Балкан

Цените на лежалките во Грција поскапи него лани: Минимум 250 евра за седум дена мора да имате

Македонија последниве денови бележи многу променливо време, додека во соседна Грција веќе полека се пополнуваат сместувањата и започнува летната сезона.

Бидејќи луѓето од целиот Балкан патуваат кон Грција, треба да очекуваат една промена – и тоа во однос на цените. Иако тие секоја година се менуваат, годинава особено пораснаа!

Цените на аранжманите се зголемени и до 25 проценти, а истиот тренд го следи и изнајмувањето лежалки и чадори – мал луксуз кој станува сѐ поскап, пишува Биз портал.

На Ситонија, особено во Никити, кој важи за едно од најбараните места меѓу туристи, изнајмувањето на сет лежалки и чадор сега се движи од 10 до дури 50 евра, во зависност од локалот и позицијата. Од 1 јуни, повеќето барови воведуваат обврска за консумација на храна и пијалак како услов за користење на плажниот сет, додека во претсезоната лежалките најчесто може да се користат со нарачани две пијалаци.

Во познати локали како барот „Versus“, цената за сет со консумација достигнува и 50 евра, додека во барот „Avra“ првиот ред се наплатува 45 евра, а останатите редови по 35. Најевтиниот сет моментално е во кафулето Paparuna, каде со консумација од 10 евра можете да ги користите лежалките.

Слични цени се забележуваат и во други места. Во Пефкохори, на плажата „Amos“, сетот (две лежалки и чадор) чини 20 евра со консумација. Во Полихроно, цените се движат од 20 до дури 60 евра, во зависност од редот во кој се наоѓа сетот – колку сте поблиску до морето, толку е повисока цената.

Тагови: лежалките во Грција цените

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за предметот „Државна лотарија“, во кој се обвинети се Груби, Бајрами, и уште шест лица

Денеска продолжува судењето за предметот „Државна лотарија“, во кој се обвинети поранешниот прв вицепремиер, Артан Груби, поранешниот директор на АД „Државна лотарија“, Перпарим Бајрами, и уште шест лица.

Според обвинението, тие со пречекорување на службените овластувања предизвикале штета на АД „Државна лотарија“ во износ од над 9 милиони евра сите обвинети во досегашниот тек на постапката се изјаснија дека не се чувствуваат виновни. Обвинението го застапуваат јавните обвинители Даниел Коцев и Александар Давчевски, а судската постапка ја води судијката Билјана Шуплиновска-Јовевски.

Тагови: Артан Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху: Копилотот на авионот на „Флајдубаи“ бил подложен на радикална исламистичка индоктринација

Двајца израелски безбедносни претставници рекоа дека првичната проценка на израел е дека копилотот, идентификуван од Израел како државјанин на Оман, веројатно дејствувал сам, иако истрагата е сè уште во тек.

Копилотот на патничкиот авион кој го избоде капетанот во очигледен обид да го собори авионот додека летал кон Израел, бил подложен на радикална исламистичка индоктринација и очигледно имал самоубиствени намери, изјави израелскиот премиер, Бенјамин Нетанјаху.

Катастрофата беше избегната на авионот на „Флајдубаи“ од Дубаи до Тел Авив, откако ранетиот капетан успеа да ја отклучи вратата од пилотската кабина, дозволувајќи им на патниците да го совладаат напаѓачот.

Резервен екипаж што бил во авионот го спуштил авионот, во кој имало повеќе од 170 патници, на аеродромот Табук во Саудиска Арабија.

Авионот паднал повеќе од 14.000 стапки за помалку од 30 секунди за време на инцидентот додека летал над Саудиска Арабија на патувањето од Обединетите Арапски Емирати до Израел,.Нетанјаху рече дека е јасно оти копилотот планирал самоубиство.„Изгледа многу веројатно дека тој планирал да го собори авионот“, рече Нетанјаху.„Но, повторно, сè уште не донесувам конечни заклучоци. Но, тоа се индикациите што ги имаме сега“, додаде тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нова истрага против Дејан Јованов Деко за давање поткуп, обвинителството бара притвор

Ден пред првообвинетиот за случајот „Пулс“ Дејан Јованов Деко да излезе од притвор, против него е отворена нова истрага, овој пат за давање поткуп.

Од Обвинителство за гонење на организиран криминал и корупција донесе наредба за спроведување истражна постапка за него за кривично дело - давање поткуп.

Тој се сомничи дека дал поткуп на службено лице во министерството за економија за да изврши службено дејствие што не смеел да го изврши, односно да му обезбеди лиценца за вршење угостителска дејност, без воопшто да поднесе барање за лиценца и во услови кога знаел дека неговиот објект не исполнувал законски услови.

Поради опасност од бегство на осомничениот за ова кривично дело за кое е предвидена казна затвор од 1 до 10 години, како и фактот дека против него се води уште една кривична постапка јавниот обвинител до Основниот кривичен суд Скопје достави предлог за определување мерка притвор, велат од ОЈО ГОК, од каде соопштуваат дека службеното лице кое го примило поткупот веќе е обвинето и против него се води судска постапка..

Јованов утре требаше да излезе од притвор за случајот Пулс, зашто според законот, тој во притвор може да остане најмногу една година од оценката на обвинението..

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.