Бугарски истражители: Автобусот не превезувал експлозивни средства или хемикалии

Автобусот на „Беса Транс“не превезувал канти со гориво, пиротехнички средства или хемикалии за производство на наркотици – открија во интервју за БТВ бугарскиот обвинител Бисер Михајлов и истражителот Мариан Маринов.

Двајцата посочија дека утврдена е причината за избувнувањето на пожарот, но одбија да ги откријат сите детали пред објавувањето на официјалните извештаи. Сепак, најавија дека очекуваат вештачењата да завршат најрано до крајот на месецот.

-На еден неспорен начин се утврди дека нема никакви траги експлозивни направи и пиротехнички средства. / При разгледувањето на доказите до оваа етапа, нема дури ниту минимални податоци дека такви туби со бензин се пренесувале. По однос на другите информации во други медиуми дека во автобусот имало материјали за производство на наркотици, таа верзија е толку несериозна што не заслужува да биде коментирана. / Експлозивни направи, пиротехнички средства и бензин, категорично ви тврдам дека во автобусот не се пронајдени такви нешта,- Бисер Михајлов – Бугарски обвинител..

Причината за несреќата според Михајлов и Маринов е првичниот удар во десната баника на патот за кој велат дека се уште се утврдува. Но, основната претпоставка е дека тоа е резултат на неприлагодена брзина на условите на пратот, покрај веќе утврдените недостатоци на патот и сообраќајната сигнализација кои според нив иако имале влијание, не биле пресудни за несреќата.

-Автобус од 18 тони нема што да го запре. Деветте столбови кои ја држат банкината се искршени како чкорчиња од кибрит, и банкината влегла внатре, го пробива резервоарот со гориво, кој што е пластичен и можете да си претставите какви искри избиле од триењето.Мариан Маринов – истражител.

Бугарскиот истражител Маринов откри и дека на автобусот кој бил направен во 2007 година му бил направен ремонт во Турција, а во таа прилика речиси цела опрема била променета, со друга која не била фабричка, а за која дополнително ќе се утврдува дали воопшто одговарала и на потребните стандарди.

Ѓоковиќ купил данска фирма која развива лек против Ковид

Новак Ѓокович купил 80 отсто удел во данската компанија „QuantBioRes“, која развива терапија против Ковид-19, потврди генералниот директор на компанијата Инан Лочаревиќ за Ројтерс.

Според данскиот деловен регистар, Јелена и Новак Ѓоковиќ се вистински сопственици на данската компанија од 3 јули 2020 година. Уделот на Јелена во сопственост е 39,2 отсто, а на Новак 40,8 отсто.

Директорот на компанијата Иван Лончаревиќ изјавил дека инвестицијата била реализирана во јули 2020 година, но одбил да каже колкава е нејзината вредност, пишува Ројтерс.

„QuantBioRes“ вработува 11 научници во Данска, Австралија и Словенија, а примарна цел на компанијата е да се развие лек против Ковид, а не вакцина, вели Лончаревиќ.

Компанијата развива пептид што го спречува коронавирусот да ги инфицира човечките клетки и очекува да започне со клинички испитувања во Велика Британија ова лето, вели Лончаревиќ.

Портпаролот на Ѓоковиќ не одговорил на барањето за коментар, пренесува Ројтерс.

Инаку, Ѓоковиќ не е вакциниран против Ковид, а деновиве е депортиран од Австралија и не може да настапи на Австралија Опен, пишува Индекс.хр.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

„Intel“ планира да произведува чипови за рударење на Биткоин

„Intel“ најави дека следната генерација на системи за рударење на Биткоини би можела да се испорачува со „Intel Inside“ налепници.

Компанијата ги најави плановите за тоа дека на нивната претстојна конференција ќе се дискутира за „Bonanza Mine“ чип за рударење на Биткоин.

„Bonanza Mine“ е опишан како ефикасен, „ASIC“ за рударење на Биткоин со ниска потрошувачка, според податоците и документацијата кои се потпишани од страна на тројца претставници на „Intel“.

Засега, програмата не укажува на тоа дали „Intel“ навистина планира да го испорача „Bonanza Mine“ како завршен производ или само како истажувачки проект.

„Intel“ претходно објави планови за блокчеин, како и дека тие нема да вклучваат стандардни процесори или графички карти. Тоа не претставува изненадување, со оглед на тоа дека Биткоин рударењето одмана е преминато на „ASIC“.

„Intel“ нема објавено информации за моќноста за рударање на новиот уред ниту дали ќе биде оптимизиран само за Биткоин.

притисни ентер