Живот

Царините во САД сериозна закана за швајцарските луксузни часовници

Најновите царини наложени во САД за швајцарските луксузни стоки, со 39 отсто, сериозно го потресоа пазарот на една од најпознатите индустрии во светот - швајцарските часовници.

Мерките што се дел од пошироката трговска политика на САД, би можеле да го променат начинот на којшто се продаваат и дистрибуираат швајцарските часовници низ целиот свет.

Пазарот во САД е клучен за индустријата - лани, вкупната продажба на швајцарски часовници во САД достигна 5,5 милијарди долари, што претставува речиси 17 отсто од вкупниот извоз во светот. Од друга страна, пак, во својот годишен извештај за состојбата на индустријата за часовници, британската консултантска куќа „Делоит“ (Deloitte) проценува дека зголемените царини би можеле да доведат до повисоки цени за водечките брендови во САД и пад на интересот на потрошувачите, особено во „премиум“ сегментот. Наредниве месеци, имено, се очекува значително зголемување на цените на моделите од водечките брендови како што се „Ролекс“, „Патек Филип“ и „Омега“, што би можело да ја намали продажбата и да ги наруши односите на пазарот на луксузни стоки.

Иако извозот во САД забележа само симболичен пад од еден процент меѓу јануари и август оваа година, експертите предупредуваат дека ова се должи на претходното зголемување на увозот и складирањето производи, пред воведувањето на новите царини.

Швајцарските производители, познати по својата традиција, прецизност и врвен квалитет, сега мора да покажат економска флексибилност, насочувајќи се кон помладите генерации и новите пазари, велат познавачите.

Така, една опција за тоа е растечкиот пазар на употребувани и реставрирани часовници. Оваа гранка - некогаш маргинална и вообичаено резервирана за колекционерите, сега е еден од најдинамичните делови на пазарот на луксузни стоки. Според „Делоит“, дури 40 насто од генерацијата Зи (лицата родени меѓу 1997 и 2012 година) изјавиле дека планираат да купат веќе користен часовник. Причината е, меѓу другото, и сѐ поголемата свест за одржлива потрошувачка, како и фактот дека младите луѓе ја ценат автентичноста и историјата на производите.

Затоа, индустријата за часовници го гледа пазарот на употребувани часовници не само како начин за ублажување на ударот од царините, туку и како можност за сосем нов бизнис-модел. Големите компании веќе развиваат платформи за проверка и продажба на сертифицирани половни часовници, со цел да ги задржат клиентите во рамките на сопствениот бренд и да спречат продажба по неформални канали.

Покрај САД, насоката сè повеќе е кон нови пазари во раст. Швајцарските производители во Индија, на пр., бележат раст на извозот за седум отсто на годишно ниво, што одразува растечка клиентела од средната класа која бара луксуз - како симбол на успех. Во истовреме, и Мексико станува нов центар на интерес - продажбата на швајцарски часовници таму достигна 337 милиони швајцарски франци, што е еден од најголемите скокови во светот.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Народна банка ја задржа основната каматна стапка на 4,25%, бележи повисока побарувачка на девизи

Народната банка ја задржа основната каматна стапка на нивото од 4,25% со оценка дека тоа ќе придонесе за стабилност на денарот во однос на еврото, стабилизирање на инфлацијата и зацврстување на инфлациските очекувања.

Од централната банка посочуваат дека движењата на девизниот пазар се стабилни, при што во периодот јули ̶ август, народната банка интервенира со откуп на девизи.

„Сепак, и натаму има повисока побарувачка на девизи од корпоративниот сектор, делумно како резултат и на повисоките цени на енергенсите“, велат од НБ.

Годишната стапка на инфлација се задржува на умерено ниво од 2,6%, но во август беа видливи ефектите од растот на светските цени на енергенсите врз домашната инфлација, соопшти нбрм и оцени дека сѐ уште е рано за да се потврди одржливоста на трендот на забавување на инфлацијата, особено имајќи го предвид високиот степен на неизвесност во надворешното окружување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОН во Скопје ќе го поддржи Министерството за односи меѓу заедниците во спроведувањето на неговата Стратегија

Организацијата на Обединетите нации во Скопје ќе го поддржи Министерството за односи меѓу заедниците во спроведувањето на неговата Стратегија.

Организацијата на Обединетите нации во Скопје ќе го поддржи Министерството за односи меѓу заедниците во спроведувањето на неговата Стратегија, со фокус на зајакнувањето на социјалната кохезија, инклузијата и креирањето јавни политики засновани на конкретни податоци и докази.

Ова беше во фокусот на состанокот за соработка и размена на идеи, кој се одржа во канцелариите на ОН во Скопје, на кој учествуваа претставничките Лаура Фиорото и Ардита Зекири, како и Шпенд Мурати, шеф на Кабинетот на министерот за односи меѓу заедниците, Агoн Ферати, заедно со претставниците на Министерството, Суеда Бајрами и Џелал Чајани.

За време на состанокот беа разгледани можностите за поддршка на Министерството во спроведувањето на неговата Стратегија, преку користење на истражувањата, податоците и анализите како основа за креирање и спроведување на поефективни политики. Во таа насока, акцентот беше ставен на зајакнувањето на социјалната кохезија и создавањето посилни, по инклузивни и поотпорни заедници.

Една од главните теми на разговорот беше SCORE Social Cohesion Survey, кој обезбедува значајни податоци и сознанија за факторите кои влијаат врз социјалната кохезија, односите меѓу заедниците и предизвиците со кои се соочува општеството.

На состанокот беше истакнато дека податоците и резултатите од истражувањата треба да служат како основа за конкретни активности и јавни политики. Таквиот пристап овозможува спроведувањето на Стратегијата на Министерството да биде повеќе насочено кон реалните потреби на граѓаните, да се темели на докази и да обезбедува мерливи резултати.

Тагови: ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Дервишова: Mатичните доктори даваат поддршка за контролите во боледувањето, но бараат регионални болници

Здружението на приватни матични лекари ги поддржуваат предлозите на ФЗОМ за измени на правилата за боледување, но и поголема контрола на тие што земаат лажни боледувања.

Лилија Чолакова Дервишова претседател на здружението објаснува дека и матичните лекари во фондот кажале дека се соочуваат со големи притисоци за давање на боледување.

„Има често бараат боледување за патување да се видат постарите со децата од странство. Не им даваме и одма не отпишуваат од кај тој матичен доктор. И фондот треба да провеи зошто некои пациенти често менуваат матични доктори. Ние даваме поддршка и секако има луѓе кои се болни им треба боледување и испитување на здравјето. Но треба и работодавачите да им ги исполнуваат правата на работнците со денови од одмор, со цел да не прават злоупотреби“, изјави д-р Лилија Чолакова Дервишова- Здружение на приватни матични лекари.

Таа објаснува дека ги разбира пациентите кои бараат боледување до седум дена за да закажат прегледи и да отидат на преглед пред се за здравственити осигуреници од вантрешноста. Каде многу често мора да заминат до болниците во Скпоје бидејќи во останатите градови или има доктори има апарати, или има апарати нема доктори. Потребно е и повеќе термини во МОЈ ТЕРМИН за прегледи.

„Мора да има регионални центри. Не може за некои испитувања само во Скопје да се оди. Луѓето навистина не може да отидат на преглед. И мора доктори специјалсти да има во регонални центри“, потенцира д-р Лилија Чолакова Дервишова -Здружение на приватни матични лекари.

Во 2025 година вкупниот број на издадени права за боледување изнесува 33.184, што претставува зголемување во однос на минатата година. Вчера директорот на Фондот посочи дека ќе се зголемат контролите кај оние што се на долги боледување и барањата се најчесто од работадавачите. Само за август исплатени се 623 милиони денари, од кои 414 милиони се за трудничко боледување, посочи првиот човек на фонодот Златко Перински.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.