметнати прашања и хиперболизирани етнички теми.

-А на Балканот службите никогаш не престануваат да работат. И нема да ме зачуди доколку има и такви кои ќе се обидат да нè вмешаат во нивните проблеми или да префрлат дел од нивниот амбиент во нашето секојдневие. А што се однесува до домашни актери за таква игра, тоа е многу лесно. Има неколку од опозицијата, што за пари и лажни ветувања за фотелја чуда умеат да прават, кажа Мицкоски.

Осврнувајќи се на историското дело на македонските револуционери нагласи дека нивниот пркос, мудрост и храброст се дел од наследството на македонскиот народ. Да бидеме свои на своето, со корен во минатото и со верба во иднината, порача Мицкоски нагласувајќи дека слободата за која се бореле и ги положувале животите револуционерите носи одговорност за тоа каква држава ќе им оставиме на идните генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Едно лице загина, а тројца се водат како исчезнати. Властите не соопштија што го предизвикало пожарот на бродот, но неколку локални медиуми објавија дека бил погоден од беспилотни летала.

Според Романската поморска администрација, инцидентот се случил околу 13 наутички милји источно од пристанишниот град Констанца и бил пријавен околу 10 часот по локално време. Екипажот на бродот се состоел од десет украински и тројца азербејџански државјани.

„Најновиот инцидент со брод во Црното Море е дел од руската ескалација во регионот“, рече романскиот претседател Никушор Дан.

10 лица спасени од близок трговски брод

Министерството за внатрешни работи соопшти дека граничната полиција добила извештај од Поморскиот координативен центар за пожар на трговски брод кој „претрпел сериозна штета и се превртел, со непосреден ризик од потонување“. Видеото што го споделил поранешниот советник на украинскиот министер за внатрешни работи, Антон Герашченко, покажува дека бродот е пред потонување.

„Од 13-те лица на бродот, десет беа спасени од друг трговски брод што беше во близина. Девет лица се живи, а едно почина. Три лица сè уште се водат како исчезнати“, се вели во соопштението на министерството.

Романската поморска администрација го идентификуваше бродот како товарен брод „Хорив“, кој пловеше под знамето на Коморите. Според податоците од веб-страницата MarineTraffic, која го следи морскиот сообраќај, бродот исплови од Турција на 21 октомври и се упати кон романското пристаниште Сулина.

„Спасувачките екипи продолжуваат со потрагата по преостанатите тројца членови на екипажот“, потврди поморската администрација. Таа додаде дека поради неповолните временски услови и слабата видливост, не било можно да се изнајми хеликоптер.

The Comoros-flagged merchant ship Khoryv sank in the Black Sea off the coast of Romania this morning. Preliminary reports suggest the vessel may have been sunk by a drone attack. There were 13 crew members on board - 10 Ukrainian nationals and three Azerbaijani nationals, according to the Romanian Naval Authority. So far, rescue teams have pulled nine people alive from the water and recovered one body. The search and rescue operation is ongoing.

— Anton Gerashchenko (@Gerashchenko_en) October 23, 2026

Страв од ширење на војната

Инцидентот следува по серија напади со беспилотни летала врз најмалку седум товарни бродови покрај бреговите на земјите-членки на НАТО, Романија и Бугарија, во текот на октомври. Нападите ги поттикнаа стравувањата дека војната на Русија во Украина се шири во соседните области на Црното Море.

Неодамнешните напади во ексклузивните економски зони на двете земји се закануваат на важна меѓународна морска рута. Две лица загинаа во нив, а најмалку 25 лица сè уште се водат како исчезнати.

Во саботата, романските пилоти, ангажирани во задачи за надзор на воздушниот простор, соборија два дрона во романските територијални води на Црното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.