Целовечерен мултимедијален проект “Ретроспектива“ - Канал 5

Култура

Целовечерен мултимедијален проект “Ретроспектива“

По повод 40-годишното творештво синоќа во Центарот за култура „Марко Цепенков“ беше поставена изложбата „Ретроспектива“’ од уметниците, брачната двојка, Виолета Блажеска и Богдан Грабулоски.

Целовечерен мултимедијален проект “Ретроспектива“

Љубителите на уметноста синоќа имаа можност да уживаат во ликовно-музички и визуелен целовечерен перформанс низ целиот простор на Центарот за култура: во ликовниот салон, фоајето, големата сала, галеријата. Презентирани беа инсталации (скулптури), фотографии и видео запис.

Проектот е на Музејот за современа уметност од Скопје, а според авторот, кустосот Марика Бочварова Плавевска самото творештво на Блажеска и Грабулоски е предизвик за ваков вид мултимедијален проект.

- Нивното творештво е склоп на неоконцептуалистички настани и перформански кои се доживуваат како и изложбата. Ме предизвикаа да ја направам изложбата токму во автентичен амбиент. Поттикнато е од нивното долгогодишно дејствување во амбиентот на рудникот за мермер каде работеа со мермерот во 80-ите и делумново 90-ите одини од минатиот век. Го комбинираа мермерот со дрво или метал или, пак, во просторот наоѓаа материјали за комбинација. Моментот на дематеријализација, поточно илузионистички замислените скулптурални елементи, проследено често со обработен звук ја дефинираше идејата за прифаќање на нивните повеќеслојни осмислени дела, поради можностите што максимално ги искористија во нивните зафати во различните амбиенти. Тоа беше нивен авангарден пристап и ја претставуваат неоавангардата во нашата уметност со проекти актуелни на ју-просторите, а посебно автентични за македонската ликовна уметност. Нивните перформанси беа претставени и на биеналето во Сао Паоло, Бразил и на биеналето во Санкт Петерсбург во средината на 90-ите години, изјави кустосот Бочварова Плавевска.

За уметникот Виолета Блажевска ова е нивниот посебен однос и доказ пред младите дека и кај нас има поинаков пристап на уметноста.

- мИ во Македонија во текот на 80-ите и 90-ите години ги имаше најсовремените текови на уметноста, иако се уште импресионизмот беше како главна уметност. Докажувавме и докажавме дека и звукот е ликовен, а не само музички елемент, рече Блажеска.

Виолета Блажеска е родена во Охрид во 1952 година. Академија за ликовни уметnости завршила во Приштина во 1980 година.

Богдан Грабулоски роден е во Прилеп 1948 година. Академија за ликовни уметности завршил во Приштина во 1980 година, а постдипломски студии на Академијата за ликовни уметности во Белград во 1990 година. Работеше долги години како кустос во Центарот за култура „Марко Цепенков“ во Прилеп.

Проектот „Ретроспектива“, финансиран од Министерството за култура ќе биде претставен и Музејот на ликовната уметност во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода арачиновец во Липково, превезувал огревни дрва без документација (ВИДЕО)

Против него ќе следува соодветна пријава.

Лишен од слобода арачиновец во Липково, превезувал огревни дрва без документација (ВИДЕО)

На 05.10.2026 во 18:00 часот, полициски службеници од СВР Куманово го лишија од слобода Џ.А.(65) од село Арачиново. Тој во село Липково управувал товарно возило во кое превезувало дрва без жиг и не застанал на даден знак стоп од полициски службеници и се обидел да побегне.

Џ.А. бил приведен во полициска станица и по целосно документирање на случајот против него ќе следува соодветна пријава.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По 11 години – Охрид конечно ќе добие затворен базен!

По речиси 11 години застој, затворениот базен во Охрид конечно ќе биде завршен и ставен во функција.

По 11 години – Охрид конечно ќе добие затворен базен!

Владата на Република Македонија на денешната седница ја усвои точката со која се овозможува продолжување и конечно завршување на затворениот базен во Охрид.

Обезбедени се 470 милиони денари за негово целосно завршување.

Ова за мене е многу повеќе од уште еден инфраструктурен проект. Ова е инвестиција во младите, во спортистите, во пливањето. Во иднината на спортот во Охрид и во целата држава.

Со завршувањето на базенот, спортистите ќе добијат современи услови за тренинг, младите категории ќе добијат простор за развој, а Охрид ќе добие услови за организирање натпревари и за понатамошен развој на спортот.

Како Влада и како Министерство за спорт не сакаме капитални спортски објекти да стојат со години и да чекаат. Сакам да ги гледаме завршени и ставени во функција.

Токму затоа ова е еден од проектите на кои сме посебно посветени и драго ми е што денес можеме да кажеме дека по 11 години – конечно се движиме кон неговата реализација.

Голема благодарност до претседателот на Владата, Христијан Мицкоски, и до Владата за поддршката и за јасната определба да инвестираме во спортот и во спортската инфраструктура.

Охрид заслужува затворен базен. Охрид ќе го добие.

Продолжуваме со работа, се наведува во соопштението на Влада на Македонија/Министерство за спорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерката за енергетика Божиновска во Белград: Се гради посигурен и поврзан енергетски регион

Министерката за енергетика, рударство и минерални суровини Сања Божиновска присуствува на Вториот министерски самит на Србија, Македонија, Грција и Бугарија, кој се одржува во Белград, во организација на Србија.

Министерката за енергетика Божиновска во Белград: Се гради посигурен и поврзан енергетски регион

Во фокусот на самитот се сигурноста на снабдувањето, развојот на Вертикалниот гасен коридор, пристапот до LNG капацитетите преку Александруполи, диверзификацијата на изворите и правците на снабдување, како и унапредувањето на регионалната соработка во електроенергетиката.

Самитот следува по првата министерска средба во Атина во мај и го продолжува дијалогот за заеднички регионален пристап кон енергетската сигурност и отпорноста на системите.

Во македонската делегација се и заменик-генералниот директор на МЕПСО, Александар Пауноски, како и претставници на НОМАГАС.

Во рамки на посетата, министерката Божиновска ќе оствари и билатерална средба со бугарскиот министер за енергетика, со фокус на понатамошното унапредување и проширување на веќе воспоставената соработка..

Министерство за енергетика, рударство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер