Централен предизборен митинг на СИРИЗА во Атина - Канал 5

Балкан

Централен предизборен митинг на СИРИЗА во Атина

Традиционално во Грција четврток пред изборите е денот кога во центарот на Атина, говор одржува опозициската партија, а митингот на СИРИЗА беше на плоштадот Синтагма.

Централен предизборен митинг на СИРИЗА во Атина

Надеж дека СИРИЗА в недела ќе биде победник на изборите и увереност дека актуелните прогнози за рејтингот на партиите се погрешни, изразуваат симпатизерите и поддржувачите на СИРИЗА, кои синоќа присуствуваа на централниот предизборен митинг на кој говореше лидерот на партијата Алексис Ципрас, јави дописничката на МИА од Атина.

Традиционално во Грција четврток пред изборите е денот кога во центарот на Атина, говор одржува опозициската партија, а митингот на СИРИЗА беше на плоштадот Синтагма.

-Граѓани на Атина, нашиот денешен собир најавува победата. Ова е најголемиот собир што некогаш сме го одржале на Синтагма, рече Ципрас на почетокот на неговиот говор поздравувајќи ги присутните.

Истакна дека в недела Грција ќе сврти нова страница, ќе се стави „крај на режимот на неправдата“, а правдата ќе се врати во земјата и посочи дека со победа на СИРИЗА в недела, веќе в понеделник земјата ќе има прогресивна Влада.

Дописничката на МИА од Атина присуствуваше на митингот на СИРИЗА и поразговара со поддржувачите на партијата, кои во пресрет на изборите в недела очекуваат победа и промена во земјата.

-Очекувам промена, очекувам почитување на владеењето на правото и подобра иднина. Се надевам дека ќе победиме, вели млада Гркинка.

Поддржжувачите на СИРИЗА изразуваат воздржаност и резервираност во однос на анкетите што се објавуваат во Грција, според кои партијата е втора со помал рејтинг од Нова демократија. Како пример ги споменуваат предизборните истражувања на Кипар и во Турција, кои беа демантирани од изборните резултати.

-Нормално дека ќе победиме и сигурно е дека ќе се покаже дека прогнозите на агенциите за рејтинг се целосно утнати. На Кипар не погодија, во Турција исто, така ќе биде и во Грција, вели повозрасен Грк.

Друг пак, потсетува на прогнозите за референдумот во 2015 година, кога исто така резултатите беа целосно спротивни на прогнозите и процените.

Со партиски и грчки знамиња, симпатизерите на СИРИЗА му приредија топол пречек на партискиот лидер кој речиси еден час говореше за сите актуелни теми, за партиската програма, на присутните им закажа нова средба, в недела вечер, за како што рече, да ја прослават победата на СИРИЗА, а масовниот собир заврши онака како што и започна, под звуците на „Bella ciao“

-Искрено и со отворено срце денес од грчкиот народ не бараме втора шанса да владееме, туку прва шанса да ја водиме земјата врз основа на нашата програма, врз основа на нашите желби, а не врз основа на она што мора. Без меморандуми, без принуда, без Тројката, без Шојбле, без сите оние кои ни ја наметнаа нивната политика, порача Ципрас.

На плоштадот Синтагма, присутни беа поранешни министри од Владата на СИРИЗА, како и актуелни и кандидати за пратеници.

Кампањата во пресрет на изборите в недела, лидерот на опозициската партија ќе ја заврши со говор во Патра, додека пак во Атина, централен митинг, на последниот ден од предизборниот период, вечерва ќе одржи актуелниот грчки премиер Кирјакос Мицотакис.

Според сите истражувања на јавното мислење во Грција, објавени во предизборниот период, СИРИЗА е на втората позиција зад Нова демократија, а разликата достигнува и до седум отсто.

СИРИЗА беше на власт во периодот од 2015 до 2019 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Бизнисмен се степа во авион, па патниците го врзаа со леплива лента за седиште- познато е кој е тој (ВИДЕО)

Патник кој, според американските медиуми, предизвикал хаос на летот на „Американ ерлајнс“ од Далас до Њуарк.

Бизнисмен се степа во авион, па патниците го врзаа со леплива лента за седиште- познато е кој е тој (ВИДЕО)

Патник кој, според американските медиуми, предизвикал хаос на летот на „Американ ерлајнс“ од Далас до Њуарк, а потоа бил врзан за седиштето со селотејп и врвки за чевли, ја изгубил работата по инцидентот.

Тоа е Артур Л. (67), кој, според KVOA, бил потпретседател на компанијата „Лонг риелти“ во Тусон, една од најголемите компании за недвижности во американската држава Аризона.

Се наведува дека бил отпуштен по инцидентот, додека неговиот профил на LinkedIn оттогаш исчезнал.

Инцидентот се случил во четврток вечерта на летот 618 на „Американ ерлајнс“, кој летал од Далас до Њуарк.

Според полициските и патничките изјави, Артур Л. почнал да вика и да ги навредува патниците околу него за време на летот. Се чинело дека е под дејство на алкохол, а кога стјуардесата се обидела да го смири, наводно почнал да упатува расистички и хомофобични навреди.

Полицаец во авионот изјавил за „Њујорк пост“ дека Артур дал навредливи коментари за вработените во „Американ ерлајнс“ и другите патници, како и вулгарни навреди кои биле особено навредливи за жените што седеле зад него.

Ситуацијата брзо ескалираше

Артур Л. наводно го удрил сопатникот, а кога една жена се обидела да интервенира, тој и неа ја турнал. Тогаш тројца патници решиле да го совладаат.

Фотографиите што се појавија на социјалните мрежи го покажуваат мажот врзан за своето седиште. Рацете му биле врзани, додека главата и горниот дел од телото му биле залепени со селотејп за да се спречи повторно да нападне некого.

Инцидентот го принудил авионот да пренасочи насока и да направи итно слетување во Балтимор.

Артур бил уапсен таму, по што летот продолжил кон Њуарк.

Американ ерлајнс потврди дека авионот бил пренасочен поради „патник што не го вознемирувал летот“.

„Безбедноста на нашите клиенти и вработени е наш врвен приоритет и ние не толерираме насилство“, соопшти компанијата.

Тагови: авион патници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Португалците излегоа на протести и блокади, откако цената на горивата достигна рекордно ниво

Новиот бран на поскапување на горивата во Португалија ја крена цената на дизелот на рекордно високо ниво, предизвикувајќи протести низ целата земја. 

Португалците излегоа на протести и блокади, откако цената на горивата достигна рекордно ниво

Зголемувањето на цените трае цела година, а денешното зголемување на цените предизвика блокади и протестни акции, пишува Euronews.

Утрово, возачите масовно протестираа со свирење на сирените на мостот „25 април“, клучен сообраќај што ги поврзува Лисабон и Алмада. Во исто време, на југот од земјата беше организирана протестна колона, која полека се движеше кон рафинеријата на Галп во Синес.

Протестот беше организиран преку социјалните мрежи и апликацијата WhatsApp, а продолжи и попладне без најавен крај. Агенцијата Lusa известува дека демонстрантите носеле транспаренти со пораките „Доста со зголемувањето на цените на горивата“ и „Семејствата не можат повеќе да издржат“.

Цените достигнаа нови рекорди

Португалскиот автомобилски клуб (ACP) проценува дека цената на дизелот се зголемила за 15 центи во понеделник, па затоа неговата цена сега е 2.169 евра за литар. Цената на бензинот се зголеми за 12 центи, на 2,142 евра за литар. Овие бројки не го вклучуваат намалувањето на акцизата за нафтени производи (ISP) воведено од владата како итна мерка. Без ова олеснување, зголемувањето на цената ќе беше уште поголемо, имено дополнителни 12 центи за дизелот и 9 центи за бензинот.

Според пресметките на порталот Dinheiro Vivo, ова е највисоката цена на дизелот некогаш забележана во Португалија. Цената на бензинот е на највисоко ниво од енергетската криза во 2022 година, предизвикана од руската инвазија на Украина. Цените на горивата растат низ цела Европа. Германскиот весник Frankfurter Allgemeine објавува дека цените во Германија исто така достигнале историски рекорди, при што бензинот го надминал нивото од март 2022 година од 2,203 евра за литар.

И покрај ова, Португалија се издвојува како една од најскапите земји. Податоците од порталот за цени на гориво, кој ги следи цените во 21 европска земја, покажуваат дека Португалија во понеделник била на 19-то место по цените на бензинот. Само Франција и Данска се поскапи. Ситуацијата е малку поповолна за дизелот, каде што Португалија е на 17-то место, пред Обединетото Кралство, Италија, Франција и Данска.

Тагови: горивата цената

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ирина Шајк предизвика воздишки во секси фустан на црвениот тепих во Венеција (ВИДЕО)

Манекенката Ирина Шајк се појави на црвениот тепих на 83-то издание на Венецискиот филмски фестивал. 

Ирина Шајк предизвика воздишки во секси фустан на црвениот тепих во Венеција (ВИДЕО)

Откако беше видена во текот на денот во хотелот Екселсиор на венецијанското Лидо, за вечерното појавување таа избра впечатлив црн фустан од модната куќа Долче и Габана кој ја нагласуваше нејзината фигура.

Шајк на тој начин им се придружи на бројните познати имиња кои пристигнаа во Венеција овие денови, каде што заедно со филмските премиери, традиционално се посветува големо внимание на модните изданија на црвениот тепих. Црниот фустан беше во согласност со препознатливата естетика на Долче и Габана, модна куќа со која Шајк претходно соработуваше.

Таа избра креација на Долче и Габана

За оваа пригода, таа избра креација инспирирана од препознатливата естетика на италијанската модна куќа, во која кроевите со корсет и моделите што ја нагласуваат силуетата имаат важно место со децении. Фустанот со крој со корсет има длабоко деколте и тесна силуета што ја следи фигурата.

Се издвојуваат деталите од црна кожа и врвките што се протегаат по страните на фустанот. Токму овие детали откриваат делови од кожата и дополнително ја нагласуваат фигурата, додека целосно црната комбинација му дава на целото издание драматичен изглед.

Шејк го искомбинираше фустанот со црни чевли со зашилен врв и многу висока потпетица. За накит, таа избра впечатлива светкава огрлица што беше во контраст со целосно црната комбинација.

Тагови: ирина шајк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер