Царинската испостава Пошта доби скенер за пратки - полесно ќе се детектира шверцот со оружје, дрога и експлозиви - Канал 5

Македонија

Царинската испостава Пошта доби скенер за пратки - полесно ќе се детектира шверцот со оружје, дрога и експлозиви

Царинската испостава во Македонска пошта денеска доби скенер кој треба да го олесни спречувањето на трговијата со дрога, експлозиви, оружје, негови делови и муниција. 

Царинската испостава Пошта доби скенер за пратки - полесно ќе се детектира шверцот со оружје, дрога и експлозиви

Станува збор за рентген платформа на американската компанија „Астрофизикс“ која може да поддржи преку 200 килограми. Уредот има 180 киловати сила, висока резолуција и работи во шест бои, што е најнова технологија. Скенерот може да „помине“ стотици пратки во минута, а користи и вештачка интелигенција која преку база на податоци (запамтено оружје и делови од оружје) му сигнализира на операторот дека нешто е сомнително.

Скенерот е донација од Германија, Шведска, Холандија, Франција, Обединетото Кралство и Норвешка преку Канцеларијата на Обединетите нации за дрога и криминал во рамки на проектот Хермес 2. Покрај скенер, на Царината и Поштата ќе им бидат донирани и персонални компјутери за вработените кои ќе оперираат со скенерот.

Како што беше речено на презентацијата, онлајн купувањето од КОВИД-пандемијата е во пораст, а тоа им служи на криминалните групи полесно да го „протнат“ тоа што сакаат. Улогата, пак, на царинските и поштенските служби е ова да го спречат.

-Во време на рапиден пораст на е-трговијата, високата количина на пратки претставува потенцијална опасност за користење на поштенските пратки за дистрибуција на недозволени стоки како што се дроги, експлозиви и оружје. Оттука, спречувањето на користењето на е-трговијата како канал за дистрибуција од страна на криминалците е од исклучителна важност за ефикасно справување со безбедносни закани. Царинската управа е една од клучните институции што треба да одговори на овие предизвици. Скенерот е од големо значење во заедничката борба против тероризмот, спречување пролиферација на мало и лесно оружје и недозволената трговија со дрога. Годинава во царинската испостава Пошта, каде е поставен скенерот, поминале над 100 илјади пратки, што кажува за значењето што оваа опрема ќе го има врз контролата на поштенските пратки, истакна директорот на Царинската управа Бобан Николовски.

Според него, со капацитет за скенирање стотици пратки во минута со помош на вештачка интелигенција, скенерот ќе помага во детекција на огнено оружје, негови делови и муниција, дрога и експлозиви.

-На овој начин, службите ќе бидат насочени да извршат навремена и прецизна проверка на сомнителните пратки. Во рамки на проектот, веќе се спроведени обуки за ракување со системот за царинските службеници од испоставата, како и за мобилните царински тимови. Наша обврска како институции е да одговориме на предизвиците со сите капацитети што ни стојат на располагање, со цел ефикасно сузбивање и целосно разобличување на криминалот, истакна Николовски.

Според директорот на Македонска пошта Орхан Куртиши, скенерот е од исклучително значење за поштенското работење.

-Живееме во време во кое секојдневно се соочуваме со сериозни закани предизвикани од криминални мрежи вклучени во трговија со забранети супстанци, оружје и дрога. Од тие причини, оваа донација е од голема важност за нивно непречено откривање, рече Куртиши и се заблагодари за спроведената обука на вработените кои ќе работат на скенерот.

Тагови: поштата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер