Цената на златото расте со години, што нè чека во иднина? - Канал 5

Живот

Цената на златото расте со години, што нè чека во иднина?

Повторно, се соборуваат историски рекорди кога станува збор за цената на златото. Една унца злато моментално чини повеќе од 3.200 долари, додека само пред пет години чинеше околу 1.600 долари. 

Цената на златото расте со години, што нè чека во иднина?

Тоа е зголемување на цената од дури 100% во релативно краток период.

Ваквиот пораст на цената, во последниве години им донесе значителен профит на инвеститорите во злато. Сепак, многумина оправдано се прашуваат дали е сè уште добро време да се инвестира во жолтиот благороден метал или цената во моментов е превисока.

Цената на златото расте во несигурно време

Пандемијата на коронавирус и затворањето на економиите, сеприсутната висока инфлација, трговските војни меѓу САД и Кина и отворените геополитички конфликти меѓу најсилните држави во светот - сите овие се фактори што придонесоа за зголемена побарувачка за златни прачки и златни монети. Бидејќи се работи за стока на берзата, зголемената побарувачка директно води до зголемување на цената.

Дали цената на златото ќе продолжи да расте во иднина?

Додека оние кои веќе инвестирале во злато го бројат својот профит, оние кои само планираат да го сторат тоа, се прашуваат дали треба да почекаат цената да падне или дали сега е добро време за инвестирање. Иако на почетокот може да изгледа дека златото во моментов е прескапо, експертите предупредуваат дека тоа не значи дека нема да биде уште поскапо во иднина.

Во инвестирањето постои изрека дека со чекање цената да падне, се губи повеќе профит, отколку што се губи при пад на цената. Таков е случајот и со златото. Инвеститорите веруваат дека златото е исклучиво долгорочна инвестиција, а краткорочните осцилации во цената не се вани бидејќи таа постојано ги руши претходните рекорди и таквиот тренд ќе продолжи во иднина.

Цената на златото се зголеми за повеќе од 20% од почетокот на оваа година, а главната причина за овој раст е поврзана со падот на довербата во американскиот долар и намалувањето на каматните стапки од страна на американскиот Федерален резервен систем. Таквата монетарна средина историски е плодна почва за раст на цената на златото, и токму затоа аналитичарите на Голдман Сакс најавија дека, во случај на пад на довербата во Федералниот резервен систем, цената на една унца злато може да скокне на 5.000 долари. За споредба, моментално е околу 3.700 долари.

Доколку овој раст се оствари, тоа би значело дека инвеститорите во злато ги очекува уште еден поволен период. Колкав ќе биде растот и колку брзо ќе дојде, времето ќе покаже.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Њујорк на говорот на Руте по повод 25- годишнината од нападите на 11 септември

Премиерот Христијан Мицкоски денеска во Њујорк присуствуваше на говорот на генералниот секретар на НАТО Марк Руте по повод 11 септември.

Мицкоски во Њујорк на говорот на Руте по повод 25- годишнината од нападите на 11 септември

Говор на генералниот секретар на НАТО, Марк Руте, по повод одбележувањето на 25 години од нападите на 11 септември 2001 година врз Соединетите Американски Држави и првата и единствена примена на членот 5 од Северноатлантскиот договор (НАТО), објави на ФБ премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Хаос во Боливија: Голман не сака да брани пенал (ВИДЕО)

Неверојатни сцени се видени на натпреварот од Купот на Боливија помеѓу Атлетико Индепендиенте Кочабама и Вилстерман Кооператива.

Хаос во Боливија: Голман не сака да брани пенал (ВИДЕО)

При нерешен резултат 2-2 во судиското продолжение, домашниот тим притискаше силно, но аргентинскиот голман на гостинскиот тим успеа да го спаси својот гол со три спектакуларни одбрани.

Сепак, и покрај ова, главниот судија Карлос Артеага досуди пенал за Индепендиенте, по што на теренот избувна општа врева. Следеше пауза од речиси дваесет минути, за време на која револтираните гости протестираа и го убедија судијата да ја промени својата одлука, но тој остана непомирлив.

Потоа во центарот на вниманието се најде голманот на Вилстерман, Густаво Тесоноте, кој одлучи да го бојкотира изведувањето на најстрогиот пенал во знак на протест. Неговиот револт се манифестираше со прво свртување на грбот кон теренот, а потоа ноншалантно потпирање на стативата, мирно гледајќи го Ернест Адири како постигнува гол и му носи триумф на домашниот тим.

Овој необичен инцидент брзо стана вирален на интернет, алармирајќи ја Боливиската фудбалска федерација и локалната судиска организација да преземат итни мерки. Подоцнежната анализа потврди дека нема прекршок што заслужува највисока казна, што резултираше со суспензија на судијата на неодредено време.

Тагови: Боливија голман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре врнежливо и постудено време со температури од 4 до 23 степени

Утре времето ќе биде облачно и постудено со повремени врнежи од дожд кои ќе продолжат и во текот на ноќта, информираат од УХМР.

Утре врнежливо и постудено време со температури од 4 до 23 степени

МАКСИМАЛНА ТЕМПЕРАТУРА (во оС)

11 Попова Шапка, 14 Крушево, 18 Берово, 19 Претор, Маврови Анови, 20 Крива Паланка, Прилеп, 21 Охрид, Битола, Виница, 22 Тетово, Штип, 23 Кавадарци, 24 Скопје-Петровец, Скопје-Зајчев Рид, Велес, Демир Капија, Струмица, 25 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Утрото беше ведро и студено, а во текот на денот сончево со мала до умерена локална облачност. Дуваше слаб до умерен ветер претежно од западен и северозападен правец.

Во вечерните часови облачноста постепено ќе се зголемува и во текот на ноќта ќе преовладува облачно време. Ќе дува слаб ветер од променлив правец.

ВРЕМЕТО УТРЕ

Облачно и постудено со повремени врнежи од дожд кои ќе продолжат и во текот на ноќта. Врнежите наместа ќе бидат пообилни (над 30 l/m²). Ќе дува слаб до умерен ветер од југоисточен правец.

Минималната температура ќе биде во интервал од 4 до 13, а максималната ќе достигне од 15 до 23 степени.

Во Скопје, облачно и постудено. Попладне и во текот на ноќта ќе има повремени врнежи од дожд. Во делови од котлината врнежите ќе бидат со умерен до повремено засилен интензитет. Ќе дува слаб до умерен ветер од променлив правец. Минималната температура ќе се спушти до 9, а максималната ќе достигне до 18 степени.

ВРЕМЕТО ВО НАРЕДНИТЕ ДЕНОВИ

Во сабота ќе се задржи постудено време, а претпладне ќе има повремени локални врнежи од дожд. Потоа следува период на променливо облачно и потопло време со сончеви периоди. Наместа ќе има зголемена облачност и услови за повремен дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер