Бројот на случаи на сифилис во Франција во последните две години пораснал за 110% - Канал 5

Здравје

Бројот на случаи на сифилис во Франција во последните две години пораснал за 110%

Според извештајот на францускиот центар за јавно здравје Santé Publique, меѓу 2020 и 2022 година, бројот на случаи на сексуално преносливи бактериски инфекции (кламидија, гонореја и сифилис) значително се зголемил, пренесува France24.

Бројот на случаи на сифилис во Франција во последните две години пораснал за 110%

Кламидија останува најчеста сексуално пренослива болест во Франција, но инциденцата на сифилис се зголемила за 110% меѓу 100.000 анкетирани.

Сифилисот се појавил во средниот век и речиси исчезнал во втората половина на 20 век, но во последниве години повторно се појавил во повеќето западни земји, особено во САД. Во САД, инциденцата на сифилис сега е највисока од 1950-тите. Во 2022 година, во САД биле дијагностицирани 207.000 случаи на сифилис.

Лекарите сметаат дека виновникот е немањето заштита. „Луѓето се заштитуваат сѐ помалку и помалку, делумно затоа што веќе не се плашат од СИДА, а делумно затоа што напредокот во науката значи дека сега можете да живеете нормален живот дури и ако имате ХИВ“, рече Пјер Татевин, шеф на одделот за заразни болести во Универзитетската болница во Рен.

Пред неколку години беше синтетизиран лек кој ја спречува инфекцијата со ХИВ. Стана многу популарен, особено меѓу бисексуалците и геј мажите. Таблетите од лекот во Франција се нудат во болниците на секој што вели дека сменил најмалку 10 партнери за една година, без разлика дали користи заштита или не.

Доктор Татевин смета дека зголемувањето на сексуално преносливите болести е предизвикано и од апликациите за запознавање, преку кои е релативно лесно да се најде партнер. Повеќе од 90% од пациентите со сифилис се мажи, главно постари од 50 години. Кламидијата погодува повеќе жени, најмногу на возраст од 15 до 25 години.

Во последните 150 години стравот од сифилис исчезнал бидејќи постојат антибиотици кои можат да го излечат. Сепак, сифилисот е многу опасна болест која може да го оштети срцето, мозокот и видот и може да предизвика глувост и парализа. Инфекцијата за време на бременоста може да предизвика спонтан абортус, пишува France24.

Лекарите сметаат дека најдобар начин за борба против сексуално преносливите болести е редовно користење заштита и отворање што е можно повеќе бесплатни центри каде граѓаните ќе можат да се тестираат за сексуално преносливи болести. Важно е да се информираат граѓаните, но важна е и личната одговорност, пишува France24.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма на германски аеродром: Откриена дупка во оградата – некои летови откажани

Безбедносната ограда е пробиена на аеродромот во Лајпциг преку ноќ, а полицијата верува дека непознат автомобил влегол на аеродромскиот терен покрај руските товарни авиони „Антонов“ паркирани таму.

Драма на германски аеродром: Откриена дупка во оградата – некои летови откажани

Дупката во оградата е откриена околу 23 часот во саботата, соопшти полицијата, а портпаролката на полицијата Тереза ​​Леверенц изјави дека летовите на северната страна од аеродромот се откажани по инцидентот, објави „Билд“, забележувајќи дека бројни товарни авиони на „Амазон“ морале да слетаат на јужната писта на аеродромот во Лајпциг.

„Многу е веројатно дека возило ја пробило оградата. Сепак, за време на пребарувањето на областа преку ноќ, ниту возилото ниту неовластени лица не се пронајдени во аеродромскиот простор. Пребарувањето ќе продолжи денес, а северната писта останува затворена за воздушен сообраќај“, рече Леверенц.

Во август, истражителите открија дрон натоварен со експлозив во близина на аеродромската писта, настан за кој германските власти подоцна ја обвинија Русија, објави „Ројтерс“.

Русија ги негираше обвинувањата.

Фото: ВИ

Тагови: аеродром Германија драма

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода 18 годишен кумановец, при претрес во дом пронајдено оружје, следува пријава

На 17.10.2026 во 19:15 часот полициски службеници од СВР Куманово го лишија од слобода Р.Д. (18) од Куманово. 

Лишен од слобода 18 годишен кумановец, при претрес во дом пронајдено оружје, следува пријава

При претрес во неговиот дом извршен по судска наредба биле пронајдени автоматска пушка, рамки од автоматска пушка со 44 куршуми, испукана чаура, рачно изработена направа поврзана со тајмер и батерија. По целосно документирање на случајот против него ќе следува соодветна пријава.

Тагови: оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем пожар во канадска воена база: Има загинати (ВИДЕО)

Голем пожар во воена база во канадскиот град Вејнрајт уби непознат број луѓе, објави денес локалната општинска власт во тој град.

Голем пожар во канадска воена база: Има загинати (ВИДЕО)

Беше објавено дека пожарот е предизвикан од „сериозен инцидент“, а надлежните служби сè уште работат на локализирање на пожарот, објавува „CNN“.

Пожарот започнал во базата во Вејнрајт, град во источниот дел на покраината Алберта, и брзо се проширил поради силните ветрови, соопшти општината во објава на Фејсбук.

Повикот за помош дошол околу 16:00 часот, соопшти Кралската канадска коњичка полиција во Вејнрајт, а канадскиот министер за одбрана Дејвид Мекгинти потврди дека има и смртни случаи и повредени, без да даде детали.

„Пожарот на терен сè уште не е изгаснат и наскоро ќе биде покрената истрага“, додаде тој.

Канадската воена база Вејнрајт, која се наоѓа околу 210 километри југоисточно од главниот град на покраината Едмонтон, е една од најпрометните воени бази во земјата, наведено е на веб-страницата на владата.

Болниците преполни

Лекар во болница во градот Едмонтон, кој се наоѓа 180 километри северозападно од Вејнрајт, изјави за канадскиот национален јавен сервис дека пациентите се носат во болниците низ градот бидејќи здравствените установи во градот се „целосно преоптоварени“ со бројот на луѓе на кои им е потребна нега, објави Скај њуз.

„Овој број на пациенти би го преоптоварил градот Едмонтон“, изјави за „CBC News“ д-р Ворен Тирск, лекар од итна помош во болницата Ројал Александра.

„Ова е повеќе пациенти отколку што би сакал да изброи кој било од нас во овој момент. Тоа е катастрофа. Ова е катастрофа што се случува еднаш на секои 15 до 25 години.“

Тагови: канада пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер