ЦГК: Во земјава речиси да не се спроведуваат „зелени“ набавки

Во земјава речиси да не се спроведуваат „зелени“ набавки иако Законот за јавните набавки тоа го овозможува и поттикнува.

Институциите не ги почитуваат ниту малиот број мерки донесени од Владата со кои преку јавните набавки треба да се влијание врз заштита на животната средина, стои во клучните наоди во Извештајот од истражувањето на јавните набавки поврзани со заштитата на животната средина за детектирање на ризиците од корупција, што го објави денеска Центарот за граѓански комуникации (ЦГК).

Иако уште во декември 2019 година Владата реши да набавува вода во стаклени шишиња, според истражувањето, 90 проценти од водата што ја купуваат институциите е во пластични шишиња, за што годишно се трошат околу половина милион евра. Иако е обврска, како што наведуваат од ЦГК, институциите не бараат од понудувачите докази дека преземаат мерки за создадениот отпад од производите што ги продаваат. И покрај заклучокот на Владата да се набавуваат „еколошки“ возила, на годишно ниво дури 94 проценти од купените возила се на дизел или бензин.

– Не се бара еколошки карактеристики или ознаки ниту кај набавките на производи кои директно ја загадуваат животната средина како што се средствата за чистење, тонерите, печатарите итн. „Зелени“ аспекти во набавки отсуствуваат од почетокот на постапките – планирањето на набавките, преку описот на производите и критериумите за избор – сѐ до реализацијата на договорите. На тендерите поврзани со заштита на животната средина има просечно по две понуди по тендер со што конкуренцијата е пониска отколку на другите тендери во земјава. Правото на дискрециско постапување во однос на тоа дали ќе се почитуваат еколошките ознаки во набавките, дали ќе се применуваат стандардите за заштита на животната средина и дали доследно ќе се почитуваат препораките на Владата претставува плодно тло за надворешни влијанија и, оттука, и за корупција, се наведува во клучните наоди од истражувањето.

ЦГК оценува дека државава треба итно да донесе политика за „зелени“ јавни набавки која ќе биде задолжителна за спроведување од сите државни институции.

Истражувањето, проследено со Документ за јавни политики кои содржи предлози за поголема примена на зелените набавки, се изготвени во рамките на проектот „Приспособување кон климатските промени преку спречување на корупцијата во јавните набавки“. Проектот го спроведуваат Центарот за граѓански комуникации и Платформата на граѓански организации за борба против корупцијата, а е финансиски поддржан од Фондацијата Отворено општество Македонија.

Авио компанија е казнета со 300.000 долари - ги држеле патниците во авион и по 4 часа

Американското Министерство за транспорт го казни Воларис со 300.000 долари за кршење на федералните закони за одложување на летовите.

Авиокомпанијата мора да плати казна од 150.000 долари сега, со можност да се соочи со дополнителни 150.000 долари доколку има слични прекршоци во следната година.

Според прописите, меѓународните летови не можат да останат на платформата на аеродромот повеќе од четири часа без да им дозволат на патниците да излезат од авионот.

Воларис во текот на 2021 и 2022 година дозволи два лета да ја надминат оваа граница без да им даде можност на патниците да ги напуштат авионите.

Летот на Воларис 5892 од Гвадалахара до Далас Форт Ворт бил пренасочен кон меѓународниот аеродром Џорџ В. Буш на 17 август 2021 година и имало доцнење од пет часа и 32 минути.

Летот 826 од Мексико Сити до Чикаго О'Харе бил пренасочен кон Сент Луис на 23 јули 2022 година и имал четири часа и 35 минути доцнење на пистата.

Управата за заштита на потрошувачите во воздухопловството на Министерството за транспорт извршиле истрага и утврдиле дека ниту еден од исклучоците од т.н. Правилата за одложување на пистата не биле применливи за овие летови, објави денеска Транспорт.

Одделот наложи повеќе од 164 милиони долари казни против авиокомпании за кршење на правата на потрошувачите за време на администрацијата на Бајден.

Небиу: Да се спуштат топката и тонот за да се решаваат проблемите

Пандов: Jас се самоидентификувам како Македонец, мојата држава е Македонија

Небиу:

Прво треба да се спуштат топката и тонот за да се решаваат проблемите. Треба да ги следиме тоновите на ГЕРБ кои најверојатно ќе се вратат на власт , тие се смирувачки, иако Радев не е од ГЕРБ, но темата Макеоднија се користи за исборни цели. Во последните пет години сите носители на јавни функции го користеа новото име, сега ова би било ретерирање од т.н. преседан и треба да им кажеме на граѓаните дека ќе следува реакција од Грција.

Пандов:

Не постои некој од ВМРО-ДПМНЕ што ќе го употребува новото име. Не постои човек во Македонија кому не му е навредливо новото име, тоа е нешто на кое сме се заколнале.За две недели имаат избори во Грција и заканите ќе им останат во кампања. Она што е во устав, тоа што е направено е направено, не велам дека ќе го менуваме Преспанскиот договор, не ни е ова да се караме со Грците, но човеково право е да се јас самоидентификувам како човек, а јас се самоидентификувам како Македонец, мојата држава е Македонија.

Додик: Не ја прифаќаме резолуцијата, ќе предложиме разединување со БиХ

Милорад Додик, претседателот на Република Српска, во Сребреница изјави дека Босна и Херцеговина е доведена во најголемата политичка криза од која нема да излезе.

„Нема да ја прифатиме резолуцијата, а Српска, вели, ќе подготви извештај за прекршување на Дејтонскиот договор и ќе испрати договор за мирно раздружување до Федерацијата.“ Премиерот Радован Вишковиќ вели дека мирното раздвојување не е отцепување, објави РТС.

„Сребреница е дел од Република Српска, не се срамиме од ова место, ова е место каде живеат чесни луѓе од различни националности“. Вака Милорад Додик го започна своето обраќање по седницата на републичката Влада во Сребреница.

Тој рече дека ја цени болката и на белите и на црните марами и дека сите жртви треба да се третираат со почит. Но, она што тој нема да го прифати, вели тој, е резолуцијата за Сребреница и напорите за ревизија на историјата Таму, вели Додик, нема соработка.

„Затоа ќе ја подготвиме информацијата за прекршување на Дејтонскиот договор, ќе ја доставиме до Собранието во рок од 30 дена и ќе го претставиме нашиот предлог за Договор за раздружување. Сакаме да разговараме со нашите партнери во Федерацијата на мирен начин, да ги кажеме причините зошто сакаме да се разделиме и да се вратиме на суверенитет на РС“, рече Додик.

Премиерот Радован Вишковиќ потврдува дека републичката влада ќе направи договор за мирно раздружување во следните 30 дена. Договорот, вели тој, ќе биде препратен во Сараево.

„Ние не сакаме конфликти. Ова не е отцепување, мирното разединување не е отцепување. Ако некој не смета за геноциден народ, нема причина за соживот“, нагласува Радован Вишковиќ, премиер на РС.

Српска ќе бара поддршка за разединување од пријателските земји, но и во Парламентот во Белград.

Според Додик, Сребреница одамна е политичко прашање и со резолуцијата сега сакаат да му припишат колективна одговорност на српскиот народ. Затоа БиХ е во најголемата политичка криза од која, вели, нема да излезе.

„Која е целта на оваа резолуција? Да ни ја наметнете, дека сега ја прифаќаме како таква, бидејќи не е обврзувачка резолуција. Па, нема. Веднаш ви велам дека нема, нема да го славиме 11 јули како ваш ден, нема да одбележуваме ништо што е напишано таму“, нагласува Додик.

Венци беа положени за повеќе од три и пол илјади убиени Срби во Братунац и Сребреница, но не и во Меморијалниот центар во Поточари, бидејќи тоа не го дозволија.

Беше договорено да се разговара и за воспоставување заеднички датум за одбележување на страдањата на сите народи во Сребреница.

Во оваа и следната година од буџетот за Сребреница и Братунац ќе бидат издвоени десет милиони марки.

притисни ентер