Цените на производите во грчките супермаркети повисоки за 1,84 отсто споредбено со лани - Канал 5

Балкан

Цените на производите во грчките супермаркети повисоки за 1,84 отсто споредбено со лани

 За 1,84 отсто се зголемиле цените на производите во грчките супермаркети во јули годинава споредбено со истиот месец лани, а за една година, најголемо зголемување има на цените на свежото месо, а најголемо намалување кај детергентите.

Цените на производите во грчките супермаркети повисоки за 1,84 отсто споредбено со лани

За 1,84 отсто се зголемиле цените на производите во грчките супермаркети во јули годинава споредбено со истиот месец лани, а за една година, најголемо зголемување има на цените на свежото месо, а најголемо намалување кај детергентите и средствата за чистење, покажуваат резултатите од истражувањето на грчкиот Институт за истражување на малопродажба на стоки за широка потрошувачка (ИЕЛКА), јави дописничката на МИА од Атина.

Цените во јули 2025 година во споредба со претходниот месец се минимално намалени за 0,24 отсто, а како што соопштија од Институтот во текот на 12-месечниот период (јули 2024-јуни 2025 година) е евидентиран маргинален пораст од 0,56 проценти.

Во однос на категориите производи со најголеми зголемувања во јули 2025 година во споредба со јули 2024 година, на прво место е свежото месо, што е за 9,63 отсто поскапо, бисквитите, чоколадите и слатките производи се поскапи за 9,39 проценти, цените на производите за подготовка појадок се за 8,40 отсто повисоки, а меѓу 4,5 и 5,3 отсто се зголемиле цените на овошјето и зеленчукот и свежата риба и морските плодови.

Од друга страна, најголеми намалувања на цените минатиот месец, споредбено со една година претходно, имало кај детергентите и средствата за чистење, прехранбените производи, храната за домашни миленици, канцелариски материјал, козметика и производи за лична хигиена.

Според ИЕЛКА, причините што нема драстично зголемување на цените во супермаркетите се: намалување на инфлацијата, владините мерки, понудите и попустите, како и висока стапка на обрт на залихи.

Тагови: грција цените зголемување на цените

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдено – Путин испратил луѓе на средба со Берлин

Претседателот на Азербејџан, Илхам Алијев, изјави дека поранешни високи германски и руски функционери одржале тајна средба во Баку во средината на јули за да разговараат за можни начини за ставање крај на војната на Русија против Украина.

Потврдено – Путин испратил луѓе на средба со Берлин

Претседателот на Азербејџан, Илхам Алијев, изјави дека поранешни високи германски и руски функционери одржале тајна средба во Баку во средината на јули за да разговараат за можни начини за ставање крај на војната на Русија против Украина, пренесува „Блумберг“.

„Нашата територија беше искористена за таква средба без наше знаење. Не можам да ги коментирам деталите бидејќи не присуствувавме на средбата. Сепак, податоците за летовите ми овозможуваат да тврдам дека тајната средба навистина се одржа во Баку“, изјави Алијев за време на заедничката прес-конференција со германскиот канцелар Фридрих Мерц во Берлин.

Алијев рече дека средбата се одржала од 12 до 14 јули.

Тој додаде дека ако целта на состанокот била да се истражат начини за завршување на војната меѓу Русија и Украина, Азербејџан би можел „само да ги поздрави“ таквите напори. Мерц негираше дека неговата влада била вклучена во ангажманите.

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: СДС, ДУИ и Таравари не бараат одговорност од Валбон Лимани затоа што е нивен кандидат

Кога Валбон Лимани вели дека не чувствува никаква одговорност за скандалот со водата во Гостивар, СДС, ДУИ и Таравари молчат.

Петрушевски: СДС, ДУИ и Таравари не бараат одговорност од Валбон Лимани затоа што е нивен кандидат

Истите оние кои секојдневно зборуваат за отчетност и бараат оставки, денес не бараат ниту извинување, ниту политичка, ниту морална одговорност од својот кандидат Валбон Лимани.

Очигледно, за СДС, ДУИ и Таравари одговорност постои само кога се работи за политички противници. Кога се работи за нивните кадри, тогаш следуваат молк, оправдувања и заштита.

Дали Валбон Лимани има политичка заштита од СДС, ДУИ и Таравари? Или за нив е поважно да го заштитат својот кандидат отколку да им објаснат на граѓаните како дојде до скандалот со водата?

Граѓаните заслужуваат одговорност, а не молк. СДС, ДУИ и Таравари должат одговор дали стојат зад ставот на Валбон Лимани, дека никој не треба да понесе одговорност за она што му се случи на Гостивар.

Бране Петрушевски, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Оливер Спасовски ќе гостува вечерва во Вести Плус

Вечерва во Вести Плус ќе гостува Оливер Спасовски

Оливер Спасовски ќе гостува вечерва во Вести Плус

Почитувани, вечерва во Вести Плус ќе гостува Оливер Спасовски

Кој ќе понесе одговорност по масовното труење во Гостивар?

Зошто институциите повторно потфрлија во заштитата на граѓаните?

Успеа ли СДСМ да се консолидира и да фунционира како конструктивна и силна опозиција?

Може ли земјава да напредува кон ЕУ без нови условувања, ќе најдат ли власта и опозицијата заеднички јазик?

Јана Јосифоска во Вести Плус со Оливер Спасовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер