Брод погоден во близина на главната инсталација за течен гас на Катар - Канал 5

Свет

Брод погоден во близина на главната инсталација за течен гас на Катар

 Центарот за поморски трговски операции на Обединетото Кралство (UKMTO) рано утрово соопшти дека примил извештај за брод погоден во близина на Рас Лафан, главниот комплекс за течен гас на Катар.

Брод погоден во близина на главната инсталација за течен гас на Катар

До Поморската информативна служба што е во надлежност на британската Кралска морнарица, пристигнала пријава за брод „погоден од непознат проектил“ на околу четири наутички милји (7,5 километри) источно од Рас Лафан.

„Сите членови на екипажот се безбедни и во добра состојба“, се наведува во соопштението од Службата без да се дадат дополнителни детали инцидентот.

Претходно катарските власти соопштија дека истата индустриска зона била цел на „балистички ракети“ од Иран, при што била предизвикана материјална штета и избувнал пожар. Министерството за внатрешни работи подоцна информираше дека сите пожари во зоната Рас Лафан се ставени под контрола.

„Операциите за ладење и обезбедување на објектите се уште се во тек, додека Единицата за експлозиви на Внатрешните безбедносни сили (Лехвија) ги извршува своите задачи за справување со евентуално опасни материјали“, се додава во соопштението.

Рас Лафан зоната била цел на напади и вчера вечерта.

Катар е трета земја во светот според резервите и е еден од водечките извозници на течен природен гас.

Ваквите инфомрации за напади доаѓаат во услови кога растат цените на нафтата и гасот, откако Иран го ограничи поморскиот сообраќај низ Ормускиот теснец што е стратешка рута во глобалната трговија.

Иранската армија по израелско-американските напади одмазнички ракетираше позиции во земјите од Заливот што се сојузници на САД. Во Техеран Катар се смета за премногу близок на САД. Катарските власти вчера ги прогласија воените и безбедносните аташеа на Иранската амбасада и нивниот персонал за непожелни лица и ги протераа од земјата.

Тагови: Иран Катар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во пожар над селото Палиград на Китка спасено теле

Вчера додека бев на лице место на големиот пожар над селото Палиград, на планината Китка, покрај тешката борба со пожарот имавме и една несекојдневна и убава случка.

Во пожар над селото Палиград на Китка спасено теле

Во метежот и огнот, пожарникарите од Противпожарната бригада на Град Скопје успеаја да спасат едно мало теле кое останало на опожарениот терен. Мало, исплашено, но живо – една мала победа во тешкиот ден.

Во вакви моменти, секој спасен живот е важен. А денес, меѓу огнот и пепелта, успеавме да спасиме и едно мало суштество.

За жал, пожарите не ја загрозуваат само природата, имотот и животите на луѓето. Загрозени се и животните, кои често остануваат беспомошни пред огнената стихија.

Затоа, апелирам на максимална одговорност и внимателност. Пожарите, без разлика дали се подметнати или избувнуваат поради невнимание, оставаат последици врз сите живи суштества. Да ја чуваме природата, да ги заштитиме луѓето, имотот и животнитеинформира првиот човек на ЦУК, Мухамед Али.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ливерпул во нов обид да го ангажира Минте, Баркола се уште прескап

Англискиот гигант Ливерпул повторно ќе се обиде да го реализира трансферот на десното крило Јанкуба Минте (22) од Брајтон. 

Ливерпул во нов обид да го ангажира Минте, Баркола се уште прескап

Минатата сезона, гамбискиот репрезентативец постигна три гола и забележа четири асистенции на 34 натпревари во Премиер-лигата. Неговата пазарна вредност изнесува 45 милиони евра, а тој има договор со клубот до летото 2029 година.

Главна цел на Ливерпул е Бредли Баркола од ПСЖ, но клубот не е подготвен да ги плати 160-те милиони евра (или повеќе) што францускиот гигант ги бара за него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: Се уредува пешачката зона долж целиот кеј на Вардар

Градот Скопје започна голема акција за целосно уредување и санација на пешачката зона долж кејот на реката Вардар, на потегот од Лисиче до Влае.

Град Скопје: Се уредува пешачката зона долж целиот кеј на Вардар

Кејот на Вардар е едно од најпосетените и најзначајните места за скопјани, простор каде граѓаните спортуваат, се рекреираат, поминуваат време со своите семејства и создаваат пријателства и спомени. Токму затоа, неговото одржување и уредување претставува обврска и одговорност кон сите граѓани.

Во рамки на акцијата се заменуваат уништените и оштетени подни плочки, се нивелираат нерамните површини и се санираат оштетувањата долж пешачката зона. Целта е кејот да биде повторно безбеден, функционален и уреден простор достапен и пријатен за сите генерации.

Уредувањето на кејот е дел од пошироките активности за враќање на животот и содржините на овој простор. Во изминатиот период се изградени нови спортски терени и се поставува современа урбана опрема, а паралелно се реализира и голема акција за темелно расчистување на коритото на реката Вардар на територијата на Скопје.

Кејот е пулсот на Скопје – место каде што градот живее и каде што секојдневно престојуваат илјадници граѓани. Затоа, неговото уредување, одржување и развој остануваат еден од приоритетите во создавањето подобар и поквалитетен јавен простор.

Градот Скопје продолжува со активности за унапредување на кејот и негово претворање во современ, безбеден и функционален простор кој ќе им служи на скопјани и на идните генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер