Ова е образложението на Јавното обвинителство по реакциите во јавност по одлуката на екс првиот вицепремиер ефективниот да му биде заменет со куќен притвор. Мерката куќен притвор, уверуваат дека кога се реализира со 24 часовен надзор е исто така притворска мерка, која не се издржува во затворски услови само затоа што постојат специфични услови за тоа.

-Таквите услови во конкретниот случај беа исполнети, бидејќи по проценка на надлежните органи – МВР и АНБ постојат сериозни информации дека во притворското одделение не може да се гарантира личната безбедност на овој осомничен. Деталите во однос на ваквите загрозувања беа презентирани пред судијата на претходна постапка – соопштија од ЈО.

За какви конкретно закани за безбедноста на Груби станува збор од МВР не сакаат да откријат.

-Министерството за внатрешни работи, согласно своите законските надлежности ги сподели со Јавното обвинителство сите информации и сознанија со кои располагаше, а кои се однесуваат на конкретното лице, вклучително и информациите од АНБ. Во понатамошната постапка, одлуките за барање и определување на мерките ги носат исклучиво надлежното обвинителство и судот. – велат од МВР.

За какви информации станува збор, не знае ниту директорот на затворот Скопје, Бобан Утковски, но тој уверува дека затворот е бебзеден за сите, вклучително и Груби..

-Безбедноста на затворот ја гарантираат државата преку законите и институциите, со Управата на затворот, директорот и раководството, затворската полиција, службата за обезбедување директно ја спроведува безбедноста. Министерство за правда или надлежната Управа за санкции врши надзор и контрола на нашето работење. Државата ја гарантира безбедноста, затворската служба ја спроведува во пракса за секој еден штитеник па и за господинот Артан Груби. изјави – Бобан Утковски – КПУ Скопје.

Реакциите на јавноста во најголем дел се должат на тоа што обвинителството самото побара поблага мерка за Груби иако тој 14 месеци беше во бегство, а во отсуство веќе му беше одреден притвор од 30 дена. Адвокатите велат дека ова се случувало и претходно, но само за одреден профил на оссомничени..

-Ваква пракса на лице да лице од бегство кога ќе се врати да му се замени со куќен притвор, којашто патем е спротивна на ЗКП, кај постои само за финансиски богати и моќни, кога ќе го видите калибарот на луѓе за кои тоа се има случено тоа се Артан Груби, Сашо Мијалков, Љупчо Пецов – Ѓаволот, секому му е јасно за каков профил на луѓе се работи. Инаку законот е кристално јасен, членот 165 од ЗКП си го третира ова прашање каде точка 1 опасноста од бегствое основ за определување притвор заедно со можноста од влијание врз постапката и можноста од повторување на делото. Значи небулоза е за лице кое година и два три месеци било во бегство вие да кажувате дека сега е тој обезбеден и дека со тоа е отстранета понатамошната опасност од бегство,- изјави – Јанаки Митровски – Адвокат.

Предлогот за куќен притвор го дал обвинителот Даниел Коцев од скопското обвинителство под раководство на Анел Фидевски,а решението го потпила судијата на претходна постапка Марин Станевски.

Сега, доколку одбраната на Груби, не се жали, според правниците, нема можност одлуката да биде преиначена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.