Бугарски „Твин Пикс“: Шест тела, една запалена планинска колиба и многу неодговорени прашања - Канал 5

Балкан

Бугарски „Твин Пикс“: Шест тела, една запалена планинска колиба и многу неодговорени прашања

Случајот со шест жртви во Бугарија предизвика бран теории на заговор и шпекулации и доминираше во вестите во Бугарија повеќе од две недели. Локалните власти го опишаа како кривично дело „без преседан во земјата“.

Бугарски „Твин Пикс“: Шест тела, една запалена планинска колиба и многу неодговорени прашања

Дојче Веле

Случајот со шест жртви во Бугарија предизвика бран теории на заговор и шпекулации и доминираше во вестите во Бугарија повеќе од две недели. Локалните власти го опишаа како кривично дело „без преседан во земјата“.

На 2 февруари, тројца мажи беа пронајдени мртви покрај делумно изгорена планинска куќа во близина на превојот Петрохан, западна Бугарија, недалеку од границата со Србија.

Во исто време, сопственикот на колибата, Ивајло Калушев, заедно со 22-годишен млад човек и 15-годишно момче, исчезнаа без трага.

Сите што престојуваа во таа колиба беа членови на бугарската невладина организација „Национална агенција за контрола на заштитените подрачја“ (НАЦПТ).

Споредби со ТВ серијата „Твин Пикс“

Откако беше објавена веста за откривањето на телата, вршителот на должноста главен обвинител, Борислав Сарафов, се обрати до медиумите и рече дека активностите на таа невладина организација „не се чист бизнис“.

Кога еден новинар забележа дека она што го кажува Сарафов звучи како „секташка мрежа што вклучува педофилија“, главниот обвинител одговори: „Добро ме разбравте“.

„Понекогаш животот претставува уште почудни околности од оние во Твин Пикс“, рече тој.

Случај што ја шокираше нацијата

Коментарите, за кои првично немаше никакви докази, ја отворија Пандорината кутија со шпекулации за невладината организација, вклучително и тврдења дека станува збор за паравоена организација или дури и за будистички култ.

А потоа, шест дена подоцна, на 8 февруари, шпекулациите се разгореа уште повеќе кога трите исчезнати лица беа пронајдени мртви во кампер на врвот Околчица, на околу 80 километри од првото место на злосторството.

Главната хипотеза на истражителите беше дека имало четири самоубиства и две убиства. Поголемиот дел од шпекулациите се вртат околу Ивајло Калушев, раководителот на НАЦПТ. Калушев бил спелеолог и ренџер, кој работел во Бугарија и Мексико.

Со членовите на организацијата, тој патролирал по планините во западна Бугарија, барајќи ловокрадци, нелегална сеча и можни трговци со луѓе.

Шефот на бугарската криминалистичка полиција потврди дека властите претходно соработувале со Калушев и неговиот тим.

Иако Калушев и другите членови на групата легално поседувале неколку оружја, властите ги отфрлаат тврдењата дека НАЦПТ дејствувала како паравоена организација.

Обвинувања и извештаи против НАЦПТ

Калушев бил будист и примал деца во својата колиба со согласност на родителите. Таму учеле за спелеологијата и живееле во заедница, со духовни обреди. Во многу случаи, децата престанале редовно да одат на училиште и почнале да живеат во колиба.

По неговата смрт, маж кој ја посетувал оваа „обука“ како малолетник јавно изјавил во интервју за истражувачкиот портал Бирд дека Калушев сексуално ги злоупотребувач момчињата и дека тој го пријавил тоа на властите во 2022 година.

Сепак, неговата мајка тврди дека лаже. Во интервју за ЈуТјуб каналот Дневен ред, таа признала дека му дала големи суми пари на Калушев, кој го сметала за „духовен водач“.

Институционални сомнежи

Невладината организација е пријавена до надлежните институции неколку пати во последните четири години. Најмалку еден извештај содржел тврдења дека Калушев извршил сексуални дејствија или „блудни дејствија“.

Ништо не се случило – немало детална истрага. Според достапните сведоштва на луѓе од кругот на Калушев, информациите за пријавите подоцна стигнале и до него, што го навело да се посомнева дека нивниот можен извор е во самата организација.

Контродикторните наводи за тоа колку чаури биле пронајдени на местото на првото злосторство, заедно со објавените снимки од надзорните камери на кои се гледа како групата заминува на 1 февруари, дополнително ги поттикнаа теориите на заговор за вмешаност во убиствата на нарко-картелите или дури и на државните структури.

За ниту едно од тие тврдења не се презентирани официјални докази

Премногу теории на заговор

Случајот покажува колку е длабока недовербата на бугарската јавност кон обвинителството и полицијата.

На пример, вршителот на должноста главен обвинител Сарафов е исклучително непопуларен. Неговиот рејтинг во декември беше само четири проценти – според анкетата на агенцијата „Алфа рисрч“.

Во исто време, политичките партии во Бугарија ја користат трагедијата како оружје за кампањата пред осмите вонредни парламентарни избори во земјата за само пет години, што треба да се одржат во април.

Трагедијата се користи како политичка алатка

Во средината на сите обвинувања и контратврдења, владејачките партии го користат случајот за да го нападнат опозицискиот сојуз на ПП ДБ, истакнувајќи дека за време на нивниот мандат, Министерството за екологија потпишало необврзувачки меморандум со организацијата на Калушев.

„Од институционална гледна точка, ова е пример за тоа како одредени случаи можат да се користат за цели што одат подалеку од кривичните постапки, дури и за дискредитација на политичките противници“, изјави за ДВ Андреј Јанкулов, адвокат и експерт во Фондот за борба против корупцијата.

Јанкулов ја поврзува недовербата на граѓаните во државните институции со бројни ситуации во кои обвинителството давало неоправдани изјави за случаи што никогаш не добиле судски епилог.

Општо е прифатено дека недостатокот на пресуди произлегува од политичкото влијание врз обвинителите и судиите во текот на последната деценија.

Како резултат на политичките напади, критичарите тврдат дека јавната дебата отстапила од клучните прашања – дали властите можеле да ги спречат убиствата ако навреме ги истражеле извештаите? Каков бил нивниот став кон организацијата? И кои се мотивите за трагедијата?

„Едно е сигурно: првичните реакции на вршителот на должноста главен обвинител и истражителот го олеснија ширењето на теориите на заговор, бидејќи ги охрабрија новинарите и јавноста да „читаат меѓу редови“, изјави за ДВ новинарот и медиумски тренер Георги Марчев.

Може ли да се врати довербата?

Според Јанкулов, поранешен обвинител, враќањето на довербата во институциите ќе бара кадровски промени и поголема ефикасност.

Бугарија, заедно со Унгарија, е рангирана како најкорумпирана членка на Европската Унија, според Индексот за перцепција на корупцијата на Транспаренси Интернешнл.

„Само кога институционалната независност ќе стане реалност, може да се очекува општеството повторно да верува во она што го кажуваат институциите“, заклучува Јанкулов, додавајќи дека се надева дека „врската меѓу институциите и општеството нема да биде целосно прекината“.

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Владата веднаш да ги објави сите исплати – кој и колку пари добил од потрошените 5 милиони евра?

Владата веднаш да го објави записникот од 167. седница и да каже кој и колку пари добил од потрошените 5 милиони евра за прославата на независноста, побара претседателот на СДСМ, Венко Филипче, на денешната прес-конференција.

Филипче: Владата веднаш да ги објави сите исплати – кој и колку пари добил од потрошените 5 милиони евра?

Филипче обjави документи кои потврдуваат дека Мицксоски лажеше кога рече дека „нула денари“ се потрошени за прославата на денот на независноста и кои потврдуваат дека преку АД Лотарија, која е целосно во сопственост на државата, за организирање на прославата биле издвоени 5 милиони евра народни пари.

„Ова што се случи со проектот за прослава на независноста, како и во многу други сценарија и во други случаи, е една голема проневера на пари. Практично арамискиот концепт на владеење на оваа власт“, обвини Филипче.

Филипче потенцираше дека Записникот од 167. седница и Отворениот повик покажуваат дека средствата биле обезбедени преку АД Лотарија.

„Акционерското друштво АД Лотарија, целосно, стопроцентно во сопственост на државата, што значи парите со кои што тоа претпријатие располага се на граѓаните. Зошто беше потребата, премиерот, да лаже, иако тоа е негово однесување, и да кажува дека не се потрошени ниту еден денар народни пари за оваа прослава. Лотарија распишува јавен повик, не класична тендерска постапка, зашто веројатно се прекршува законот за спонзорство, затоа што кажува дека согласно тој закон е правена оваа постапка“, рече Филипче.

Филипче додаде дека не се знае ниту кој одлучувал за распределбата на 5 милиони евра и според кои критериуми била избрана компанијата што го организирала настанот.

„Ниту знаеме кој што одлучувал за 5 милиони евра пари на граѓаните, ниту врз основа на кои критериуми е доделена оваа набавка на компанијата која што го организирала настанот. Зошто парите на граѓаните, зошто дивидендата од Државната лотарија не се намениле за нешто друго? И бараме одговор на тоа прашање“, рече Филипче.

При тоа, само неколку месеци претходно, таа иста компанија добила пари од Државна лотарија за некои други активности. Никој не знае за кои и какви.

„Зошто парите од дивидендата на Државната лотарија не се намениле за исплата на субвенциите на земјоделците? Зошто не се намениле за нешто во здравството? Зошто не се намениле за лековите кои што недостасуваат. Зошто дел барем од парите не се намениле да се зголемат пензиите? Зошто барем дел од парите не се намениле да се зголеми минималната плата?“, рече претседателот на СДСМ.

Филипче побара да се објави кој и колку пари добил за учеството во прославата.

„Не се знае кој и колку од луѓето што учествувале во таа прослава, земале точно пари. Се знае само вкупната сума на пари од 5 милиони евра. Бараме да се каже јавно и гласно. Освен тоа што Владата има обврска, затоа што мора транспарентно да работи, да го објави записникот од владената 167. седница, да каже и кој од тие кои што учествуваат во овој спектакл со народни пари, кој колку пари зема од ексклузивно народните пари, пари на граѓаните од Државната лотарија“, потенцираше претседателлот на СДСМ, Венко Филипче, се наведува во партиското соопштение.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски дрон удри во бензинска пумпа во Киев, повредени три лица (ВИДЕО)

Бензинска пумпа во областа Холосиевски во Киев беше погодена во напад од руски дрон.

Руски дрон удри во бензинска пумпа во Киев, повредени три лица (ВИДЕО)

Во пожарот што следеше, три лица беа повредени, а еден автомобил беше уништен. Градоначалникот на Киев, Виталиј Кличко, го потврди бројот на повредени и додаде дека тие добиваат медицинска помош, пишува Киев Пост.

Напад во областа Холосиевски

Станицата во сопственост на државната нафтена и гасна компанија Укрнафта се наоѓа во близина на трговскиот центар Республика Парк. Пожарникарите брзо го изгаснаа пожарот на станицата и на автомобилот што се запали. Локалните канали објавија видеа од местото на настанот на кои се гледа густ чад. Иако првите информации велеа дека дронот паднал во близина на станицата, подоцнежните снимки укажуваат дека станува збор за директен удар.

Градоначалникот Кличко претходно објави дека службите за итни случаи се испратени на локацијата по пријавите за жртви. „Повикана е брза помош во областа Холосиевски во Киев. Според прелиминарните информации, има жртви. Службите за итни случаи се на пат“, рече Кличко.

Поширок воздушен напад врз Киев

Нападот врз бензинската пумпа беше дел од утринскиот руски напад со беспилотни летала врз Киев и околината. Мониторинг каналите го регистрираа леталото над неколку делови од регионот на Киев и самиот главен град, вклучувајќи ги Бровари, Бориспиљ, Вишњеве, Бојарка, Видубичи, Теремки, Свјатошин, Соломијанскиот округ и северниот дел на Киев.

Локалните канали на Телеграм претходно предупредија дека руските сили би можеле да ги таргетираат цивилните бензински пумпи во главниот град.

Ноќни напади

Според прелиминарните податоци од украинските воздухопловни сили, Русија лансираше вкупно 149 дронови за напад во Украина преку ноќ. Во нападот беа користени беспилотни летала „Шахед“ и „Гербера“ и мамки „Пародија“. Во извештајот на воздухопловните сили се наведува дека украинската воздушна одбрана соборила или неутрализирала 128 авиони до 8 часот наутро.

Извор: Индекс.хр

Тагови: дрон Киев напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Претставен преклопливиот „iPhone“, „Samsung“ со низа коментари

По години исчекување, „Apple“ вчера конечно влезе во светот на преклопливите паметни телефони со „iPhone Duo“ од 1.999 долари.

Претставен преклопливиот „iPhone“, „Samsung“ со низа коментари

Но, прославата не траеше долго без жестоката конкуренција – „Samsung“ веднаш се појави на социјалните медиуми за да се потсмева на доцното пристигнување на „Apple“ на пазарот што производителите на „Android“ го развиваат со години.

Со години, маркетиншката стратегија на „Samsung“ имаше едноставна цел да се потсмева на „iPhone“: „Apple“ немаше преклоплив уред. Секое ново лансирање на „iPhone“ беше можност да се потсети јавноста дека „Galaxy“ веќе нудеше формат што „Apple“ постојано го избегнуваше. Сега кога „Apple“ конечно го има својот преклоплив телефон, „Samsung“ едноставно ја промени тактиката.

Брзиот одговор на „Samsung“

За време на официјалното објавување, „Apple“ го опиша својот „iPhone Duo“ како уред што се чувствува „сосема нов, но неверојатно познат“. Канадската дивизија на „Samsung“ ги користеше токму тие зборови. Објавата што го прикажува „Galaxy Fold“ гласи: „Имитацијата е најискрената форма на ласкање“, а насловот го повторува слоганот на „Apple“.

Со тоа, „Samsung“ не само што вели дека бил прв, туку и го користи наративот на „Apple“ како доказ дека „Apple“ влегува во територија што „Samsung“ веќе добро ја познава.

Американскиот тим на „Samsung“ беше уште подиректен за време на презентацијата на „Apple“. Тие објавија низа пораки на „X“ платформата, една од најпаметните е: „Известете нè кога ќе завршите со загревањето на нашите остатоци“. Следеа и други провокации: „Изгледа многу познато. Дали е ова продолжението на „Sims“?“ и „Досега, сè е по старо“.

Во една од објавите, тие исто така ја нагласија својата технолошка предност: „Нè натеравте да чекаме? Во ред. Ќе бидеме тука преклопувајќи на три“, алудирајќи на напредни концепти додека „Apple“ штотуку влегува на пазарот со својот прв модел.

Тие исто така ја споменаа апликацијата „DuoLingo“: „Извинете, и нас нè копираа!“, алудирајќи на името.

Седум години водство

Одговорот на „Samsung“ се базира на значително водство во сегментот на преклопни уреди. Јужнокорејскиот гигант го лансираше својот прв „Galaxy Fold“ во 2019 година. Во текот на изминатите седум години, брендови како „Samsung“, „Google“ и „Motorola“ претставија повеќе генерации на преклопни телефони, по пат корегирајќи ги почетните недостатоци како што се наборите на екранот, кршливите шарки и прекумерната тежина на уредот.

Што нуди првиот преклопен телефон на „Apple“?

И покрај тоа што е притиснат од конкуренцијата, „Apple“ верува дека неговиот рафиниран влез на пазарот ќе понуди супериорно корисничко искуство. Новиот „iPhone Duo“, со цена од 1.999 долари, има заоблени рабови и се отвора во хоризонтален екран од 7,6 инчи (19 см) кој може да се користи и вертикално.

Кога е преклопен, на предната страна има помал екран. Компанијата тврди дека тоа е нивниот најтенок телефон досега кога е отворен, но сепак е подебел од некои модели на преклоп што ги нудат кинеските конкуренти.

Извор: Индекс.хр

Тагови: iPhone Samsung

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер