Активната транспарентност на Општина Кисела Вода во 2024 година изнесува 98,6 % и по трет пат се наоѓа во групата на иституции со многу добра активна транспарентност. Во 2022 беше направен огрoмен скок во транспарентнота од преку 26 проценти, односно од 59.2% се искачи на 85.5%. Следната 2023 година, активната транспарентност порасна на 88.4 проценти, за оваа година да има скок од уште 10.2 проценти,односно вкупно 98.6%. Под ’активна транспарентност‘ се подразбира објавувањето информации на сопствена иницијатива на институциите, без притоа некој да има доставено до нив барање за пристап до тие информации. Сепак, тоа значи и почитување на законската основа за активната транспарентност на институциите, која се наоѓа, пред сè, во Законот за слободен пристап до информациите од јавен карактер, но и во низа други закони. Освен од регулативата, активната транспарентност произлегува и од добрата практика за проактивно објавување информации и од акциските планови во рамките на иницијативата за Отворено владино партнерство.

Инаку, досегашните заложби и реализирани проекти во изминатите скоро три години, со посебен акцент на зголемената транспарентност и дигитализацијата и овозможија на Општина Кисела Вода, меѓу 138 апликанти од светот, од годинава да биде единствената македонска општина која е дел од мрежата на Партнерството за отворена власт (OGP). Во моментов заедно со партнерите во овој процес, ИРИ и здружението КРИК, во тек е изготвување на акциски план, кој допoлнително ќе ја унапреди состојбата во општината и пошироко, посебно во сферите на зголемената транспарентност и дигитализацијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.