Брнабиќ за Рама: Не можам срдечно да се поздравам со човекот, кој бараше санкции за Србија - Канал 5

Балкан

Брнабиќ за Рама: Не можам срдечно да се поздравам со човекот, кој бараше санкции за Србија

Српската премиерка Ана Брнабиќ денеска во Тирана, каде се одржа Самитот на Берлинскиот процес, изјави дека не знае зошто албанскиот премиер Еди Рама побарал да се воведат санкции за Србија.

Брнабиќ за Рама: Не можам срдечно да се поздравам со човекот, кој бараше санкции за Србија

Српската премиерка Ана Брнабиќ денеска во Тирана, каде се одржа Самитот на Берлинскиот процес, изјави дека не знае зошто албанскиот премиер Еди Рама побарал да се воведат санкции за Србија, оценувајќи дека тоа не е во согласност со добро добрососедските односи, ниту со она што се прави во рамките на иницијативата „Отворен Балкан“.

Новинарите во Тирана забележаа дека Брнабиќ имала ладно и протоколарно поздравување со Рам, а Брнабиќ одговори дека така се чувствува и дека не може посрдечно да се поздрави со човекот кој, како што рече, повика да се воведат санкции кон Србија, пренесе Телеграф.

„Се надевам дека денес во текот на денот ќе разговараме повеќе за тоа, и малку разговаравме за да го разјасниме. Сакаме најдобри можни односи со Албанија, како и со сите во регионот. Никогаш не сте само политичар, понекогаш сте исто така човечко суштество.И јас така се чувствувам не сум среќна,не знам зошто го направи тоа,нема никаква смисла,не е во склад со добрососедските односи или во склад со тоа што ние го правиме како дел од иницијативата Отворен Балкан“, рече Брнабиќ.

Таа посочи дека Србија не направила ништо за некој да се јави и да побара воведување санкции.

„Не го разбирам тој негов гест, така се чувствувам, не можам да се воздржам. Не треба да се сфаќа лично. Тука сум, разговаравме и ќе разговараме понатаму. Секогаш сум отворена за најдобри можни односи со албанските институции и да продолжиме со реализација на проектите што почнавме да ги реализираме“, рече Брнабиќ.

Брнабиќ рече дека денеска прашањето за Заедницата на српските општини на Косово јасно му било соопштено на претседателот на привремените институции на Приштина, Албин Курти и дека сите европски претставници го поддржале формирањето на ЗСО.

„Тој го слушна тоа - секој претставник на земјите-членки на ЕУ кои се присутни овде, Европската комисија, Европскиот совет и други зборуваат за неопходноста од формирање на ЗСО и дека тоа е нешто што не е предвидено само со Бриселскиот договор, но и со Охридскиот договор, бидејќи првиот член од Охридскиот договор е имплементација на сите досегашни договори, поточно на Бриселскиот договор.

Како и да гледате, Бриселскиот договор и ЗСО е нешто што е на дневен ред“, рече Брнабиќ.

Премиерката на Србија оцени дека е катастрофа што Курти ги отфрли сите предлози на ЕУ за експропријација на земјиште на Косово и дека тоа покажува до каде владее правото на Косово и на Косово во времето на Албин Курти.

„Значи, можеш да конфискуваш приватен имот како што сакаш, го користиш за нешто на што немаш право ниту според Бриселскиот договор, а тоа е за дополнително акумулирање на вооружени, безбедносни сили на северот на Косово, што е целосно во спротивност со Бриселскиот договор.Фактот што немате право на вашата лична сопственост, дека немате никаква сигурност за вашиот имот и на крајот, за жал, за вашиот живот, покажува како живеат луѓето на Косово, како живеат Србите и неалбанците“, рече Брнабиќ.

Таа изјави дека на сите деца Роми во Република Косово им биле одземени стипендиите само затоа што одат во српски училишта.

„Тоа ви покажува и како луѓето треба да живеат на Косово. Ќе продолжиме да разговараме со претставниците на ЕУ за прашањето за експропријација бидејќи е сосема очигледно, за жал, дека таквата практика ќе продолжи, без оглед на тоа што ЕУ и Германија јасно кажаа дека тоа е спротивно на какви било правила и принципи, дека тоа е нешто што е недозволиво на европскиот континент, но се чини дека ќе продолжат“, заклучи Брнабиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Алигатор се прошета во продавница за ѓевреци- газдата избега во паника (ВИДЕО)

Необичен гостин ненадејно се појави во продавница за ѓевреци во американската држава Северна Каролина минатата недела, а неговото доаѓање предизвика паника кај вработените.

Алигатор се прошета во продавница за ѓевреци- газдата избега во паника (ВИДЕО)

Наместо муштерија кој дошол да земе свежи ѓевреци, низ задната врата влегол алигатор долг околу 1,5 метар!

Се провлекол зад шанкот

Инцидентот се случил во продавницата „Бејгел Док Експрес“ во градот Саутпорт, откако задната врата била оставена отворена.

Како што може да се види на снимката од надзорната камера, животното незабележано влегло во просторијата каде што се складираат залихите, потоа поминало низ кујната и конечно стигнало до предниот дел од продавницата.

Потоа влекачот се провлекол зад шанкот, каде што сопственикот Џеси Дрискол го забележал. Глетката го изненадила толку многу што, според снимката, скокнал од страв, а потоа истрчал што е можно побрзо.

Веднаш пронашол друг човек, го повлекол во продавницата и му го покажал натрапникот зад шанкот, објавува „Њујорк пост“.

Безбедно отстранет од продавницата

„Тоа е нешто што навистина не го очекувате во продавница за ѓевреци“, рекол запрепастениот Дрискол.

Како што објаснил, бил навикнат да има секакви луѓе што доаѓаат во продавницата, муштерии и пријатели кои застануваат да се поздрават, но никогаш не му паднало на памет дека еден ден можеби ќе види алигатор.

Тој ги повикал службите за итни случаи, по што пристигнале полицијата и службениците за контрола на животни. Тие успеале безбедно да го отстранат алигаторот од продавницата.

Дрискол открива дека во времето кога влекачот влегол во продавницата, тој бил зафатен со инсталирање на нова печка, поради што не ја забележал веднаш.

Тагови: алигатор ѓевреци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хакери со денови празнеле банка- исчезнале над 100 милиони евра, парите завршиле во криптовалути

Француска регионална банка беше цел на голем кибернапад, за време на кој се проценува дека изгубила повеќе од 100 милиони евра. 

Хакери со денови празнеле банка- исчезнале над 100 милиони евра, парите завршиле во криптовалути

Напаѓачите успеале да ја злоупотребат сопствената сметка на банката, да ги префрлат парите во други банкарски институции, а потоа да ги конвертираат во криптовалути.

Според австриската круна, цел на хакерите била банката Credit Mutuel Arkea, која го потврдила инцидентот и објавила дека средствата на нејзините клиенти не биле засегнати од нападот.

Она што го прави овој случај особено загрижувачки е фактот дека нападот не се случил одеднаш, туку, според достапните информации, се случил во текот на неколку дена, објави Кроне.

Пари префрлени преку други финансиски институции

Според банката, напаѓачите ја користеле нејзината сопствена сметка за да извршуваат трансакции со други банкарски институции. После тоа, парите биле конвертирани во криптовалути преку специјализирани платформи.

Овој метод на префрлање средства дополнително го комплицира следењето на нивните движења, особено кога парите минуваат низ неколку различни финансиски системи.

Иако се проценува дека загубата надминува 100 милиони евра, банката нагласи дека клиентите не претрпеле никаква финансиска штета.

Напад извршен во два брана

Според информациите од независен истражувач познат под псевдонимот ZachXBT, кој ги следи сомнителните трансакции во светот на криптовалутите, нападот бил извршен во два брана.

Целата операција траела неколку дена, што укажува на сложеноста на инцидентот.

ZachXBT е познат по истражувањето на кражби на дигитални средства од голем обем, а според сопствените изјави, учествувал во повеќе од 150 истраги, придонел за враќање на над 350 милиони долари и постигнал 25 успешни правни исходи.

Досега не се објавени детали за идентитетот на напаѓачите кои стојат зад инцидентот во француската банка.

Нов случај во серијата кражби од голем обем

Веста за нападот врз француската банка се појави кратко откако јавноста дозна за уште една огромна кражба на дигитални средства.

Според медиумските извештаи, минатата недела е откриен случај на кражба на криптовалути во вредност од дури 6,3 милијарди долари, или приближно 5,6 милијарди евра, поврзан со крипто берзата Binance.

Американското ФБИ ја смета хакерската група TraderTraitor, за која се вели дека има врски со севернокорејската разузнавачка служба, за одговорна за нападот.

Сепак, во моментов нема потврдени информации што го поврзуваат овој случај со нападот врз француската банка.

Последниот инцидент повторно го покрена прашањето за безбедноста на големите финансиски трансакции и заштитата на банкарските системи, особено кога украдените средства брзо се префрлаат во дигитални средства.

Иако се чекаат дополнителни детали од истрагата, останува фактот дека една финансиска институција пријавила загуба од повеќе од 100 милиони евра, и покрај фактот дека сметките на нејзините клиенти, според банката, не биле компромитирани.

Тагови: банка хакери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Претседател поднесе оставка по колапсот на голема банка- милиони граѓани останаа без пари (ВИДЕО)

Парагвајскиот претседател Сантијаго Пења поднесе оставка откако парламентот започна дебата за неговиот импичмент по пропаѓањето на големата комерцијална банка Уено.

Претседател поднесе оставка по колапсот на голема банка- милиони граѓани останаа без пари (ВИДЕО)

Парагвајскиот претседател Сантијаго Пења поднесе оставка откако парламентот започна дебата за неговиот импичмент по пропаѓањето на големата комерцијална банка Уено, што предизвика финансиски и социјални превирања во земјата, објави Си -Ен-Ен.

Дебатата за импичмент започна во парламентот утрово откако поранешниот претседател Орасио Картес, влијателен лидер на владејачката партија, јавно ја поддржа смената на Пења од функцијата.

Пратениците го обвинуваат Пења за судир на интереси, злоупотреба на пензиските фондови и институционално прикривање во врска со пропаѓањето на дигиталниот заемодавач Уено, поради што милиони Парагвајци не можеа да пристапат до своите сметки оваа недела.

Пења беше акционер во групата што го контролираше Уено до минатата година. Регулаторите ја презедоа контролата врз Уено претходно оваа недела и ги замрзнаа заштедите на милиони граѓани, вклучително и пензионери.

Овој потег предизвика масовни протести во земјата, каде што околу еден од тројца граѓани имал депозит во банката.

Кризата, исто така, предизвика сериозни поделби во владејачката партија Колорадо, која го донесе Пења на власт во 2023 година и со децении доминираше на политичката сцена во Парагвај.

Тагови: банка претседател

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер