Македонија

ЦГК: Државните компании и инситуциите лани потрошиле 46 милиони евра без договор

Со договори склучени без претходно да се објави оглас, државните компании и инситуциите лани потрошиле 46 милиони евра.

Ова го покажале анализите на Центарот за граѓански комуникации за минатата 2021 година.

Ваквиот начин на јавни набавки е предвиен во законот само за исклучителни случаи, и не смее да биде замена за редовните постапки, бидејќи се смета за најмалку транспаретен, велат од центарот..

-Лидер во вклучувањето на овој вид договори е АД Електрани, кој има вклучено 31 милиони евра вредни договори, притоа овде не спаѓа онаа позната набавка за јаглен, интервентна набавка. Секако се нотира како негативен тренд во јавните набавки и говори за лошо управување и говори за тоа дека институциите навреме не можеле да предвидат дека нешто ќе им се наметне како потреба и со време да објават огласи и да спроведат транспарентна постапка,изјава – Сабина Факиќ – Центар за граѓански комуникации.

Истражувањето покажало и дека не се почитува ниту законската обврска јавно да се објават реализираните договори - известиле само за една третина од склучените.

Половина од анкетираните речиси 300 фирми, сметаат дека има корупција во јавните набавки, и тоа дека најчесто биле спроведени “со врски”. Но уште поголем број и признале дека постои меѓусебно договарање за тендерите.

-Секоја втора од нив смета дека секогаш или често има корупција во јавните набавки, додека само 34 проценти рекоа дека ретко има корупција, 14 проценти од фирмите сметаат дека нема корупција. Овој удел на фирми кои сметаат дека има корупција во јавните набавки е многу голем. А голем дел од фирмите во земјава и не учествуваат на пазарот на јавните набавки заради нивното поимање дека тоа е се однапред договорено и дека огласите и тендерите се наместени.изјава – Сабина Факиќ – Центар за граѓански комуникации.

Јавните набваки беа првата тема што беше опфатена на стартот од т.н. објаснувачкиот скрининг што започна минатата недела во Брисел...Од Центарот за граѓански комуникации сметаат дека Законот за јавни набавки е усогласен со европската регулатва но неговата примена во пракса отвора простор за коруптивни зделки. Затоа велат дека очекувањата на Унијата ќе бидат да се намалат ризиците од корупција во јавните набавки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Епидемијата на ебола во Демократска Република Конго е најсмртоносната во историјата на земјата, однесе 2.325 животи

Епидемијата на ебола во Демократска Република Конго однесе 2.325 животи, со што го надмина бројот на жртви во епидемијата од 2018 до 2020 година и стана најсмртоносната во историјата на земјата.

Конгоанскиот институт за јавно здравје соопшти дека бројот потврдени случаи се зголемил на околу 5000 случаи. Станува збор за 17-та епидемија на ебола во Конго, која веќе кон крајот на јули ја надмина претходната по бројот на случаи и стана најголема во историјата на земјата според тој показател. За овој сој на ебола нема одобрени вакцини или лекови.

Тагови: ебола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Апел до владата поради алармантната состојба со епидемијата на сипаници кај овците и козите

Сојуз на одгледувачи на овци апелира до владата и до надлежните институции за итно преземање мерки поради алармантната состојба со епидемијата на сипаници кај овците и козите, како и за заштита и помош на сточарите.

Насер Џемаил претседател на Сојуз на одгледувачи на овци изјави дека 40 семејства останале без приходи поради угинување на овците, тие од државата бараат обештетување и да обезбеди вакцини за заштита од болеста која ги коси овие домашните животни. Информаираат дека месото нема да биде штетно за јадење по вакцинација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран има нова мета?

Портпаролот на иранското Министерство за надворешни работи, Есмаил Багеи, денес изјави дека Канада станала „резервен тим“ на САД во нивната воена агресија против Иран.

Портпаролот Багеи изјави дека САД ја нарекуваат Канада своја педесет и прва земја, воведуваат царини на нејзините стоки, па дури и се закануваат дека ќе ја казнат за еколошки проблеми.

Тој исто така додаде дека одговорот на Отава е само послушност, според новинската агенција Тасним.

„Официјална Отава учествува во нелегалната војна на САД против Иран за да го задоволи Вашингтон. Оваа ситуација покажува дека Канада повеќе не се согласува со САД, туку е сведена на улога на резервен тим“, рече Багеи.

Извор: Б92

Тагови: Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.