Економија

Цената на нафтата падна на ниво од пред војната во Иран

Цените на нафтата паднаа на нивоа невидени од почетокот на војната во Иран, а сообраќајот на клучниот морски пат низ Ормутскиот теснец постепено се обновува.

Глобалната референтна цена на нафтата Брент накратко падна под 72,48 долари за барел, ниво забележано еден ден пред САД и Израел да започнат напади врз Иран на 28 февруари. Цената подоцна се стабилизираше на 72,63 долари, пишува Би-Би-Си.

Пад на цените по договорот меѓу САД и Иран

Цените на енергијата нагло пораснаа откако Иран ефикасно го затвори теснецот, клучен воден пат за испораки на нафта и гас, како одговор на нападите.

Сепак, цените на суровата нафта нагло паднаа откако САД и Иран потпишаа Меморандум за разбирање на 17 јуни, со кој беше утврден рок од 60 дена за преговори за нуклеарната програма на Техеран и други мерки за завршување на војната.

Претставници на двете страни се состанаа минатиот викенд во Швајцарија на разговори за завршување на конфликтот, што резултираше со делумно укинување на американските санкции врз извозот на нафта од Иран.

Обновување на сообраќајот низ Ормутскиот теснец

Според податоците од компанијата за поморско разузнавање „Кплер“, бројот на бродови што минуваат низ Ормутскиот теснец значително се зголемил од потпишувањето на меморандумот.

Кплер изјави за Би-Би-Си дека меѓу бродовите што минувале низ водниот пат во последните денови имало танкери со сурова нафта, течен природен гас (LNG), ѓубрива и друга стока.

САД и Иран, исто така, воспоставија „комуникациска линија“ за да спречат недоразбирања, „со цел да се обезбеди безбедно поминување на комерцијалните бродови низ Ормутскиот теснец“, соопштија медијаторите Катар и Пакистан во заедничка изјава во понеделник.

Сообраќајот сè уште е под нивото пред војната

Димитрис Манијатис, извршен директор на „Марикс“, консултантска компанија за поморски ризици што работи со бродови заглавени во регионот, рече дека имало „огромна промена“ и дека значително повеќе бродови го користеле теснецот во последните денови.

Неговата компанија проценува дека од понеделник, по првата рунда мировни преговори меѓу САД и Иран во Швајцарија, околу 80 бродови поминале низ Ормутскиот теснец.

Тој објасни дека ограничен број бродови можат да поминат низ Северниот премин со дозвола од иранските власти.

Маниатис додаде дека американската морнарица, исто така, им дала упатства на бродовите да патуваат по јужната рута, која е безбедна од мини и други пречки поставени од почетокот на војната.

И покрај ова, бројот на бродови што минуваат низ теснецот е сè уште помал од предвоените нивоа, кога повеќе од 100 бродови го користеле дневно. Стотици бродови сè уште чекаат во Заливот.

Трамп ги обвини Шел и ЕксонМобил дека ги „измамуваат“ возачите

Цените на горивата на бензинските пумпи нагло се зголемија со почетокот на војната во Иран, а сега прашањето е колку брзо ќе паднат.

Просечната цена на обичниот бензин во САД падна на околу 3,93 долари за галон, откако достигна врв од 4 долари во април, највисоко ниво од 2022 година, но сè уште е далеку над предвоените нивоа.

Американскиот претседател Доналд Трамп во среда нареди истрага за големите енергетски компании, обвинувајќи ги Шел, ЕксонМобил и други дека ги „измамуваат“ возачите со тоа што не ги намалуваат цените на горивата и покрај падот на цените на нафтата.

„Цените на нафтата се толку многу намалени, а не гледаме ништо на бензинските пумпи што би се совпаднало со тој пад“, изјави Трамп пред новинарите во Овалната соба. Американскиот институт за нафта, кој ја претставува нафтената и гасната индустрија во САД, објави дека цените на горивата „не се движат во чекор со суровата нафта“.

Британските енергетски компании, исто така, се соочија со слични обвинувања за неправедно зголемување на цените на горивата од почетокот на војната со Иран. Но, британскиот надзорник за конкуренција минатиот месец изјави дека нема широко распространети докази за ова, додавајќи дека просечните маржи на профит помеѓу февруари и март останале „во голема мера непроменети“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нови американски напади врз Иран

Американската војска објави дека утрово започнала нов бран напади врз Иран.

Нападите започнале во среда во 6 часот наутро по источно време.

„Целта на нападот е дополнително да се ослабат воените капацитети што иранските сили ги користат за напад врз трговски бродови во Ормускиот теснец“, објави Централната команда на САД на платформата „X“.

At 6 a.m. ET today, U.S. Central Command forces began launching a wave of strikes against Iran. The strikes are designed to further degrade military capabilities Iranian forces have used to attack commercial shipping in the Strait of Hormuz.
— U.S. Central Command (@CENTCOM) July 15, 2026

За потсетување, американската војска утрово објави дека започнала нов бран напади врз Иран. Централната команда на САД (CENTCOM) објави дека нападите биле насочени кон десетици воени цели во близина на Ормускиот теснец и иранските крајбрежни области, објаснувајќи дека целта е дополнително да се ослабат воените капацитети што Иран ги користи за напад врз трговски бродови.

Иранската државна новинска агенција Фарс, повикувајќи се на војската, објави дека 13 американски ракети погодиле касарна на копнените сили во градот Бампур во јужен Иран во текот на ноќта. Според извештајот, седум ирански воени лица биле убиени, а неколку други биле повредени. Иранската војска соопшти дека ќе одговори „решително“ на нападот.

Портпаролот на иранската влада изјави дека повеќе од 30 лица се убиени во американските напади во текот на изминатите неколку дена. Американската војска го напаѓа Иран четири ноќи по ред и шест од последните осум ноќи.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Две кумановки измамиле 19 лица и во нивно име земале брзи кредити, поднесена кривична пријава

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава .

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава и тоа, против А.С.Д. поради постоење основи на сомнение за сторени две кривични дела „измама“ по чл.247 ст.4 од КЗ и „злоупотреба на лични податоци“ по чл. 149 ст.1 од КЗ и против М.В. поради постоење основи на сомнение за сторено кривично дело „помагање“ по чл.24 од КЗ.

Првопријавената А.С.Д., со директна умисла и однапред создаден план, со намера за себе и за второпријавената М.В. да прибави противправна имотна корист, во период од јануари до јули 2026 година во вкупно 19 наврати, со лажно прикажување и свесно прикривање на вистинските факти, довела и одржувала во заблуда 19 лица, така што без нивна согласност и овластувања, злоупотребувајќи и користејќи ги нивните лични податоци, во нивно име аплицирала за брзи потрошувачки кредити, а по одобрувањето и исплатата на парите, тие биле противправно присвојувани од страна на А.С.Д. и М.В.. Второпријавената М.В., постапувајќи по претходен договор, и помогнала на А.С.Д. во извршувањето на кривичното дело преку преземање на дејствија што овозможиле реализација на измамата. При тоа, се стекнале со противправна имотна корист од 10.820.000 денари, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистено убиството на лекарот Трповски, уапсени сопружници од Скопје, соопшти Обвинителството

По повеќе од две години истрага, Основното јавно обвинителство Скопје и Министерството за внатрешни работи го расчистија убиството на Ацо Трповски, извршено во март 2024 година.

Уапсени се сопружници од Скопје, при што 65-годишен маж е осомничен за убиство, а неговата 59-годишна сопруга за помагање при извршување на кривичното дело.

Според обвинителството, злосторството се случило на 21 март 2024 година на паркинг во населбата Автокоманда. Осомничената претходно договорила средба со трповски и влегла во неговиот автомобил. Набргу потоа пристигнал нејзиниот сопруг, кој, според сомнежите, по кратка расправија го нападнал трповски со нож, нанесувајќи му девет убодни рани во градите и телото, од кои починал. Автомобилот заедно со телото потоа го одвезле на паркингот кај поликлиниката железара. Обвинителството и за двајцата сопружници бара притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.