Балкан

Брнабиќ: Студентите во блокада планираат ултимативен удар Србија за Видовден

Претседателката на српскиот Парламент, Ана Брнабиќ, објави на Х дека студентите во блокада планираат „ултимативен удар врз Србија“ за Видовден.

Претседателката на српскиот Парламент, Ана Брнабиќ, објави на Х дека студентите во блокада планираат „ултимативен удар врз Србија“ за Видовден и им се закануваат на сите и на целата Србија со блокади на патишта, инфраструктура, инвестиции и институции.

Во објавата, Брнабиќ им порача на граѓаните да не се плашат и да не се грижат.

Брнабиќ наведува дека во документот од 36 страници, студентите во блокада го најавуваат 28 јуни како „Ден на одлука“, „Ден на вистината“ и „Момент на пресврт“.

„Тие сакаат животот да престане во Србија и буквално велат „Не само граѓаните ќе бидат во страв“, туку ветуваат дека и странските инвеститори ќе бидат во страв, „владите и амбасадите што соработуваат со овој режим или размислуваат за инвестиции“, изјави Брнабиќ на мрежата X и ги праша сите оние што ги поддржуваат блокадите „како се нарекува тоа и дали е тероризам?“.

Како што додаде таа, тие се фалат дека граѓаните ќе живеат во страв од нив и дека ќе ги избркаат сите инвеститори од Србија, оставајќи стотици илјади луѓе без работа, стотици илјади семејства без леб и безбедност.

„Тие предвидуваат во тој документ дека Србија ќе изгуби 292 милиони евра во првите пет дена од нивната блокада и дека ако таа ситуација продолжи, проценетата загуба на Србија ќе достигне над 800 милиони евра! Тоа се 800 милиони евра за пензии, плати, здравствена заштита, училишта, поддршка за семејства со деца! Тоа е она што сакаат да ѝ го одземат на оваа нација“, нагласи Брнабиќ. Брнабиќ, исто така, изјави дека оние што организираат блокади се фалат со протерување на амбасади и дипломатски мисии од Србија, односно со целосна изолација на земјата, и дека се хранат со фактот дека сите ќе се плашат од нив.

Студентите во блокада најавија протест во Белград за 28 јуни, а дел српски медиуми објавија дека нивниот план е да блокираат клучни сообраќајници во Белград, како и странски компании.

Тагови: Ана Брнабиќ Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Нвидија“ истражува наводи за врски на извршниот директор со осомничена кинеска шпионка

Американскиот технолошки гигант „Нвидиа“ отвори независна истрага по медиумските извештаи дека нејзиниот извршен директор Џенсен Хуанг имал блиски односи со жена осомничена дека е кинески шпион.

Според „Њујорк Тајмс“, американските разузнавачки претставници веруваат дека кинеската бизнисменка Алис Хуанг работела за Пекинг.

Од компанијата соопштуваат дека одборот на директори засега нема причина да верува дека биле компромитирани деловните тајни или националната безбедност на „Нвидиа“.

Хуанг, пак, признал дека бил неверен на сопругата и јавно ѝ се извинил за болката што ѝ ја нанел нејзе и на нивните деца.

Од „Нвидиа“, која е меѓу највредните компании во светот и е клучен производител на хардвер за вештачка интелигенција, порачуваат дека Хуанг и натаму е посветен на водењето на компанијата. Независната истрага треба да ги разјасни наводите и евентуалните последици од неговите контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АЛТА банка ги зголемува лимитите на платежните картички и отвора два нови шалтера во Тетово и Струмица

Од денеска, клиентите на АЛТА банка ќе можат да располагаат со поголем износ од своите средства.

Неделниот лимит за подигање готовина од банкомат и плаќање со платежни картички се зголемува од 10 на 15 илјади денари. Истовремено, се проширува и мрежата за шалтерска исплата. Од денеска ќе бидат отворени и шалтери и во тетово и во струмица, каде што клиентите кои немаат платежни картички ќе можат да подигнат до 20 илјади денари во период од две недели, исто како и во експозитурата во Битола.

Олеснување, како што најави гувернерот Трајко Славески, ќе има и за идните приливи. Платите, пензиите и социјалните трансфери кои допрва ќе легнуваат на сметките на клиентите, доколку доаѓаат од институции или компании кои имаат сметки во други банки, ќе можат да се повлекуваат во целост..

Тагови: Алта банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.