Бројот на милијардери во светот би можел да достигне 4.000 во наредните пет години - Канал 5

Живот

Бројот на милијардери во светот би можел да достигне 4.000 во наредните пет години

 Бројот на милијардери во светот би можел да се приближи до бројката од 4.000 до 2031 година, покажуваат податоците на консултантската куќа за недвижности „Knight Frank“, додека најбогатите забрзано го зголемуваат своето богатство.

Бројот на милијардери во светот би можел да достигне 4.000 во наредните пет години

Според анализата на „Knight Frank“, моментално во светот има 3.110 милијардери, а се очекува нивниот број да порасне за 25 отсто во наредните пет години, достигнувајќи 3.915, пренесува „Гардијан“.

Брзо расте и бројот на лица чиј имот вреди најмалку 30 милиони долари. Нивниот број пораснал од 162.191 во 2021 година на 713.626 денес, што претставува зголемување од над 300 отсто.

Лијам Бејли, директор за истражување во компанијата, изјави дека профитите од технолошкиот сектор, особено во областа на вештачката интелигенција, дополнително го забрзале акумулирањето на богатството.

Истражувањето покажува дека бројот на милијардери најбрзо ќе расте во Саудиска Арабија, каде би можел повеќе од двојно да се зголеми – од 23 во 2026 година на 65 во 2031 година. Сличен тренд на двоен раст се очекува и во Полска (од 13 на 29), додека во Шведска се предвидува раст од 81 отсто.

Истовремено, јазот меѓу најбогатите и најсиромашните продолжува да се продлабочува.

Минатогодишниот извештај за глобална нееднаквост покажа дека помалку од 60.000 луѓе (0,001 отсто од светската популација) контролираат трипати повеќе богатство отколку целата најсиромашна половина на човештвото.

Тагови: милијардери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во посета на ООУ „Љубен Лапе“ во Аеродром

Денес во 10:00 часот претседателот на Владата на Република Македонија, Христијан Мицкоски ќе присуствува на промоција на печатени учебници во ООУ „Љубен Лапе“ во Општина Аеродром.

Мицкоски во посета на ООУ „Љубен Лапе“ во Аеродром

Предвидено е тој да даде изјава за медиумите.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Граѓанската иницијатива „Стоп за Усје“ во 18 часот пред собрание повикува на марш за чист воздух

Граѓанската иницијатива „Стоп за Усје“ попладнево повикува на марш за чист воздух и прекин на практиката на толерирање на застарени гранични вредности за воздухот.

Граѓанската иницијатива „Стоп за Усје“ во 18 часот пред собрание повикува на марш за чист воздух

Маршот ќе почне од собранието во 18 часот, а ќе заврши пред министерството за животна средина кое е задолжено за издавање на а-интергрираните дозволи. Според „Стоп за Усје“, цементарница Усје бара обнова на дозволата за работа без никакви промени во однос на дозволата од 2020 година. Министерот за животна средина Муамет Хоџа неодамна во телевизиско гостување демантираше дека цементарница Усје ќе добие дозвола по старите правила. Усје уште сега ќе ги имплементира најновите и построги еколошки стандарди, иако новиот закон за индустриски емисии стапува на сила дури во септември 2027 година. Истото ќе важи за сите оператори кои поседуваат а интегрирана еколошка дозвола, изјави Хоџа.

Тагови: Усје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова постхумно ќе ја одликува Наде Проева со Орден „8 Септември“

Претседателката Гордана Сиљановска-Давкова денес– 23 јуни 2026 година, вторник, на свечена церемонија со почеток во 12:00 часот постхумно ќе ја одликува Наде Проева со Орден „8 Септември“.

Сиљановска-Давкова постхумно ќе ја одликува Наде Проева со Орден „8 Септември“

Проева се одликува за нејзиниот особен придонес во афирмирањето на македонската историографија како врвна и светски призната историчарка, професорка и авторка.

Орденот ќе ѝ биде врачен на Павлина Проевска, сестра на Наде Проева.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер