Олимпискиот дух во училиштето: МОК го одбележа Светскиот ден на детето со учениците од ООУ „Владо Тасевски“
Клековски во посета на ОБ Кочани: Со поддршака на Амбасадата на Полска обезбедена нова медицинска опрема
1Олимпискиот дух во училиштето: МОК го одбележа Светскиот ден на детето со учениците од ООУ „Владо Тасевски“
2Клековски во посета на ОБ Кочани: Со поддршака на Амбасадата на Полска обезбедена нова медицинска опрема
3Началникот на Генералштабот на Армијата учествуваше на 14. состанок на земјите членки на Иницијативата за соработка во одбраната
НБАБрутална тепачка на НБА натпревар- едвај го совладаа огромниот навивач (ВИДЕО)Ноќта помеѓу среда и четврток, Голден Стејт Вориорс ги победија Милвоки Бакс со 120:113, а самиот натпревар остана во сенка на тепачка на трибините.Имено, за време на натпреварот на НБА, на трибините се случи конфликт, а еден од навивачите во дресот на домашниот тим ја водеше целата тепачка. На социјалните мрежи се појави видео од тепачката. Човекот во дресот на Вориорс не се откажа и со серија тупаници и удари го принуди својот ривал да се брани со рацете над главата. Луѓето на трибините се обидоа да реагираат и да ги разделат, но на почетокот беа неуспешни, а потоа неколкумина од нив успеаја да го соборат напаѓачот. Потоа реагираше обезбедувањето, а навивачот беше исфрлен од салата. They’re throwing hands at Chase Center tonight pic.twitter.com/ffTxLGr8Gw — warriorsworld (@warriorsworld) January 8, 2026 Зборувајќи за самиот натпревар, Стеф Кари ги предводеше Голден Стејт Вориорс со 31 поен, шест скока и седум асистенции, а клучниот момент беше неговиот шут „чекор назад“ за +9 на крајот од натпреварот против Милвоки Бакс (120:113) во Чејс Центар. Кари го изведе својот препознатлив гест „Темна ноќ“ по шутот. Со оваа победа, Вориорс ја постигнаа својата најдолга домашна серија во сезоната со 12-5 на домашен терен. Јанис Антетокумпо беше најефикасен во редовите на Бакс со 34 поени, заедно со 10 скока и пет асистенции, но се мачеше со слободните фрлања (2/7), што не беше доволно за да го спречи неговиот тим да изгуби.Тагови: НБА тепачка Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаОлимпискиот дух во училиштето: МОК го одбележа Светскиот ден на детето со учениците од ООУ „Владо Тасевски“Македонскиот олимписки комитет (МОК), во соработка со ООУ „Владо Тасевски“ од општина Карпош, денеска го одбележа Светскиот ден на детето со програма посветена на играта, дружењето и олимписките вредности.По тој повод, претседателот на МОК, Даниел Димевски и Петар Спасеновски, раководител на Секторот за спорт и спортски прашања при МОК, ги посетија учениците, кои им приредија пречек пред училиштето. Средбата беше одбележана и со симболична размена на подароци меѓу Димевски и директорот на училиштето. Во свечениот дел беа претставени ликовната изложба „Олимписки вредности низ очите на децата“ и расказ на тема спорт, олимпизам, етика и фер-плеј, кој го прочитаа ученици. Преку интерактивен дел, учениците се запознаа со олимписките вредности – пријателство, почит и извонредност. Спортските активности свечено беа отворени со пуштање балони во олимписките бои. „Олимпизмот не е само за врвни спортисти што се натпреваруваат пред целиот свет. Олимпизмот е начин на живот“, порача претседателот Димевски пред учениците. Тој ги потсети дека вистинската вредност е во трудот, упорноста и желбата да бидеме подобри од денес, а не од другите.„Не ме интересира кој ќе победи, туку кој ќе ужива, кој ќе му помогне на другарот и кој ќе покаже фер-плеј“, додаде Димевски. Потоа следеа спортски натпревари – одбојка во мешани екипи од 6. до 9. одделение и мини-турнир во фудбал, додека помладите ученици учествуваа во штафетни трки и други спортски игри. МОК му донираше на училиштето спортска опрема – топки за фудбал, кошарка и одбојка. Со ваквите активности, МОК ги доближува олимписките вредности до најмладите и го поттикнува спортот како дел од секојдневниот живот на децата.Тагови: МОК Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаКлековски во посета на ОБ Кочани: Со поддршака на Амбасадата на Полска обезбедена нова медицинска опремаМинистерот за здравство, Сашо Клековски, денеска ја посети Општа болница во Кочани, по повод донацијата на „Polish Aid“, реализирана преку Амбасадата на Република Полска.Станува збор за медицинска опрема наменета за оперативната сала, во вкупна вредност од 47 илјади евра, како што се: најсовремен операционен стол, компатибилен хистероскоп, операционо светло и друга хируршка опрема. Од болницата информираат дека благодарение на новата опрема, во текот на вчерашниот ден биле извршени три операции. Покрај ова, во ОБ Кочани се реализираат и други активности за унапредување на здравствената инфраструктура и услугите. Набавен е нов дигитален рендген-апарат, чија инсталација се очекува во наредниот период, а за одделот за физикална терапија е обезбедена современа медицинска опрема. Исто така, на гинеколошко-акушерскиот оддел, со новите гинеколози е забележан значаен пораст на бројот на породувања. Дополнително, службата за итна медицинска помош е зајакната со две нови амбулантни возила. -Модернизацијата на ОБ Кочани ќе ја анализираме заедно со Клиничката болница Штип. Источниот регион треба да се планира како целина – што се развива во Кочани, што во Штип и како двете болници меѓусебно се надополнуваат, наместо да се планира болница по болница, истакна министерот Клековски. Министерот изрази благодарност до „Polish Aid“ и Амбасадата на Република Полска за поддршката, како и до Општина Кочани и целиот тим на Општата болница Кочани за нивната посветеност и ангажман во унапредувањето на здравствената заштита, соопштуваат од МЗ.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаНачалникот на Генералштабот на Армијата учествуваше на 14. состанок на земјите членки на Иницијативата за соработка во одбранатаНачалникот на Генералштабот на Армијата, генерал-мајор Сашко Лафчиски, денес, учествуваше на 14. состанок на началниците на Генералштабовите на земјите членки на Иницијативата за соработка во одбраната – DECI (Defence Cooperation Initiative).Началникот на Генералштабот на Армијата, генерал-мајор Сашко Лафчиски, денес, учествуваше на 14. состанок на началниците на Генералштабовите на земјите членки на Иницијативата за соработка во одбраната – DECI (Defence Cooperation Initiative), кој се одржа во Тирана, Република Албанија. На состанокот, покрај началниците на Генералштабовите на земјите учеснички, присуствуваа и високи воени претставници на НАТО и Европската Унија, меѓу кои заменик-командантот на Здружената команда на НАТО во Неапол, командантот на мултинационалните копнени сили, командантот на КФОР и командантот на ЕУФОР. Состанокот беше посветен на актуелните безбедносни предизвици, продлабочувањето на регионалната одбранбена соработка, унапредувањето на интероперабилноста и зајакнувањето на заедничките одбранбени капацитети. Во воведното обраќање, генералот Лафчиски ја истакна важноста на зајакнувањето на одбранбената соработка, интероперабилноста и регионалната безбедност, нагласувајќи дека иницијативата DECI и италијанскиот концепт ITA-FNC создаваат значајни можности за продлабочување на партнерството, развој на одбранбените способности, обуката и оперативната подготвеност во рамки на НАТО и Европската Унија, во интерес на стабилноста и безбедноста на регионот. Во продолжение на состанокот, генералот Лафчиски се обрати на панел-дискусиите посветени на регионалната безбедност и стабилност, воената соработка, како и улогата и вклученоста на DECI во меѓународните организации. Преку своите излагања, тој ги сподели согледувањата за значењето на регионалното партнерство, заедничкиот пристап кон безбедносните предизвици и унапредувањето на одбранбената соработка. Притоа, ја нагласи важноста на координираните активности, меѓусебната доверба и заедничкиот придонес на земјите учеснички кон регионалната стабилност и колективната безбедност. На состанокот беа разгледани и насоките за понатамошно унапредување на соработката и реализација на идните активности во рамки на иницијативата DECI, со цел продлабочување на партнерството и заеднички придонес во справувањето со современите безбедносни предизвици. Учеството на началникот на Генералштабот на Армијата на овој состанок ја потврдува активната улога на Армијата во регионалните иницијативи и посветеноста на нашата држава кон развојот на партнерските односи, зајакнувањето на одбранбените способности и колективната безбедност. Иницијативата DECI, на која се приклучивме во 2023 година, е формирана во 2012 година под покровителство на Италија, претставува регионален механизам за одбранбена соработка меѓу земјите од Јадранскиот и Балканскиот регион, насочен кон развој на партнерството, размена на искуства и унапредување на заедничките одбранбени капацитети. Канцеларија за воени односи со јавноста Генералштаб на АрмијатаКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08Кривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:08
Нови пријави за сексуално насилство врз деца: Дали казните и законските рокови ги штитат жртвите?15:08
На бебе му бил повреден прст на Гинекологија при вадење инфузија – ГАК отвора дисциплинска постапка15:08