Четиригодишно дете исчезна во дивината на Австралија, во тек е потрага: Мали се шансите да го најдеме живо (ВИДЕО) - Канал 5

Свет

Четиригодишно дете исчезна во дивината на Австралија, во тек е потрага: Мали се шансите да го најдеме живо (ВИДЕО)

Четиригодишниот Август Гас Ламонт исчезнал во саботата во дивината во јужна Австралија, а спасувачите кои го бараат велат дека шансите да е жив се намалуваат.

Четиригодишно дете исчезна во дивината на Австралија, во тек е потрага: Мали се шансите да го најдеме живо (ВИДЕО)

Гас исчезнал во саботата од оддалечениот имот на неговите баба и дедо, околу 40 километри јужно од Хунта. Денеска, полицијата соопшти дека момчето имало мали шанси да преживее шест дена само во суровата дивина, објави Метро.

Стотици трагачи го бараат со денови, но единствената трага што ја имаат е еден отпечаток пронајден на околу 500 метри од имотот.

„Тоа многу се совпаѓа со отпечатокот од чизма што ја носел Гас кога исчезнал“, соопшти полицијата.

Кога исчезнал, момчето носело сива шапка, сина маица со долги ракави со принт на Мињон, светло сиви панталони и чизми.

Денеска инспекторот призна дека шансите детето да преживее само, без храна, вода и засолниште се многу мали.

„Четиригодишно момче не исчезнува во воздух, мора да биде некаде. Се надевам дека е живо и здраво, но ние сме во фаза на потрага каде што е исчезнат повеќе од 100 часа и тоа е премногу за да биде во толку сурови услови“, додаде тој.

Тој рече дека сите отсекогаш знаеле дека Гас е жилаво мало селско момче.

„Можеби е завиткан под грмушка некаде и ние сме решени да го пронајдеме“, изјави тој на прес-конференција.

Полицијата вложи максимални напори за да го пронајде Гас. Специјализирани нуркачи беа вклучени во проверка на резервоари за вода и брани, а спасувачите користат инфрацрвени камери, кучиња трагачи, теренски возила и беспилотни летала.

Во вторникот, во нивно име прочита соопштение семејниот пријател Бил Харбисон.

„Ова ги шокираше нашите семејства и пријатели и се бориме да разбереме што се случило. Срцата ни болат и се надеваме дека ќе биде пронајден и вратен кај нас безбедно“, рече тој.

Тагови: дете исчезнат

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер