Часовникот на судниот ден поместен на само 85 секунди до светска катастрофа - Канал 5

Бизарно

Часовникот на судниот ден поместен на само 85 секунди до светска катастрофа

 Стрелките на познатиот Часовник на судниот ден, симболичен индикатор за заканата за светот и човештвото, се поместени на само „85 секунди до полноќ“. 

Часовникот на судниот ден поместен на само 85 секунди до светска катастрофа

Тоа е најблиската точка до целосна катастрофа, во речиси 80-годишната историја на ова предупредување.

„Полноќ“ на овој симболичен „Часовник“ ја претставува точката на целосно уништување на човековата цивилизација. Научниците кои одлучуваат за „Часовникот“, предупредуваат дека светот никогаш не бил во толку ризична состојба. Оваа нивна одлука ги одразува растечките закани со коишто се соочува човештвото - од нуклеарно оружје и климатски промени, до развој на вештачка интелигенција и други технологии што може да имаат катастрофални последици. Предвидувачите, исто така, го наведоа постојаното ширење на дезинформации и теории на заговор како дополнителни егзистенцијални предизвици.

Откако часовникот стоеше на 90 секунди до полноќ во 2023. и 2024 година, лани стрелките беа поставени на 89 секунди до полноќ, што во тоа време претставуваше рекордна близина до пропаста.

Меѓу најважните опасности со коишто се соочуваат луѓето денес се нуклеарната закана, климатската криза, биолошките опасности, но и развојот на „деструктивни технологии“, а тука ВИ сѐ почесто се зема предвид.

- Човештвото не постигна доволен напредок во однос на егзистенцијалните ризици што нè загрозуваат сите. Часовникот на судниот ден е комуникациска алатка што покажува колку сме блиску до самоуништување преку технологиите што ги создадовме, изјави Александра Бел, претседател и извршен директор на „Билтенот на атомските научници“, објаснувајќи ги причините за промената на „Часовникот“ оваа година.

- Опасностите со коишто се соочуваме постојано се зголемуваат. Секоја секунда е драгоцена и ни истекува времето. Тоа е суровата вистина, но и наша реалност!, предупреди таа.

„Билтенот на атомските научници“ е создаден 1945 година како непрофитна организација основана од група научници вклучени во тајниот „Проект Менхетен“ за развој на атомската бомба за време на Втората светска војна. Иако првично насочен исклучиво на нуклеарната закана, во 2007 година „Билтенот“ ги вклучи и климатските промени во своите проценки, препознавајќи ги како еднакво сериозен ризик за опстанокот на човештвото.

Сепак, враќањето на часовникот е сè уште можно ако се преземат смели и суштински мерки. „Ние во 'Билтенот' веруваме дека луѓето, откако ги создадоа овие закани, имаат моќ и да ги намалат. Но, тоа не е лесно и никогаш не било. Потребна е сериозна работа и глобален ангажман на сите нивоа на општеството“, соопштуваат од научната установа.

Најдалеку од „Полноќ“, Часовникот на судниот ден беше во 1991 година - 17 минути до предвидената можна катастрофа. Тоа, откако Администрацијата на тогашниот американски претседател Џорџ Буш Постариот го потпиша „Договорот за намалување“ на стратешкото оружје со Советскиот Сојуз, што се совпадна и со повеќегодишниот пад и пропаст на Источниот блок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран има нова мета?

Портпаролот на иранското Министерство за надворешни работи, Есмаил Багеи, денес изјави дека Канада станала „резервен тим“ на САД во нивната воена агресија против Иран.

Иран има нова мета?

Портпаролот Багеи изјави дека САД ја нарекуваат Канада своја педесет и прва земја, воведуваат царини на нејзините стоки, па дури и се закануваат дека ќе ја казнат за еколошки проблеми.

Тој исто така додаде дека одговорот на Отава е само послушност, според новинската агенција Тасним.

„Официјална Отава учествува во нелегалната војна на САД против Иран за да го задоволи Вашингтон. Оваа ситуација покажува дека Канада повеќе не се согласува со САД, туку е сведена на улога на резервен тим“, рече Багеи.

Извор: Б92

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: И оваа година бесплатни униформи за сите ученици од прво до деветто одделение

Општина Центар и оваа учебна година продолжува со мерката за обезбедување бесплатни училишни униформи за сите ученици од прво до деветто одделение во осумте општински основни училишта.

Герасимовски: И оваа година бесплатни униформи за сите ученици од прво до деветто одделение

Мерката, која Општината ја воведе минатата година, продолжува и во учебната 2026/2027 година, со цел да се намалат социјалните разлики меѓу учениците и да се создаде училишна средина во која секое дете ќе се чувствува еднакво и прифатено.

Градоначалникот на Општина Центар, Горан Герасимовски, истакна дека обезбедувањето бесплатни униформи е дел од заложбите на Општината за еднакви услови за сите деца.

„Училиштето треба да биде место каде што децата ќе се разликуваат по знаењето, трудот и успехот, а не по тоа кој што носи и колку неговите родители можат да си дозволат. Токму затоа минатата година ја воведовме оваа мерка, а продолжуваме и оваа година. Со бесплатните униформи сакаме да ги намалиме социјалните разлики, да спречиме тие да бидат причина за поделби или булинг и кај децата да го зајакнеме чувството дека сите подеднакво припаѓаат на своето училиште“, порача Герасимовски.

Секој ученик ќе добие комплет од пет памучни парчиња – две маици со јака, две маици со долги ракави со јака и еден дуксер со патент.

Општина Центар ќе продолжи со оваа мерка и во наредните учебни години, при што бесплатни униформи ќе се обезбедуваат и за новите генерации ученици.

Покрај бесплатните униформи, Општина Центар и оваа година ќе обезбеди бесплатни ранци за сите првачиња запишани во осумте општински основни училишта, како дополнителна поддршка за семејствата и убав почеток на нивното прво училишно поглавје.

Со овие мерки, Општина Центар продолжува да инвестира во образование во кое секое дете има еднаква можност, еднаков третман и услови непречено да се посвети на учењето и својот развој.

Со почит,

Одделение за односи со јавност

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изминатата седмица санкционирани 122 непрописно паркирани возила на територија на Општина Центар

ЈП Паркинзи на Општина Центар во периодот од 10.08 до 16.08.2026 година, со помош на специјалните возила „Пајак“ отстранија 122 непрописно паркирани возила кои го попречувале нормалното и безбедно одвивање на сообраќајот.

Изминатата седмица санкционирани 122 непрописно паркирани возила на територија на Општина Центар

За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ во наредниот период ќе продолжи со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер