Честитка на лидерот на Движењето ЗНАМ Максим Димитриевски за 11 Октомври - Канал 5

Македонија

Честитка на лидерот на Движењето ЗНАМ Максим Димитриевски за 11 Октомври

11 Октомври е стожер на македонската борба за слобода - темел на нашата државност

Честитка на лидерот на Движењето ЗНАМ Максим Димитриевски за 11 Октомври

Лидерот на Движењето ЗНАМ - За наша Македонија, Максим Димитриевски на денешното одбележување на еден од најзначајните датуми во македонската историја, се обрати пред преживеаните борци од НОБ, како и пред високи државни и политички претставници и присутни граѓани. Димитриевски зборуваше за вредноста и тежината што со себе ја носи денот кога во Куманово и Прилеп почна вооружениот отпор против фашистичкиот окупатор.

„11 Октомври е денот на народното востание на македонскиот народ. 11 Октомври е стожер на македонската борба за слобода, симбол што на своите гради гордо ги носи темелите на нашата државност. Овој значаен датум од 1941 година, засекогаш ќе остане врежан во богата историја на нашиот народ, која ја создадоа храбрите борци од Козјачкиот и Карадачкиот и многу други партизански одреди кои ги водеше храброста и непоколебливоста во единствената замисла да донесат слобода и правда на својот напатен народ.

Силната волја и одлучност стоеја над фашистичките окупатори што беа пресудни конечно да се оствари долго сонуваниот сон за самостојна држава. Оддаваме почит денеска, не само на Кумановскиот и Карадачкиот одред, туку и на 25.000 жртви кои Македонија, македонскиот народ и сите етнички заедници ги дадоа и учествуваа активно во Втората светска војна во борбата против фашизмот и најголемото зло на 20 век кое што, гледаме, дека и до ден – денес за жал во светски рамки се уште не е исчезнато.

Првата пушка во Македонија пукна во Куманово и во Прилеп. На 11 Октомври почна востание како израз на револуционерните тенденции на еден народ, обединети во заедничка намера и мисла за слобода во независна држава - во која сите заедно ќе можеме слободно да дишеме и да функционираме како денеска.

Тогаш конечно ги отворивме портите на слободно домашно катче. Одлуките на Првото заседание на АСНОМ во 1944 година донесоа остварување на вековната македонска желба за сопствена и независна држава. Тогаш влеговме во една силна федерција, денеска сме тука како независна Македонија.

Затоа денеска имаме можност, но пред се и чест да им укажеме почит на сите херои кои тогаш ги дадоа своите млади животи за слободата што ние денеска ја имаме. На Христијан Тодоровски - Карпош, на Магдалена Антова, на Бајрам Шабани, на Мирче Ацев, на Мите Богоевски, Цветан Димов, Раде Јовчевски - Корчагин, Кузман Јосифоски - Питу, Ибе Паликуќа и многу други херои кои многу не задолжија.

Денеска, имаме обврска да застанеме непоколебливо во одбрана на аманетот - спроведувајќи ја светата должност за обединување на сите наши граѓани. На сите Македонци, Албанци, Срби, Турци, Роми, Власи и Бошњаци во едно праведно општество. Бидејќи сите дадовме заслуга за тоа што денес го имаме. Да се потрудиме да го сочуваме Куманово, но и наша Македонија. И, нашата богата историја на револуционерен и херојски град, кој долги години одржува мултиетничка средина за пример, преку хармоничен соживот на бројни етнички заедници.

Денеска достоинствено одбележуваме 84 години од историското народно востание, сеќавајќи се на борците кои ни ја подарија слободата и кои со светол пример за самопожртвуваност и истрајноста во својот човечки неумор, не водат по нашиот пат. 11 Октомври треба да биде поттик за надминување на сите пречки и поделби преку почит кон другиот, соработка и пријателство кои ќе донесат напредок на сите, со цел да може да живееме слободно во сопствената наша држава.

Да дејствуваме мудро со изнаоѓаме реални и ефикасни методи, од причина што секој има право на подобар живот и подобар животен стандард. Македонскиот идентитет, историја и јазикот, културата - се нашето најголемо најголемо богатство. И, токму затоа, треба да се бориме за обединување на сите наши граѓани, преку почитување на сите меѓу себе.

Да продолжиме да се залагаме за достигнување на европските вредности, преку сплотеност, за развивање на нашата татковина на секое општествено поле. Градејќи мостови за пријателство со сите, а не штитејќи туѓи интереси.

11 Октомври е горд симбол на подобра иднина на генерациите кои допрва треба да живејат и да создаваат во демократско општество. Имајќи ја предвид светската обврска дека мора да се чува својата држава, воздигнувајќи го нејзиниот развој на едно повисоко рамниште. Придобивките од нашата револуционерна борба не се само наши. Тие се меѓународни и интернационални. Затоа и влеговме, како составен дел на светската историја и како учесник во Втората светска војна и партнер на вистинската страна.

За разлика од многумина, кои денес не негираат, а во континуитет секогаш биле на погрешната страна на историјата.

Но, како и да е, ние Македонците, граѓаните на Македонија, го имаме тоа чувство за пријателство и секогаш знаеме да простиме. Но, притоа, сите мора и да си ги признаат грешките. Бараме да продолжиме напред, како составен дел на големото европско семејство, ценејќи не, какви сме - такви сме да не прифатат и сите заедно да одиме напред. Со нови мостови на пријателства, не само со Европа, туку и со целиот свет.

Да е жива и здрава Македонија, да ја чуваме сплотено, рамо до рамо, да ни е живо и здраво Куманово. И, голем поклон до нашите претци и борци и сите учесници во Втората светска војна, кои ни го оставија ова што ние денеска го имаме. А, гледаме дека нападнати од многумина од страна, се обидуваат да ни го земат.

Да живееме сите и да одиме напред.

Нека ни е среќен празникот“, порача лидерот на Движењето ЗНАМ и градоначалник на Куманово Максим Димитриевски.

Тагови: максим димитриевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху: Израел нема да се повлече од јужен Либан сè додека Хезболах е закана

Нетанјаху во понеделник ја посети либанската територија окупирана од израелската армија, велејќи им на војниците дека Израел нема да се повлече од југот на земјата сè додека Хезболах претставува закана.

Нетанјаху: Израел нема да се повлече од јужен Либан сè додека Хезболах е закана

Израелскиот премиер Бенјамин Нетанјаху во понеделник ја посети либанската територија окупирана од израелската армија, велејќи им на војниците дека Израел нема да се повлече од југот на земјата сè додека Хезболах, групата поддржана од Иран, претставува закана.

Ова беше прва посета на Нетанјаху на окупираната либанска територија откако израелската и либанската влада постигнаа договор за безбедност со посредство на САД минатиот петок, со кој Израел ќе ги предаде двете окупирани области на либанската армија.

„Инсистираме дека нема да го напуштиме јужен Либан сè додека заканата не се отстрани“, им рече Нетанјаху на војниците, осврнувајќи се на Хезболах, според соопштението објавено од неговата канцеларија. „И сè додека Хезболах продолжува да дејствува тука, да биде вооружен и да ни се заканува, ние ќе останеме тука“, рече тој.

На Нетанјаху, кој последен пат јавно ја посети окупираната либанска територија во април, му се придружија министерот за одбрана Израел Кац и високи воени функционери. Според договорот за безбедност поддржан од САД, израелските сили треба да се повлечат од двете „пилот зони“ и да им дозволат на либанските вооружени сили да ја преземат контролата врз тие области.

Израелската армија создаде „тампон зона“

Не се објавени дополнителни детали за тоа како проектот ќе функционира во пракса. Израел го нападна Либан откако Хезболах започна напади врз својот јужен сосед на 2 март како одговор на американско-израелскиот напад врз Иран на 28 февруари. Така, војната се прошири во регионот во кој загинаа илјадници луѓе, главно во Иран и Либан, но и во Заливот и Израел.

Израелската армија создаде „тампон зона“ широка околу 10 км по целата израелска граница. Израелските власти велат дека зоната е потребна за да се заштитат израелските заедници на северот од земјата од нападите на Хезболах.

Армијата ги принудува локалните либански жители да ги напуштат своите домови и врши напади врз села, уништувајќи многу згради. Армијата вели дека уништува инфраструктура што ја користи Хезболах, вклучително и подземни тунели.

Повеќе од еден милион Либанци се раселени

Повеќе од 4.000 Либанци се убиени, а повеќе од еден милион се раселени во израелската кампања во Либан од март. Хезболах уби најмалку 32 израелски војници и четворица израелски цивили, повеќето од нив во јужен Либан.

Нетанјаху им кажа на израелските трупи во понеделник дека Хезболах сè уште има околу 12.000 ракети и проектили во својот арсенал и дека израелската војска убила 9.000 милитанти во Либан. Тој не кажа во кој период, но се чини дека се осврнува на бројот убиени од 2 март, објави Ројтерс.

Израел се спротивставува на поврзувањето на војната во Либан со војната со Иран

Хезболах не објавува бројки за своите воени жртви. Ројтерс објави на 4 мај дека неколку илјади борци на Хезболах се убиени во војната. Иран постојано бараше прекин на огнот во Либан како дел од разговорите со САД за прекин на војната што започна во февруари.

Израел, кој не е директно вклучен во разговорите, се спротивставува на поврзувањето на војната во Либан со војната со Иран. Под притисок од САД, Израел се согласи на прекин на огнот со Хезболах на 19 јуни, иако насилството продолжува. Хезболах постојано се спротивставуваше на преговорите меѓу Израел и Либан, во кои не е дел.

Извор: Индекс.хр

Тагови: Бенјамин Нетанјаху

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Навивачите предизвикаа огромна штета во кафуле за неколку секунди откако Бразил ја победи Јапонија

Прославата на навивачите за победничкиот гол на Бразил против Јапонија тргна наопаку во кафуле откако еуфоричните навивачи бутнаа и уништија телевизор.

Навивачите предизвикаа огромна штета во кафуле за неколку секунди откако Бразил ја победи Јапонија

Габриел Мартинели му донесе победа на Бразил во последните моменти од натпреварот во понеделник, што предизвика делириум кај навивачите, пишува „The Sun“.

Инцидент со џиновски канаринец

Прославата во кафуле беше расипана од инцидент во кој беше уништен голем телевизор. Двајца навивачи, кои веројатно ќе платат скапо за овој потег, кренаа џиновска картонска фигура на канаринец во воздух облечена во дрес на Бразил.

Додека ја креваа, крилото на фигурата го фати телевизорот и го собори од држачот на ѕидот. Уредот удри во две маси и падна на подот со екранот надолу, додека публиката гледаше во мешавина од шок и прослава, сè уште оптоварени од победничкиот гол постигнат неколку секунди претходно.

„Време е за бегство“

Видеото од инцидентот е прегледано стотици илјади пати на социјалната мрежа „X“, а коментарите се проширија брзо. „Ќе мора да купите друг телевизор“, рече еден корисник.

„О, Боже, време е за бегство“, напиша друг, додека трет додаде: „Се надевам дека има пари“.

Што го чека Бразил сега?

Потсетете се дека бразилската репрезентација ја победи Јапонија со 2-1 во драматичен натпревар од Светското првенство, а Габриел Мартинели го постигна победничкиот гол во шестата минута од судиското продолжение.

Јапонија водеше на полувреме, но Бразил успеа да го сврти резултатот во второто полувреме и да се пласира во осминафиналето, каде што ќе игра против победникот од натпреварот меѓу Норвешка и Брегот на Слоновата Коска. Тој натпревар ќе се игра на 5 јули во 22 часот во Њујорк.

Извор: Индекс.хр

Тагови: Бразил јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Демократите за прв пат се сериозна закана за републиканците

Демократот Џејмс Таларико и републиканецот Кен Пакстон се изедначени во трката за американскиот Сенат во Тексас, покажува нова анкета, што укажува на една од најнеизвесните изборни трки во земјата.

Демократите за прв пат се сериозна закана за републиканците

Според резултатите од анкетата, спроведена од Њујорк Тајмс и Универзитетот Сиена, двајцата кандидати имаат 47 проценти поддршка од гласачите.

Анкетата е спроведена од партнерска организација која, според веб-страницата „FiveThirtyEight“, била најточна во Соединетите Држави за време на изборите во 2024 година.

Резултатот од анкетата би можел дополнително да ги зголеми надежите на демократите дека Тексас би можел да стане навистина конкурентно изборно бојно поле во ноември, и покрај долгата доминација на републиканците на изборите низ целата држава.

Новата анкета сугерира дека Таларико успеал да ја претвори трката што многумина првично ја сметаа за речиси невозможна за демократите во целосно неизвесен натпревар.

Ова ги прави претстојните избори важен тест за тоа дали демократите конечно можат да ја прекинат децениската доминација на Републиканската партија во Тексас.

Извор: Б92

Тагови: демократите републиканците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер