Брод потона на еден од најопасните миграциски патишта во Јемен, најмалку 68 мртви - Канал 5

Свет

Брод потона на еден од најопасните миграциски патишта во Јемен, најмалку 68 мртви

Најмалку 68 мигранти ги загубија животите кога брод со околу 150 луѓе потона покрај брегот на Јемен вчера поради лошо време, а 74 други се водат како исчезнати, соопштија здравствените власти.

Брод потона на еден од најопасните миграциски патишта во Јемен, најмалку 68 мртви

-Брод со 154 етиопски мигранти потона рано наутро вчера покрај брегот на јужната јеменска покраина Абјан, изјави Абдусатор Есоев, раководител на Меѓународната организација за миграција во Јемен.

Тој додаде дека телата на 54 мигранти биле исфрлени на брегот во округот Канфар, додека уште 14 тела се пронајдени и однесени во болничка мртовечница во Зинџибар, главниот град на покраината Абјан на јужниот брег на Јемен.

Есоев рече дека само 12 мигранти го преживеале бродоломот, додека останатите се водат како исчезнати и се претпоставува дека се мртви.

Двајца здравствени работници потврдија дека потрагата по преживеани сè уште е во тек.

Меѓународната организација за миграција наведува дека Јемен продолжува да бележи значително зголемување на бројот на нерегуларни мигранти кои пристигнуваат од Африка.

Секоја година, мигрантите го преминуваат теснецот Баб ал-Мандаб, кој ги дели Џибути и Еритреја од Јемен, честопати на небезбедни и преполни бродови, надевајќи се дека ќе стигнат до Саудиска Арабија и други земји од Заливот, надевајќи се на работа.

Меѓународната организација за миграција го опишува споменатиот пат како „еден од најпрометните и најопасните мешани мигрантски рути во светот“.

Според нивните податоци, повеќе од 60.000 мигранти пристигнале во Јемен минатата година.

Тагови: мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Трета економија во Европа, а задолжување секоја недела

Мицкоски ќе ја задолжи земјата со 4 милијарди евра за две години.

СДСМ: Трета економија во Европа, а задолжување секоја недела

Мицкоски може да продолжи со своите бајки за трета економија и да кажува што сака.

Само што ситуацијата не е за смеење - туку за плачење.

Внуците ќе ги враќаат кредитите на Мицкоски. Со генереации.

4 милијарди евра во криминални партиски тендери за 2 години.

Оваа Организирана криминална група нема граници.

Додека премиерот се фали со раст и „трета економија“, реалноста е сосема друга:

• Ново задолжување од 1,3 милијарди евра.

• Вкупно околу 4 милијарди нов долг за само две години.

• Јавниот долг се движи кон 12 милијарди евра – над 65 % од БДП.

• Каматите скокнаа на 350 милиони евра годишно (од околу 120 милиони претходно).

• Буџетот е празен, а парите одат во тендери.

• Потошувачката кошничка се покачи за 10.000 денари за две години и сега е 90.000 денари со кирија.

• Цените се покачени до плафон.

Мицкоски може да се смее колку сака на своите бројки.

Статистиката не ги полни фрижидерите. Граѓаните најдобро ја гледаат во своите празни паричници.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Американските специјални претставници Стив Виткоф и Џаред Кушнер разговараа  во Киев за начините за завршување на војната во Украина. 

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Подоцна им се придружија и некои европски советници за национална безбедност, вклучувајќи го и советникот за национална безбедност на Велика Британија, Џонатан Пауел пренесува Би-Би-Си. Но според медиумот фундаменталните разлики остануваат. Американските претставници дојдоа брзо од Москва, каде што Владимир Путин им кажа дека Русија прави „опиплив напредок“ на бојното поле. Приказната што ја слушнаа од Украина беше поинаква, всушност спротивна. Украинските власти тврдат дека во август добиле повеќе територија отколку што изгубиле, а Русија претрпе 42.000 жртви, мртви или ранети. Путин, исто така, им кажа на американските претставници дека мора да се решат корените на конфликтот, неговите стратешки барања украина да отстапи територија, да се откаже од надежите за приклучување кон нато и да ја намали големината на својата армија.по разговорите, Зеленски инсистираше дека Украина ќе бара „силни и јасни“ безбедносни гаранции, вклучително и силна армија тој не даде никакви знаци дека е подготвен да се откаже од која било територија во источниот регион донбас, прашање што го опиша како „тешко“. Виткоф инсистираше дека е постигнат напредок и дека постојат состојки за спогодба. Но, тој призна дека обете страни ќе мора да направат компромиси за да ги намалат разликите меѓу нив. И во моментов, тешко е да се замисли дека која било од страните ќе го стори тоа. Значи, засега, очекувањето во киев е дека борбите ќе продолжат и дека ќе се соочат со тешка зима.

Тагови: Виткоф и Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма во Мајами: Се урна товарен авион, има мртви (ВИДЕО)

Најмалку пет лица загинаа денес кога товарен авион на Амазон излетал од пистата на меѓународниот аеродром во Мајами во САД, удирајќи во неколку возила, соопштија официјални лица.

Драма во Мајами: Се урна товарен авион, има мртви (ВИДЕО)

Неколку лица се однесени и во болници со непознати повреди, соопшти канцеларијата на шерифот на округот Мајами-Дејд, пренесува „NBC“.

Според американската Федерална администрација за воздухопловство (FAA), повеќе од 60 пожарникари од округот Мајами-Дејд реагирале на местото на несреќата.

Пожарникарите се обидуваат да го изгаснат пожарот што избувнал по падот на Боингот 767-300, а надлежната служба потврди дека имало „повеќе повредени“ во овој инцидент, пренесе американската телевизиска станица.

Како што е додадено во соопштението на „FAA“, авионот продолжил да се движи надвор од пистата околу 14 часот по локално време, откако долетал во Флорида од Сан Хуан, Порторико.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер