Живот

Четиригодишно дете од Русија преживеало четири дена само во шума

Четиригодишниот Дима Песков од Русија е пронајден жив откако четири дена минал сам во шума.



Две илјади луѓе трагале по малиот Дима, откако тој се загубил за време на кампувањето со родителите надвор од Екатеринбург.

-Кога го пронајдовме премрзнат, мокар и гладен. По телото имаше многу убоди од комарци. Кога малку се смири , ни раскажа дека јадел трева и пиел вода од мочуриштето, изјави припадникот на специјалната полиција Павел Карпенко кој го пронашол малиот Дима.

Исчезнувањето на четиригодишниот Дима била национална драма во претходните четири дена во Русија.
Малиот Дима инаку се загубил кога со неговиот татко заминал на кампирање во една шума. Таткото Андреј и малиот Дима отишле да цепат дрва , но на четиригодишното дете брзо му станало досадно и татко му го пратил назад кај мајка му која била оддалечена само 50 метри од нив.
-Бев неверојатно глуп. Но, никогаш не помислив дека Дима може да залута, изјави таткото Андреј.

Родителите инаку веднаш го пријавиле исчезнувањето на малиот Дима по што започнала потрагата.
Волонтерите кои учествувале во потерата утре дента ги лоцирале неговите траги од стапалото во близина на кампот. Потрагата со дрон не давала резултат.
Шансите за пронаоѓање на малиот Дима се намалувале од ден на ден , посебно кога во шумата била забележана и мечка.

Но детето за среќа е пронајдено како лежи во една дупка под паднато дрво, откако во потерата учествувале околу 2000 луѓе.

Малиот Дима е пронајден 7 километри од местото каде исчезна, по што е пренесен во болница каде се рехабилитира од повредите и стресот.

Македонија

Од денеска пријавување за бесплатно подигнување кабаст отпад во сите населби во Кисел Вода

Од денеска почнува пријавувањето за бесплатно подигнување кабаст отпад во сите населби во Кисела Вода

Нова акција за собирање на кабаст отпад ќе се спроведе во општина Кисела Вода. Како дел од активностите за заштита на животната средина, во периодот од 27 мај до 07 јуни во сите месни и урбани заедници на територија на општината, ќе бидат ангажирани одговорни лица и сезонски работници кои бесплатно ќе го подигаат кабастиот отпад од пред домаќинствата или колективните згради, информираат од Општина Кисела Вода.

Пријавувањето почнува денеска и ќе трае до 23 мај. Секој жител на општина Кисела Вода кој поседува кабаст отпад и сака тој да биде подигнат и депониран на соодветна локација, ќе може да закаже термин на телефонскиот број 02/2785-427, секој работен ден од 09:00 до 15:00 часот.

Од Општината појаснуваат дека кабастиот отпад треба да биде поставен пред објектот кој е претходно договорен, на безбедна локација со што не би се загрозила безбедноста на пешаците, велосипедистите и останатите учесници во сообраќајот, кои ќе се движат во тој период.

-Само со одговорно однесување на секој поединец заеднички ќе можеме да ја одржуваме Кисела Вода чиста и уредна. Зачувувањето на природата и животната средина е наша заедничка обврска и одговорност, велат од Општина Кисела Вода.

Оттаму апелираме до сите граѓани да се приклучат на оваа акција, бидејќи, како што велат поддршката и заедничката ангажираност се од суштинско значење за заедницата.

Свет

Делови од Нова Каледонија се надвор од државна контрола

Области на пацифичката територија на Нова Каледонија „се надвор“ од државната контрола, изјави денеска претставник на француската влада, најавувајќи нови безбедносни распоредувања по неколкудневното смртоносно насилство.

„Ќе пристигне засилување... за да ги контролираме областите што не се под наша контрола во изминатите денови “, изјави на брифинг високиот комесар на Републиката во Нова Каледонија, Луј Ле Фран.

Вонредна состојба беше воведена на францускиот архипелаг откако противењето на планот на Париз за промена на правилата за гласање таму прераснаа во подметнување пожар, грабежи и насилство, при што загинаа пет, а стотици беа повредени.

Како дел од вонредната состојба, приведени се околу 200 од околу 5.000 „бунтовници“, соопштија француските власти.

Едно лице осомничено за убиство им се предаде на властите, рече Ле Фран на денешниот брифинг.

Немирите започнаа кога француските пратеници ги одобрија плановите да им се дозволи на оние кои се преселиле на територијата пред најмалку 10 години да гласаат на локалните избори.

Македонија

Работна средба на Стопанската комора со раководството на „Македонија 2025“

Стопанската комора на Македонија денеска ќе реализира работна средба со раководството на „Македонија 2025“ на тема „Големи економски проекти - темели за просперитетна иднина на Македонија“. 

По средбата, која ќе се одржи во просториите на Комората, предвидени се изјави за медиумите од претседателот на Стопанската комора на Македонија Бранко Азески и Мајк Зафировски, еден од основачите на „Македонија 2025“.

притисни ентер