Бројот на жртви во железничката несреќа во Шпанија порасна на 40, прогласена тридневна жалост - Канал 5

Европа

Бројот на жртви во железничката несреќа во Шпанија порасна на 40, прогласена тридневна жалост

Во Шпанија денеска е прогласена тридневна жалост додека спасувачите продолжуваат да ги пребаруваат уништените вагони за да ги пронајдат жртвите по судирот на возови во кој загинаа најмалку 40 лица, а десетици се повредени.

Бројот на жртви во железничката несреќа во Шпанија порасна на 40, прогласена тридневна жалост

Според последните информации, бројот на жртви во железничката несреќа во Адамуз во Кордоба се зголеми на 40, додека 41 лице е хоспитализирано, од кои 12 се на интензивна нега, соопштија андалузиските служби за итни случаи.

Полицијата соопшти дека отворила неколку канцеларии каде луѓето можат да поднесат пријави и „да предадат примероци од ДНК за идентификација на жртвите“, пренесува Гардијан.

Шпанскиот премиер Педро Санчез, говорејќи од местото на несреќата, најави дека ќе биде прогласена тридневна жалост. Тој гарантираше дека владата ќе ги објави информациите штом бидат познати деталите за несреќата.

Речиси 500 луѓе патувале во двата воза кои учествувале во несреќата, пренесе Ел Паис. Во возот на линијата Малага-Мадрид имало 294 луѓе, додека во возот кој одел од Мадрид за Уелва се наоѓале 184 патници.

Шпанскиот министер за сообраќај Оскар Пуенте рече дека линијата Мадрид-Андалузија веројатно повторно ќе биде отворена на 2 февруари. Кога станува збор за можноста дека причина за излетувањето на возот од шините е дефект на пругата, министерот кажа дека мора да се утврди дали тоа е причината или последицата. Пуенте објасни дека шините на пругата каде што се случи несреќата во Адамуз не пукнале само на една делница, туку на неколку места, долж делница на пругата долга 200 или 300 метри. Тој укажа дека се уште не се знае дали тоа е причината или последицата од несреќата.

Министерот напомена дека ова е прва голема несреќа на брзите пруги, со исклучок на судирот во Галиција. Исто така прецизираше дека 20 минути пред несреќата, три други воза поминале низ таа делница на пругата без инциденти.

Италијанската компанија Ирио соопшти дека нивниот воз, кој учествувал во несреќата, поминал последен преглед четири дена претходно.

Околу 40 припадници на Единицата за вонредни ситуации (УМЕ) работат на местото на несреќата во Адамуз, наведоа извори од шпанското Министерство за одбрана.

Тагови: воз Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Шпанија испраќа војници за да ја зајакне безбедноста, откако илјадници мигранти вчера допливаа од Мароко

Шпанија испраќа војници за да ја зајакне безбедноста во својата северноафриканска енклава Сеута, откако илјадници мигранти вчера допливаа од Мароко.

Видео: Шпанија испраќа војници за да ја зајакне безбедноста, откако илјадници мигранти вчера допливаа од Мароко

Најмалку 15 лица се удавија додека се обидуваа да стигнат до Сеута. Локалните власти апелираа до Мадрид за помош по неодамнешното зголемување на обидите за преминување на мигрантите, но вчера имаше хаотични сцени бидејќи граничните контроли не можеа да ги запрат.

Врховниот суд на Шпанија,овој месец пресуди дека мигрантите запрени на море додека се обидуваат да стигнат до Сеута или Мелиља, друга шпанска енклава, не можат по брза постапка да бидат вратени во Мароко.

Шпанското министерство за внатрешни работи ги обвини мрежите за трговија со луѓе дека го искористуваат тоа за „поттикнување на протокот на мигранти“.

Тагови: Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Софија работните групи постигнале согласност за изградба на прекуграничкиот железнички тунел на коридор 8

Во Софија вчера се одржал првиот состанок на работната група на Македонија и Бугарија, посветен на подготовка и реализација на изградбата на заедничкиот прекуграничен железнички тунел на коридор 8.

Во Софија работните групи постигнале согласност за изградба на прекуграничкиот железнички тунел на коридор 8

Во согласност со усвоените заклучоци, беше договорено следниот состанок на заедничката работна група да се одржи во Скопје, каде што ќе биде направен преглед на реализацијата на договорените активности и ќе се утврдат наредните чекори за реализација на проектот, соопштија од минситерството за транспорт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со температура до 39 степени

Според Управата за хидрометеоролошки работи времето денес ќе биде сончево и топло со мала локална облачност. 

Сончево и топло со температура до 39 степени

Ќе дува слаб до умерен ветер од североисточен правец. Минималната температура ќе биде во интервал од 12 до 20, а максималната ќе достигне од 32 до 39 степени.

Во Скопје, сончево и топло со слаб до умерен ветер од променлив правец. Минималната температура ќе се спушти до 18, а максималната ќе достигне до 36 степени.

ВРЕМЕТО ВО НАРЕДНИТЕ ДЕНОВИ

Под влијание на топол бран до крајот на следната седмица времето ќе биде сончево и многу топло. Особено топло ќе биде од среда кога наместа дневната температура ќе биде над 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер