Балкан

Чекалниците во здравствените домови во Србија преполни поради три вируси

Хрватска бележи најголем број заболени од голема кашлица во последните 40 години, во Романија прогласена е епидемија на сипаници, а во Србија се зголемува бројот на заболени од респираторни инфекции и состојби слични на грип.

Речиси и да нема семејство каде некој не е болен, јави дописникот на МИА од Белград.

Лекарите велат дека во Србија во оптек има неколку вируси - грип, корона, респираторен синцицијален вирус (РСВ), кој е најопасен за предвремено родените деца. Многумина се жалат на болки во грлото, кивање, кашлање, течна столица и треска.

Се зголемува големата кашлица, предизвикана од бактеријата Bordatella pertussis. Досега во Србија се потврдени два подтипа на вирус на грип - А (Х3) и А (Х1).

Според податоците на Институтот „Батут“, минатата недела симптоми слични на грип биле регистрирани кај околу 9.000 граѓани, од кои повеќето биле деца помлади од 14 години. Последниве денови се забележува зголемување на бројот на пациенти во амбулантите и за возрасни.

Епидемиологот д-р Драгана Димитријевиќ, национален координатор за епидемиолошки надзор на грипот од Батут, изјави дека има благ пораст на бројот на заболени од грип, но дека има значително зголемување на бројот на заболени од акутни респираторни инфекции.

Таа објаснува дека само со лабораториска потврда може да се утврди кој респираторен патоген е во оптек, дали се работи за вирус на грип, корона или РСВ. Симптомите предизвикани од овие вируси се многу слични.

-Има зголемена телесна температура, која не мора да биде висока за сите овие патогени. Кај акутни респираторни инфекции може да има симптоми и без температура. Потоа доаѓа слабост, малаксаност, болки во мускулите, зглобовите, кашлица, кивање, кажа д-р Димитријевиќ.

Досега немаше вакцина против респираторниот синцицијален вирус, но според детскиот пулмолог проф. Предраг Миниќ годинава во САД се регистрирани две вакцини кои штитат од респираторен синцицијален вирус, од кои едната се дава на лица над 65 години, а другата на трудници.

Од вирусите најранливи се најмладите, постарите и хроничните пациенти. Затоа, во случај на какви било симптоми, лекарите во Србија препорачуваат дека треба да останете дома, да избегнувате големи гужви, во групи, да ги проветрувате просториите, да применувате редовна дезинфекција и хигиена. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кралицата на Ноќта на вештерките шокира со страшен костим: Огромна крвава дланка ги исплаши луѓето

Славниот топ модел, велемајстото за костими за Ноќта на вештерките, манекенката Хајди Клум уште еднаш докажа зошто ја носи титулата „Кралица на Ноќта на вештерките“

Славниот топ модел, велемајстото за костими за Ноќта на вештерките, манекенката Хајди Клум уште еднаш докажа зошто ја носи титулата „Кралица на Ноќта на вештерките“ – по овие фотографии, сигурно нема да ви биде важно ништо друго.

Познатиот германски модел, Хајди Клум, приреди вистински спектакл на јубилејното, 25-то издание на нејзината прочуена забава за Ноќта на вештерките во Њујорк, појавувајќи се во костим од кој на многумина им застана здивот – стануваше збор за огромна, крвава, отсечена човечка рака!

Иако со денови наназад наговестуваше детали за тоа каков би можел да биде костимот, никој не можеше да претпостави вакво нешто.

Традиционалната забава се одржа во областа „Катедрал“ на Менхетен и собра бројни славни личности, кои вложија максимални напори да привлечат внимание со своите костими. Сепак, како и секоја година, најголем интерес предизвика домаќинката на вечерта, која уште еднаш ги помести границите на креативноста и трансформацијата.

Годинава, Хајди се одлучи за прилично морничава идеја – човечка рака со црвени нокти, масивни златни прстени и верна реплика на нејзиниот венчален прстен.

Целокупниот изглед беше заокружен со крвави детали, поради што моделот изгледаше како огромен, отсечен дел од човечко тело.

Инаку, Хајди низ годинитеизгради репутација на жена која многу сериозно ги сфаќа костимите за Ноќта на вештерките, а нејзините трансформации редовно се главна тема на разговор по секоја забава.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Излезност до 18-30 часот на изборите во Брвеница, гласале 52,90 проценти од гласачите

Според пресекот направен во 18.30 часот, и податоците пристигнати до Државната изборна комисија, статистиката за излезност на гласачите на вториот круг од Предвремените избори за градоначалник на општина Брвеница е следната:

Од пристигнати податоци од 24 избирачки места, вкупниот број на гласачи кои го оствариле правото на глас изнесува 8.595, или изразено во проценти 52.90 %., објави Државната изборна комисија.

Во споредба со првиот круг излезноста е зголемена за 8.33 %.

Во однос на заштитата на личното избирачко право, до 18.30 часот се пристигнати 3 приговори и сите се усвоени. На граѓаните кои ги доставија приговорите им се овозможи да го остварат своето право на глас.

Следната информација за јавноста ќе биде соопштување на првичните и неофицијални резултати веднаш по комплетирање на податоците од избирачките места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче за одлуката на Славески: Парите од криминалните тендери на ВМРО ОКГ и Вучиќ ќе продолжат да се перат, а парите на народот заробени

Парите од криминалните тендери на ВМРО-ОКГ и парите кои Вучиќ ги префрли, а се дел од истрага ќе продолжат да се перат, а парите на народот кои имаат сметки во Алта банка, ќе останат заробени, напиша претседателот на СДСМ, д-р Венко Филипче.

Парите од криминалните тендери на ВМРО-ОКГ и парите кои Вучиќ ги префрли, а се дел од истрага ќе продолжат да се перат, а парите на народот кои имаат сметки во Алта банка, ќе останат заробени, напиша претседателот на СДСМ, д-р Венко Филипче, на социјалната мрежа Х, по одлуката на гувернерот Трајко Славески за воведување привремена администрација на Алта банка, со која на граѓаните им се ограничува подигнувањето готовина на 10.000 денари неделно, додека за фирмите нема ограничување. Филипче посочи дека партиските фирми на организираната криминална група ќе си ги повлече парите, а народот ќе остане без своите пари.

„Каква е оваа одлука на Трајко Славески граѓаните да не можат да си ги извадат парите, да можат само 10.000 денари неделно да вадат а фирмите да можат колку сакаат? Значи парите од криминалните тендери на ВМРО-ОКГ и парите кои Вучиќ ги префрли, а се дел од истрага ќе продолжат да се перат, а парите на народот ќе останат заробени. Криминална одлука на криминална власт. Партиските фирми на организираната криминална група ќе си ги повлече парите а народот ќе остане без своите пари“, напиша Филипче на социјалната мрежа Х.

Скопје, 1.11.2026

СДСМ

Тагови: Венко Филипче СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.