Бугарската претстава „Автобус“ ќе го отвори третиот фестивал „Гола месечина“ - Канал 5

Култура

Бугарската претстава „Автобус“ ќе го отвори третиот фестивал „Гола месечина“

Третиот Интернационален фестивал на комедијата „Гола месечина“ вечер во Спортскиот центар Ново Лисиче во општина Аеродром ќе почне со гостување на ансамблот од Сатиричниот театар „Алеко Константинов“ од Софија, кој ќе ја изведе претставата „Автобус“ од Станислав Стратиев во режија на Здравко Митков.

Бугарската претстава „Автобус“ ќе го отвори третиот фестивал „Гола месечина“
- Станува збор за приказна во која деветмина патници патуваат во градски автобус кој одеднаш скршнува од својата рута. Патниците сфаќаат дека никогаш нема да стигнат на посакуваната дестинација. Во својот страв, паника и терор тие се претвораат во агресивна маса, информира Театар Комедија, кој го организира фестивалот заедно со Општина Аеродром и со поддршка на Министерството за култура.

Драмата „Автобус“ е напишана во 1980 година, а авторот Стратиев е еден од најголемите сатиричари на бугарската драма и литература. Улогите во претставата ги играат: Тончо Токмачиев, Александра Сарчаджиева, Мартина Вачкова, Михаил Сарвански, Красимир Куцупаров, Светломир Радев, Петар Ладжев.

На годинашниот фестивал „Гола месечина“ публиката до 29 јуни ќе има можност под отворено небо да проследи уште седум претстави, од домашна продукција, но и од театри од Софија, Ниш, Белград и Сараево. Влезот за сите претстави е бесплатен, а СЦ Ново Лисиче собира до три илјади гледачи.

Според најавената програма, на „Гола месечина“ утревечер ќе гостува Народниот театар Сараево со претставата „Балкански шпион во Сараево“ од Душан Ковачевиќ во режија на Сулејман Кусуповиќ. На 23 јуни ќе настапи НТ „Војдан Чернодрински“ од Прилеп со претставата „Хамлет од Горно Дупени“ од Иво Брешан во режија на Кирил Петрески, а на 24 јуни Белградскиот драмски театар ќе гостува со претставата „Елинг“ од Сајмонт Бент во режија на Марко Манојловиќ.

Народниот театар од Охрид на 26 јуни ќе се претстави на „Гола месечина“ со „Парламентарки“ од Сашо Димоски во режија на Ненад Витанов, а следниот ден Народниот театар од Ниш ќе гостува со претставата „Жорж Данден“ од Молиер во режија на Драгослав Савиќ.

На 28 јуни ќе настапи Театарот за деца и младинци со „Македонска приказна“ во режија на Боњо Лунгов, а фестивалот ќе го затвори театарот-домаќин - „Комедија“ на 29 јуни со изведба на „Нешто пропуштаме“ од Горјан Милошевски во режија на Бојан Трифуновски.

На завршната фестивалска вечер ќе бидат доделени и четири награди - за најдобра режија, машка улога, женска улога и Гран-при за најдобра претстава. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Власта го одби барањето на СДСМ, предлог – законот за јавни набавки да биде повлечен од дневен ред

Предлог законот за јавни набавки попладнево стаса на дневен ред во Собранието, откако владеачкото мнозинство го отрфли предлогот на СДСМ тој да биде повлечен.. 

Власта го одби барањето на СДСМ, предлог – законот за јавни набавки да биде повлечен од дневен ред

Дејан Трајкоски е во Парламентот..

Дејан, откако вчера претседателката Сиљановска стави вето на еден член од предлог законот, мнозинството експресно реагираше...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова разговараше со претседателот на Литванија- претседавач со ЕУ од јануари 2027

Претседателката Гордана Сиљановска-Давкова, на маргините на Парискиот мировен форум 2026, оствари средба со претседателот на Република Литванија, Гитанас Науседа.

Сиљановска-Давкова разговараше со претседателот на Литванија- претседавач со ЕУ од јануари 2027

Taa го поздрави денешното отворање на нашата прва резидентна Амбасада во Вилнус и изрази очекување за продлабочување на македонско-литванската политичка, економска и институционална соработка.

Соговорниците разменија ставови за процесот на проширување на Европската Унија, состојбата во регионот на Западен Балкан, како и за македонските предизвици во пресрет на литванското претседавање со Советот на ЕУ од јануари 2027 година.

Тие се согласија дека реформите и Копенхашките критериуми се клучните параметри за членство во ЕУ на земјите-кандидатки и дека билатералните прашања не треба да бидат пречка во процесот на проширување.

Претседателката посочи дека соседите може да имаат позитивна улога во европската интеграција на регионот, укажувајќи на примерот на скандинавските земји, кои целосно ги поддржаа балтичките држави пред нивното членство во Европската Унија во 2004 година.

Таа го информираше претседателот за македонските преземени чекори на патот кон ЕУ, како и за прашањата со коишто се соочува земјата, од добивањето на кандидатскиот статус во 2005 до денес.

Сиљановска-Давкова истакна дека продолжуваат македонските напори за конструктивен дијалог со соседна Бугарија, но нагласи дека за тоа е неопходно двете страни да пристапат кон процесот со добра волја, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Пред да прогласувате историски победи, почекајте ги стручните ставови на Венецијанската комисија

Движењето ЗНАМ смета дека е несоодветно создавањето политичка еуфорија и прогласувањето историски победи од страна на претставниците на ВРЕДИ.

ЗНАМ: Пред да прогласувате историски победи, почекајте ги стручните ставови на Венецијанската комисија

Движењето ЗНАМ смета дека е несоодветно создавањето политичка еуфорија и прогласувањето историски победи од страна на претставниците на ВРЕДИ, во момент кога Владата всушност ја усвои информацијата за потребата од прибавување стручно мислење од Венецијанската комисија за прашањето на употребата на албанскиот јазик во правосудството.

Усвојувањето на информација за потребата од стручно мислење не значи дека е донесена конечна одлука, ниту дека е направена каква било промена во законската рамка и начинот на функционирање на правосудниот систем.

Напротив, побараното мислење од Венецијанската комисија треба да даде стручна и правна основа за понатамошно постапување, со почитување на Уставот, законите, правната сигурност и европските стандарди.

Прашањата поврзани со употребата на јазиците, особено во правосудството, се премногу сериозни за да бидат предмет на дневнополитички маркетинг, пред да бидат разгледани сите правни аспекти и да бидат добиени релевантните стручни мислења.

Затоа, наместо предвремено прогласување победи и создавање очекувања кај граѓаните, потребни се одговорност, институционален пристап и почитување на правните процедури.

За ЗНАМ, владеењето на правото, уставноста и еднаквоста пред законите не се предмет на политички пазарења, туку темелни принципи врз кои мора да функционира државата.

Центар за комуникации и аналитика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер