Живот

Бројот на собата во хотелот може да ви го расипе одморот – Еве што треба да избегнувате

Бројот на собата во хотелот е клучен фактор за мирен и опуштен престој. За да ја избегнете вревата и да си обезбедите мирен одмор, стручните лица советуваат добро да размислите за положбата на својата соба, пишува New York Post.

Кои броеви на соби треба да ги избегнувате?

Според туристичките експерти, патниците кои бараат мир и тишина треба да избегнуваат соби со броеви што завршуваат на -01 или -02. Причината е едноставна: Овие соби често се наоѓаат во близина на лифтови, скали, простории за персоналот, машини за мраз и други прометни делови од ходникот.

Сепак, ова правило не е универзално. Во зависност од распоредот на хотелот, собите со овие броеви понекогаш може да бидат и најоддалечени од бучните места. Исто така, вреди да се има предвид дека различните броеви на собите можат да означуваат и различни типови кревети, поглед или други погодности.

Совети за избор на тивка соба

За среќа, постојат неколку чекори што може да ги преземете за да бидете сигурни дека ќе ја добиете собата што ја сакате. Најлесниот начин е однапред да се јавите во хотелот и да побарате да бидете сместени во најтивкиот дел од зградата. Персоналот честопати со задоволство ќе ви излезе во пресрет.

Доколку доделената соба по пристигнувањето не ви одговара, не двоумете се на рецепција учтиво да побарате промена. Исто така, како општо правило, собите на повисоките катови се потивки бидејќи се оддалечени од бучавата во лобито, рестораните и улицата.

Денес, многу хотели нудат можност за мобилна пријава преку нивните апликации. Ова ви овозможува да го видите бројот и локацијата на вашата соба пред да пристигнете, за да можете да се подготвите однапред и да побарате промена доколку е потребно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.