Регион

Целосно е евакуиран аеродромот во Белград по дојавата за бомби во два авиона (ВИДЕО)

На аеродромот Никола Тесла во Белград вечерва околу 19 часот и 10 минути дошло до вистинска драма, откако добиле анонимна дојава за бомба.

Неофицијално, станува збор за авионите на авиокомпаниите Wizz Air и Air Montenegro, објави Телеграф.

Како што неофицијално дознава Танјуг, пилотот при еден лет добил дојава за бомба, по што повикал полиција, бидејќи на еден од патниците му се чинело сомнително.

Сите патници се евакуирани.

Репортерот на Телеграф, кој се наоѓа на платформата за пристигнување на аеродромот, вели дека неколку летови се пренасочени кон околните аеродроми, главно кон Темишвар.

„Ја чекам мајка ми од Малага. Ни кажаа дека летот е пренасочен кон Темишвар, немам повеќе информации“, рекла една жена на аеродромот.

Да потсетиме, по пријавувањето на бомбата, сите патници се евакуирани, а авионите во моментов не слетуваат на аеродромот.

Некои летови се пренасочени кон Темишвар.

Инаку, според процедурата во ваква вонредна ситуација, авионот мора да се наоѓа на најоддалеченото место за евентуалната експлозија да не ги загрози луѓето, имотот и другиот сообраќај.

Македонија

Грчки медиуми: Провокација од Сиљановска, ја нарече земјата „Македонија“

Честитки до Сиљановска Давкова стигна и од претседателите на европската комисија и на советот на ЕУ, Урсула фон дер Лајен и Шарл Мишел кои нагласија ја определбата за соработка во продолжување на европскиот пат на земјата. 

Грчките медиуми пак веднаш реагираа зошто Сиљановска не го употребувала уставното име на државата при давањето на заклетвата.

Тоа го направија и од ДУИ, но и мнистерот за правда Кренар Лога, за кого заклетвата на новата претседателка била, како што рече ништовна…За дел од експртите очекувани се реакциите од јужниот сосед….

Фудбал

Еуфорија во Мадрид: Илјадници ја поздравија шампионската екипа на Реал (ВИДЕО)

Фудбалерите на Реал Мадрид денеска со дефиле по улиците на Мадрид го прославија освојувањето на шампионската титула во Примера, пренесуваат шпанските медиуми.

Реал минатиот викенд ја обезбеди титулата во Ла Лига, но управата на клубот реши да ја одложи прославата за една недела. Тимот од Мадрид стигна до 36-та титула на национално првенство во клупската историја.

Реал синоќа на гостински терен ја победи Гранада со 4:0 во натпреварот од 35.коло во шпанското првенство, а мадридскиот клуб моментално е на првото место на табелата и има 15 бода повеќе од второпласираната Жирона на три кола пред крајот на првенството.

Шампионскиот трофеј му беше доделен на мадридскиот тим на церемонија во клупскиот тренинг центар, а играчите потоа со отворен автобус минаа низ улиците на шпанската престолнина.

Шпанските медиуми потсетуваат дека титулата по традиција се славеше на плоштадот Сибелес.

Реал го победи Баерн со 2:1 во реванш полуфиналниот натпревар од Лигата на шампионите во Мадрид на 8 мај. Клубот од Мадрид победи во финалето на Лигата на шампионите, бидејќи првиот натпревар одигран на 30 април во Минхен беше нерешен, 2:2.

Реал на 1 јуни ќе игра против Борусија Дортмунд во финалето на Лигата на шампионите на Вембли во Лондон.

Македонија

Гордана Сиљановска – Давкова и официјално е првата претседателка на Македонија

Гордана Силјановска Давкова во Вила Водно беше пречекана со интонирање на македонската химна, по што заедно со довчерашниот претседател Стево Пендаровски се упатија кон Кабинетот на Претедателот.

Гордана Силјановска Давкова во Вила Водно беше пречекана со интонирање на македонската химна, по што заедно со довчерашниот претседател Стево Пендаровски се упатија кон Кабинетот на Претедателот, каде што се случи примопредавањето на функцијата. , со што почнува нејзиниот петгодишен претседателски мандат.

„Силјановска Давкова и Пендаровски остварија и кратка тет а тет средба, по што претседателката го испрати Пендаровски како вистинска домаќинка, до врата. На заминување му порача дека ќе го бара во иднина доколку и биде потребен негов совет за извршување на државничките работи.“

Примопредавањето на функцијата во Вила Водно го следеа голем број телевизиски екипи, од земјава и регионот.

Пред пристигнувањето во Вила Водно Давкова даде свечена изјава на инагуративна седница во Собранието.

Силјановска Давкова е шести претседател од осамостојувањето на државата.

притисни ентер