Царина: Заеднички делуваме со цел сузбивање на криминалот поврзан со аерозагадувањето - Канал 5

Царина: Заеднички делуваме со цел сузбивање на криминалот поврзан со аерозагадувањето

За неполни пет месеци анализирани 110 мостри горива.

Царина: Заеднички делуваме со цел сузбивање на криминалот поврзан со аерозагадувањето

„Детектираме слабости, при што можеме да порачаме дека Царинската управа во изминатиот период гледа и делува како во рамките на царинската постапка, така и надвор од неа, сè со цел максимално сузбивање на криминалните дејства. Притоа за ниту еден што се обидува да го избегне законот нема простување. Она што порано значело ситен прекршок или враќање на цистерна со мазут каде се откриени неправилности во делот на квалитетот, сега може да му порачаме дека доколку биде откриен ќе одиме подлабоко со истрагата при што ќе ги вклучиме и останатите институции. Целта е ваквите криминални дејствија да бидат најстрого санкционирани. Веќе иницијално разговаравме и со Регулаторна Комисија за Енергетика, како надлежна институција за издавање лиценци, секогаш кога ќе откриеме и ќе утврдиме неправилности во делот на квалитет, но и во делот на погрешно тарифирање, да ги информираме. За истото ќе склучиме и Меморандум за соработка. Системскиот пристап што го применуваме е многу важен бидејќи само така создаваме одржливо и безбедно општество“. Ова го истакна директорот Бобан Николовски на надзорната расправа пред Комисија за здравство на тема „Ефектите од аерозагадувањето во Скопје и мерките што се преземаат за заштита на јавното здравје“.

Николовски потенцира дека годинава во царинската лабораторија во постапка за увоз, анализирани се 110 мостри од различни видови течни горива и сродни производи. Ова претставува повеќе од двојно зголемување на бројот на анализираните мостри во споредба со целата 2023 година, кога биле анализирани 48 мостри. Притоа само во еден случај е променета тарифната ознака, при што производот нема влијание врз загадувањето. Во 2024 анализирана е 91 мостра.

Директорот истакна дека во завршна фаза е изготвување на Нов Царински закон усогласен со Царинскиот закон на ЕУ и заснован на новонастанатите општествено - економски односи. Суштината е подобрување на условите за водење бизнис и побрза интеграција во единствениот пазар на ЕУ, преку создавање на целосно дигитално царинско работење во секој сегмент, целосна усогласеност со системите што се користат во ЕУ на чија имплементација веќе работиме, како и поголема сигурност на стоките што влегуваат и излегуваат од државата. Воедно, како што рече, со донесувањето на Законот за климатска акција, на Царинската управа ќе и се даде многу важна улога во ефикасно спроведување на механизмот за наплата на јаглеродна давачка. Даночењето на јаглеродот треба да има значајна улога во стратегијата за декарбонизација.

„Сериозно сме посветени на исполнување на нашите обврски кои се подвлечени со Парискиот Договор, при што говориме за вистинска трансформација на нашата економија во наредниот период. Ова е тоа што го прави Европа, и ова е тоа што ние го правиме“, истакна директорот.

Царинска управа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ким Јонг Ун поставил услови за средба со Трамп?!

Администрацијата на американскиот претседател Доналд Трамп, за време на неговата неодамнешна турнеја низ Азија, сè до последниот момент инсистирала на организирање средба со севернокорејскиот лидер Ким Џонг Ун.

Ким Јонг Ун поставил услови за средба со Трамп?!

Сепак, тоа не се случи, изјави денес официјален претставник запознаен со преговорите.

Според официјални лица, двете земји ја разгледувале можноста за лична средба меѓу Трамп и Ким Џонг Ун, но Северна Кореја поставила услови што биле неприфатливи за САД, пренесува „Волстрит џурнал“.

Официјалниот претставник не наведе какви услови побарала Северна Кореја. Од друга страна, претставник на администрацијата на Трамп ги демантираше извештаите дека имало обиди за организирање средба со севернокорејскиот лидер.

Белата куќа, исто така, соопшти дека нема промена во нејзиниот постоечки став во однос на денуклеаризацијата на Северна Кореја. Кон средината на ноември, Трамп учествуваше на самитот на Асоцијацијата на нациите од Југоисточна Азија (АСЕАН) во Манила, како и на самитот на Азиско-пацифичката економска соработка (АПЕК) во Шенжен, Кина, каде што одржа историска трилатерална средба со кинескиот претседател Си Џинпинг и рускиот претседател Владимир Путин.

Обидите на администрацијата на Трамп да организира самит меѓу Северна Кореја и САД продолжуваат уште од минатата година, при што Трамп се обидел да стапи во контакт со Ким Џонг Ун преку постоечките телефонски мрежи и комуникациски канали, но никој не одговорил.

Потоа, Трамп му напишал писмо на севернокорејскиот лидер, но тоа не му било соодветно врачено. Според официјални лица, претставници на Белата куќа испратиле курир пред мисијата на Северна Кореја при Обединетите нации во Менхетен, Њујорк, за да му го предаде писмото директно на некој севернокорејски дипломат; сепак, дипломатот подоцна го оставил неотвореното писмо пред американскиот претставник во салата за состаноци на ОН.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Удар врз тротинетите и електричните велосипеди, во Њујорк сакаат да ги забранат опасните батерии во становите

Градскиот совет на Њујорк предложи закон според кој поседувањето или користењето батерии за електрични велосипеди и скутери што не ги исполнуваат безбедносните стандарди би се третирало како тешко кривично дело,.

Удар врз тротинетите и електричните велосипеди,  во Њујорк сакаат да ги забранат опасните батерии во становите

Градскиот совет на Њујорк предложи закон според кој поседувањето или користењето батерии за електрични велосипеди и скутери што не ги исполнуваат безбедносните стандарди би се третирало како тешко кривично дело, а исто така би се забранило и чувањето на такви батерии во станови.

Градските власти предложија нови мерки поради порастот на бројот на пожари предизвикани од литиум-јонски батерии во станбените делови на Њујорк.

Според „Њујорк тајмс“, од почетокот на годината досега, бројот на вакви пожари е за околу 70 отсто поголем во споредба со истиот период минатата година.

Претставници од администрацијата на градоначалникот Зоран Мамдани, како и од Противпожарната служба на Њујорк, упатија критики кон предлозите за построги законски ограничувања. Тие наведуваат дека ваквите мерки би ги казниле луѓето што секојдневно користат електрични велосипеди и скутери за патување, како и доставувачите со ниски примања.

Извештај на Комисијата за безбедност на потрошувачки производи на САД, објавен во април, утврди дека во периодот од 2017 до 2024 година, во Соединетите Држави се случиле 45 смртни случаи поврзани со пожари предизвикани од литиум-јонски батерии.

Од нив, 19 се поврзани со електрични велосипеди, 15 со електрични тротинети, а 11 со самобалансирачки скутери, познати и како „ховерборди“. Проблемот е особено изразен во Њујорк, каде што бројот на пожари предизвикани од литиум-јонски батерии оваа година достигна рекордно ниво.

Според податоците на противпожарната служба, на кои се повикува Градскиот совет, до почетокот на ноември биле регистрирани 406 вакви пожари, во споредба со 241 пожар во истиот период минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Објавен план за примирје меѓу Украина и Русија

Американскиот претседател Доналд Трамп изјави дека Соединетите Држави работат на постигнување поширок прекин на огнот меѓу Украина и Русија.

Објавен план за примирје меѓу Украина и Русија

Целта е да се прошират претходните хуманитарни договори што овозможија евакуација на цивили од воените подрачја.

Во интервју за „Фокс њуз“, Трамп ја истакна улогата што првата дама Меланија Трамп ја имаше во претходните хуманитарни иницијативи. Според него, Вашингтон сега се обидува да примени сличен модел на многу поголема територија.

„Беше прекрасно. Тоа беше прекин на огнот. Луѓето беа евакуирани од градовите и населените места, што веројатно им ги спаси животите. Сега работиме на верзија од тоа, но во поголеми размери“, рече Трамп.

Американскиот претседател не изнесе детали за тоа како би функционирало новото примирје, кои области би ги опфатило, ниту пак дали Русија и Украина веќе се согласиле на американскиот предлог.

Трамп, исто така, ја пофали Меланија Трамп за нејзиниот ангажман во хуманитарни иницијативи и за соработката со официјални лица и посредници вклучени во евакуацијата на цивили. „Сега преминуваме кон поширок формат“, рече американскиот претседател.

Според „Фајненшал тајмс“, администрацијата на Трамп се обидува да постигне договор за ставање крај на војната до почетокот на јануари, пред демократите да го преземат мнозинството во двата дома на американскиот Конгрес.

Демократите ќе ја преземат контролата врз Претставничкиот дом и Сенатот по победата на изборите на 3 ноември, што би можело да го промени политичкиот контекст во кој Трамп ги води преговорите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер