Цариниците занемеле кога виделе што има во купот епрувети кај патник на аеродром - Канал 5

Бизарно

Цариниците занемеле кога виделе што има во купот епрувети кај патник на аеродром

Необична операција се случила оваа недела на меѓународниот аеродром „Џомо Кенијата“ во Најроби, привлекувајќи повторно внимание кон растечкиот проблем со шверцот.

Цариниците занемеле кога виделе што има во купот епрувети кај патник на аеродром

Царинските службеници и експертите за див свет запреа патник чиј багаж предизвика сомнеж. Детална проверка откри содржина на ретко видени предмети, објавува Ројтерс.

„Наредба за запирање“

Навистина, цариниците пронајдоа повеќе од 2.000 живи мравки во куфер! Полицијата го приведе кинескиот државјанин Џанг Кекун (27), кој се обиде да ја напушти Кенија со необичниот „товар“.

Странските медиуми известуваат дека имиграциските власти претходно го обележале неговиот пасош со „наредба за запирање“, откако успеал да избегне апсење во Кенија во 2025 година.

Властите велат дека во багажот се пронајдени 2.238 мравки. Од тој број, 1.948 биле во лабораториски епрувети, додека преостанатите примероци биле завиткани во ролни мека хартија.

Според истражителите, Кекуна поминал околу две недели во Кенија, а за време на испрашувањето споменал тројца соучесници кои наводно му ги обезбедиле инсектите.

Иако на многумина им изгледа необично некој да шверцува мравки, овој случај има објаснување. Имено, меѓу љубителите на инсекти низ целиот свет постои заедница на колекционери и хобисти кои одгледуваат колонии мравки во големи проѕирни контејнери - познати како формакариуми.

„Меѓународна патека“

Овие стаклени структури овозможуваат набљудување на сложени општествени односи, организација на работата и однесување во рамките на колонијата - еден вид „жив прозорец“ во фасцинантниот свет на инсектите.

Поради ова, ретките видови можат да достигнат висока цена на црниот пазар.

Случајот во Најроби не е изолиран. Минатата година, четворица мажи беа казнети со по 7.700 долари за обид за шверцување илјадници мравки кои се од витално значење за екосистемот на Кенија.

„Меѓународната патека“ во случајот предизвика дополнителни загрижености. Властите изјавија дека слична пратка мравки со потекло од Кенија била запленета во Бангкок истиот ден, што укажува на голема и добро организирана мрежа за шверц.

Истрагата е во тек, а експертите предупредуваат дека трговијата со диви животни се шири сè повеќе кон организми кои до неодамна беа речиси невидливи - но чија улога во природните екосистеми е непроценлива.

Тагови: патник цариници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер