Брзата храна е опасна за тинејџерките - Канал 5

Здравје

Брзата храна е опасна за тинејџерките

Истражување покажа поврзаност на лошата исхрана во пубертетот со зголемениот ризик од рак на дојка!

Брзата храна е опасна за тинејџерките

Многу истражувања и студии покажаа дека преработената храна е исклучително штетна за човечкото тело. Брзата храна е особено опасна за тинејџерките бидејќи може да предизвика бројни болести како што се дебелина, дијабетес и рак. Како што пишува Њујорк пост, тинејџерките што консумираат брза храна ризикуваат да развијат многу опасен тумор на дојката, бидејќи јадат нездрава храна во периодот кога им растат градите.

- Третманот за рак на дојка е еден од најнапредните и најуспешните протоколи во онкологијата, а наша следна цел е превенција на оваа болест, со што би се унапредило здравјето на жените. Развојот на градите за време на пубертетот создава ранлива временска рамка од неколку години. Секоја повреда од околината вклучително и прекумерно рендгенско снимање на градниот кош како и консумирање на преработена и брза храна можат да го зголеми ризикот од болеста доколку се појави за време на пубертетот - вели д-р Стивен Кеј.

Истражувачите од Медицинскиот факултет во Јужна Каролина открија дека брзата храна има високи концентрации на производи со напредна гликација (AGEs) кои можат да го зголемат ризикот од многу болести кога се јадат во големи количини. Кога шеќерот е во интеракција со протеините или мастите во крвотокот, се формираат AGE соединенија, а нивните зголемени вредности имаат врска со појавата на тумор.

Научниците тестирале храна за глодари на база на глукоза и ја загревале на 120 степени околу 15 мин., создавајќи така производи со широк спектар на AGEs кои претежно ги има во пржената храна или во храната печена на скара. Вака обработената храна истражувачите им ја давале на глувци кои биле на возраст слична на човечкиот пубертет. Глувците биле поделени во три групи: контролна група – хранета со вообичаена храна, втора група глувци - хранети со храна што содржи ниска содржина на AGE и трета група - хранета со исклучително висока концентрација на ова соединение.

Кај групата глувци кои јаделе обработена и пржена храна со висока содржина на AGE, се развиле абнормални промени во клетките и ткивата слични на оние забележани кај пациенти со рак на дојка во рана фаза. Кај луѓето оваа промена се манифестира преку зголемена густина на градите која е видлива само на мамограф.

Сè уште не е познато зошто густото ткиво на дојката се поврзува со ракот, но се верува дека поради густината се создаваат повеќе клетки што може да станат абнормални, а со тоа се зголемува ризикот од тумор на дојка. Овие резултати не покажаа директна врска помеѓу исхраната со висока содржина на AGE и ракот на дојка, но покажаа дека консумирањето на високо преработена храна ја зголемува можноста за зголемена густина на ткивото на дојката што доведува до зголемен ризик од оваа опасна болест.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Оризот скапува по амбарите, Владата на Мицкоски ги остави оризопроизводителите без откуп

Оризопроизводителите се соочуваат со една од најтешките кризи во последните години, како директна последица на погрешните политики на Владата на Христијан Мицкоски.

СДСМ: Оризот скапува по амбарите, Владата на Мицкоски ги остави оризопроизводителите без откуп

Половина од ланското производство сè уште стои по амбарите затоа што нема организиран откуп.

Наместо државата да обезбеди пласман на домашното производство, илјадници тони ориз пропаѓаат, а земјоделците стравуваат дека ќе ги изгубат плодовите од својот труд.

Дополнителен проблем е што Владата на Мицкоски сè уште не кажува каква ќе биде откупната цена за новата реколта, ниту кога ќе бидат исплатени субвенциите.

Земјоделците влегуваат во нова производствена сезона без никаква сигурност и без поддршка од институциите.

Во исто време, најавите за драстично ниска откупна цена не ги покриваат ниту основните трошоци за производство. Со вакви политики, оризопроизводството се турка кон целосен колапс.

Огромни количини ориз остануваат изложени на пропаѓање, што претставува дополнителна економска штета за земјоделците и ризик за целиот регион.

Оризот со децении беше препознатлив македонски производ и значаен извозен потенцијал.

Откупната цена во времето на СДСМ беше над 40 денари е сега не е ниту 20 денари за килограм.

Поради неспособноста на Владата на Мицкоски, производителите ја губат довербата во институциите, а сè повеќе се доведува во прашање опстанокот на ова стратешко производство.

По две години владеење, ВМРО го уништи земјоделство, ги осиромаши и понижи земјоделците.

СДСМ бара Владата итно да обезбеди организиран откуп на заостанатите количини ориз, да ја објави откупната цена за новата реколта, да ги исплати заостанатите субвенции и да преземе конкретни мерки за спас на оризопроизводството пред да биде предоцна.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

СДС секојдневно шири невистини и се обидува да создаде чувство на економска несигурност, но официјалните податоци повторно ги демантираат нивните тврдења.

ВМРО-ДПМНЕ: Македонија е со најниска инфлација во регионот, СДС се обидува да шири паника, но бројките ги демантираат

Бројките и податоците јасно покажуваат дека Македонија има најниска инфлација во регионот. Според најновите податоци на Државниот завод за статистика, годишната инфлација во јуни изнесува 3,4 проценти, а во однос на мај е намалена за 0,5 проценти. Тоа се официјални факти.

Уште поважно, инфлацијата кај храната и безалкохолните пијалаци изнесува само 2,5 проценти, а кај облеката и обувките 2,1 процент. Тоа се категориите што најдиректно влијаат врз семејниот буџет и животниот стандард на граѓаните.

Во исто време, Македонија има најниска инфлација во регионот меѓу земјите кои досега ги објавија податоците за јуни.

Македонија – 3,4%

Словенија – 3,6%

Грција – 3,9%

Хрватска – 4,5%

Бугарија – 5,6%

Турција – 32,1%

Ова се бројки што не можат да се сокријат ниту да се релативизираат.

Додека СДС се обидуваат да градат дневна политика врз измислени кризи и ширење паника, Владата работи со конкретни мерки што даваат резултати.

Намалената инфлација е директен доказ дека економските политики се правилно поставени и дека се води одговорна грижа за стандардот на граѓаните.

Наместо манипулации и лажни сценарија од СДС јавноста заслужува мерки и проекти. А фактите се јасни, Македонија денес има една од најстабилните ценовни политики во регионот и најниска инфлација меѓу соседните земји што ги објавија податоците за јуни.

Владата ќе продолжи со одговорни економски политики, стабилни јавни финансии и мерки што носат резултати, без разлика на обидите тие резултати да бидат оспорени од оние што немаат што да понудат освен дезинформации.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвопролевање на фестивал во Торонто: Пукање меѓу 13.000 луѓе (ВИДЕО)

Шест лица беа пронајдени со прострелни рани, а две лица починаа на местото на настанот по пукањето на фестивалот во Торонто.

Крвопролевање на фестивал во Торонто: Пукање меѓу 13.000 луѓе (ВИДЕО)

Полицијата во канадскиот град доби пријава за активен стрелец на салса фестивалот кратко по 20 часот по локално време во саботата.

Полицијата соопшти дека имало размена на оган меѓу две лица, а на местото на настанот биле пронајдени две огнени оружја.

Не се извршени апсења, а потрагата е во тек.

Заменик-шефот на полицијата во Торонто, Франциско Баредо, ја опиша сцената како „многу хаотична“. Тој рече дека околу 13.000 луѓе биле на фестивалот кога се случило пукањето.

Канадскиот премиер Марк Карни рече дека е „вџашен“ од смртоносното пукање.

Тој се помоли за „семејствата кои тагуваат по своите најблиски, оние кои се во критична состојба и сите оние кои се погодени од овој ужасен настан“.

Тагови: пукање Торонто

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер