Бугарскиот министер Демерџиев бара средба со министерот Спасовски - Канал 5

Македонија

Бугарскиот министер Демерџиев бара средба со министерот Спасовски

Министерот за внатрешни работи на Бугарија Демерџиев бара нова средба со македонскиот колега, Спасосвки, до крајот на неделата, но овој пат да биде во Делчево.

Бугарскиот министер Демерџиев бара средба со министерот Спасовски

Во изјавата за бугарските медиуми, Демерџиев кажа дека денеска го исполнил ветувањето и испратил генератори за трите гранични премини, но освен техничките проблеми, тој смета дека во саботата не бил до крај испочитуван договорот со македонското МВР за непречено чествување на гробот на Гоце Делечв во Скопје од страна на бугарските државјани.

-Група бугарски граѓани беа запрени на границата, а над 40 минути беа проверувани полициските сили за кои имаше одбрение да ме придружуваат на таа посета. Ние презедовме дејства со Министерството за надворешни работи уште истиот ден. Побарав објаснување зошто и кои се причините, а како прва причина ние беше споменато прекин во електричната енергија, па денеска праќам три генератори на трите пункта за да има струја.изјави – Иван Демерџиев – Министер за внатрешни работи на Р. Бугарија.

Ја поддржуваме комуникацијата, но сакам македонската страна да разбере дека патот кон добрососедските односи и патот кон Европа минува низ дејствија, а не низ зборови. Дејствијата треба да соодветствуваат на зборовите.

Претходно за случувањата на граничниот премин Деве Баир реагираше и бугарското МНР, на што ескпресно одговори македонското МНР. Посочија дека домашните институции се должни да ги преземат сите мерки за да се спречат провокации, тензии и инциденти кои можат да ја загрозат националната безбедност, јавниот ред, здравјето на луѓето и меѓународните односи на државата.

-И покрај искажаната волја, Р. Бугарија не направи доволно напори да спречи пристапување на радикални поединци на граничниот премин Деве Баир, овозможувајќи на тој начин, дел нив да се однесуваат агресивно, да ги навредуваат и да применат насилство кон претставниците на гранична полиција на . Македонија. -МНР.

Најсериозниот инцидент на границата беше приведувањето на тројца бугари, меѓу кои пратеникот на радикалната Преродба, Ангел Георгиев. Нив, судот во Крива Паланка им изрече забрана за влез во Македонија во наредните три години и казна од 300 евра, поради вербално, дрско и недолично со најпогрдни зборови однесување кон македонските полицајци, како и обид за физички напад.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелците ликвидираа командант на единицата Нухба, елитен одред на Хамас (Вознемирувачко видео)

Израелската војска (ИДФ) соопшти дека во воздушен напад во јужниот дел на Појасот Газа е убиен командант на Хамас, за кој се вели дека учествувал во нападот врз воената база Реим за време на нападот на 7 октомври 2023 година.

Израелците ликвидираа командант на единицата Нухба, елитен одред на Хамас (Вознемирувачко видео)

Израелците соопштија дека командантот на елитната единица Нухба на Хамас, Јахја Саид Мохамед Хамдан, бил убиен во нападот, објави „Тајмс оф Израел“.

Според ИДФ, Хамдан учествувал во нападот врз базата Реим, каде што се наоѓа седиштето на израелската дивизија за Појасот Газа, за време на нападот на Хамас на 7 октомври.

Војската соопшти дека Хамдан неодамна работел на планирање напади врз израелските сили и обнова на оперативните капацитети на Хамас, што, според ИДФ, го направило „непосредна закана“.

Тагови: израелците Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Килијан Мбапе го декласира Мароко, па направи потег за паметење (ВИДЕО)

Франција обезбеди пласман во полуфиналето на Светското првенство со победа од 2-0 над Мароко, а најголемата ѕвезда на „триколорите“ Килијан Мбапе уште еднаш покажа дека големината на еден фудбалер не се мери само со голови и асистенции.

Килијан Мбапе го декласира Мароко, па направи потег за паметење (ВИДЕО)

Францускиот напаѓач имаше турбулентна вечер. Промаши пенал, но тоа не го обесхрабри. Во остатокот од натпреварот, тој беше клучниот човек за својот тим, постигнувајќи го првиот гол, а потоа асистирајќи му на Усман Дембеле за конечни 2-0.

Сепак, она што особено го воодушеви фудбалскиот свет се случи по последниот свиреж.

Наместо да слави на голем начин, Мбапе прво им се приближи на разочараните марокански играчи. Ги прегрна и ги тешеше своите противници кои останаа без сон за историски пласман во финалето на турнирот. Интересно е што неговите соиграчи славеа од другата страна.

Од соиграчи до ривали, француската суперѕвезда покажа класа и почит кон тимот кој се бореше одлично.

Погледнете како изгледаше сè на лице место:

Тагови: Килијан Мбапе Мароко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба и натаму во темнина- протести низ земјата, САД не отстапуваат од санкциите (ВИДЕО)

Протести избувнаа низ Хавана, при што жителите удираа со тенџериња, свиреа со автомобилски сирени и скандираа „вклучете ја струјата!“.

Куба и натаму во темнина- протести низ земјата, САД не отстапуваат од санкциите (ВИДЕО)

Протести избувнаа низ Хавана, при што жителите удираа со тенџериња, свиреа со автомобилски сирени и скандираа „вклучете ја струјата!“, додека милиони Кубанци останаа без струја поради шестмесечното ембарго за гориво од САД, објави Ројтерс.

Куба денеска доживеа целосен колапс на својата национална електрична мрежа, трет оваа година. Иако властите соопштија дека поголемиот дел од земјата е повторно поврзан со мрежата доцна во вторникот, многу жители сè уште беа оставени во темница и без струја бидејќи островот остана без гориво.

Државниот оператор за електрична енергија UNE соопшти дека мрежните врски се обновени од покраината Пинар дел Рио на крајниот запад на Куба до Холгин на исток. Сепак, Сантијаго де Куба, вториот по големина град на островот, остана исклучен од мрежата и без струја, соопштија властите.

Соединетите Американски Држави ги прекинаа испораките на гориво за Куба во јануари, а потоа воведоа нови санкции кои ги избркаа странските компании и предизвикаа речиси целосен колапс на туризмот, во обид да ја принудат кубанската влада на преговарачка маса.

Соединетите Американски Држави се стремат да ја соборат комунистичката влада на Куба и повикаа на демократски избори и ослободување на, како што велат, политички затвореници.

Куба и Обединетите нации велат дека санкциите на американскиот претседател Доналд Трамп го кршат меѓународното право и човековите права на жителите на островот.

Стотици исцрпени жители во населбите Хаиманитас и Санта Фе во Хавана излегоа на улиците, додека други седеа на вратите и тротоарите во текот на жешката ноќ, играјќи домино или разговарајќи со соседите додека чекаа да се врати струјата.

Многумина, навикнати на прекини на струја што траеја повеќе од 30 часа, се помирија со уште една ноќ помината борејќи се со комарци и едвај спиејќи.

„Не гледам брзо решение за овој проблем. Нашите електрани се застарени и нема гориво“, рече локалниот жител Амаури Гонзалез, кој излезе од својата куќа за да се напие свеж воздух.

Во некои делови од населбата Санта Фе, електричната енергија беше обновена кратко време по почетокот на удирањето со тенџериња, што ги натера демонстрантите брзо да се вратат во своите домови за да ја искористат можноста додека имаше струја.

Според кубанските и американските претставници, преговорите меѓу двете земји се во ќорсокак.

Амбасадорот на САД во Обединетите нации, Мајкл Валц, за време на дебатата за санкциите на САД во Генералното собрание на ОН, изјави дека кубанската влада е одговорна за недостигот на електрична енергија.

„Променете ги вашите навики и повторно вклучете ги светлата за вашиот народ“, рече тој.

Сепак, огромното мнозинство земји што учествуваа во дебатата го повикаа Вашингтон да ја укине блокадата и да ги укине санкциите што сериозно ја оштетија кубанската економија.

Тагови: куба протести

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер