Бугарија планира да го намали ДДВ за угостителите од 20 на 9 проценти - Канал 5

Бугарија планира да го намали ДДВ за угостителите од 20 на 9 проценти

Бугарската влада денес предложи намалување на стапката на данокот за додадена вредност (ДДВ) на храната и ресторанските услуги на девет од сегашните 20 проценти, како привремена помош на секторот за време на кризата со корона.

Бугарија планира да го намали ДДВ за угостителите од 20 на 9 проценти

Според нацрт-законот објавен на веб-страницата на парламентот, планираната пониска стапка треба да стапи на сила во јули и да остане во сила до крајот на 2021 година. Мерката се проценува дека ќе ја чини државната каса 255 милиони лева (141 милиони американски долари). Пониската даночна стапка нема да се однесува на пијалоците, на кои рестораните и превозниците ќе продолжат да плаќаат 20 проценти ДДВ.

Во Бугарија, сите производи и услуги, освен хотелите, подлежат на ДДВ од 20 проценти, што е главен извор на приходи во буџетот на таа земја-членка на ЕУ. Данокот за компании и за приход е 10 проценти и е меѓу најниските во ЕУ.

Премиерот Бојко Борисов даде предлог за намалување на ДДВ во вторникот, и покрај забелешките на министрите за финансии и економисти кои веруваат дека овој потег ќе ги охрабри другите сектори да бараат пониски даноци. Борисов одговори дека одлуката е политичка и дека државата мора да им помогне на рестораните и компаниите за испорака на храна со изедначување на стапката на ДДВ со онаа што ја плаќаат хотелите.

Туризмот учествува со околу осум проценти од бруто домашниот производ на Бугарија, потсетува Ројтерс. Премиерот исто така посочи дека пониската стапка на ДДВ е привремена помош што веројатно ќе охрабри многу ресторани да излезат од сивата економија и да плаќаат повеќе даноци.

Во средината на март, владата ги забрани кафулињата, рестораните и баровите, а од почетокот на мај почна постепено да ги олеснува мерките.

Европската комисија очекува бугарската економија да се намали за 7,2 отсто оваа година. Премиерот рече деновиве дека владата ќе има доволно средства за борба против пандемијата на коронавирус, но ќе требаат милијарди за да се покрене економијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си Џинпинг го нарече Путин „стар пријател“ пред средбата со Трамп

Кинескиот претседател Си Џинпинг го нарече рускиот претседател Владимир Путин „стар пријател“ на средбата во Кина, пред Самитот на Азиско-пацифичките лидери.

Си Џинпинг го нарече Путин „стар пријател“ пред средбата со Трамп

Двајцата разговараа за војната во Украина, енергетската соработка и односите со САД. Си се обидува да одржи деликатна рамнотежа меѓу односите со Москва и Вашингтон.

Во четврток, Си и Путин треба да имаат историска трилатерална средба со американскиот претседател Доналд Трамп.

Руските медиуми средбата веќе ја оценуваат како дипломатска победа за Путин. Трамп денеска ќе отпатува за Кина од Филипините, каде присуствуваше на Самитот на Азиско-пацифичкиот регион.Таму се сретна со индискиот премиер Моди, австралискиот премиер Албанезе и јапонската премиерка Такаичи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Собранието ќе ги продолжи прекинатите опозициски пратенички прашања

Собранието на денешната 130.седница ќе продолжи со одржувањето на опозициски прашања, кои беа прекинати на 12 ноември по бараните паузи од пратеници од опозицијата.

Собранието ќе ги продолжи прекинатите опозициски пратенички прашања

Претседателот на собранието, Африм Гаши на брифингот со новинарите во понеделник се осврна на дилемите за прекинатата седница за опозициски пратенички прашања. Потенцира дека постоеле разни толкувања на деловникот во однос на тоа дали паузите треба да се пресметуваат во предвидените два часа за поставување прашања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно со температура до 21 степен

Времето денеска според УХМР ќе биде променливо облачно со повремени локални врнежи од дожд а максималната температура ќе достигне од 17 до 21 степен.

Променливо облачно со температура до 21 степен

Променливо облачно со повремени локални врнежи од дожд. Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 4 до 11, а максималната ќе достигне од 17 до 21 степен.

Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 2, а максималната ќе достигне до 19 степени.

ВРЕМЕТО ВО НАРЕДНИТЕ ДЕНОВИ

Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до петок ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h). Од сабота температурите ќе бидат во опаѓање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер