Брнабиќ: Не верувам дека косовската полиција насилно ќе ги отстранува барикадите - Канал 5

Балкан

Брнабиќ: Не верувам дека косовската полиција насилно ќе ги отстранува барикадите

Премиерката на Србија, Ана Брнабиќ денеска изјави дека не верува во сценарио во кое косовската полиција насилно би ги отстранила барикадите на северот на Косово.

Брнабиќ: Не верувам дека косовската полиција насилно ќе ги отстранува барикадите

Таа додаде дека не знае како да разговара за француско-германскиот предлог за Косово кога Бриселскиот договор се уште не е спроведен.

„Не верувам во такво сценарио, не би сакала ни да помислам дека косовската полиција насилно ќе ги отстрани барикадите и ќе го исполни она што премиерот на Владата на Косово Албин Курти се закани, а тоа е човечки животи, бидејќи тоа би значело дека тие напаѓаат луѓе на барикадите, а има жени, деца и стари лица“, рече Брнабиќ на прес-конференцијата.

Таа смета дека „има доволно разум, но не со Албин Курти, кој објави нов список на кој се наоѓа претседателот на Србија и некои членови од неговото семејство“, туку дека има смисла „со меѓународните актери, пред сѐ КФОР“. Таа нагласи дека Владата на Србија има добра соработка со КФОР.

„Навистина се коректни“, рече премиерката и изјави дека КФОР се уште го разгледува барањето на Србија за враќање на дел од силите на Косово, согласно резолуцијата 1244 на Советот за безбедност на ОН.

„Тоа ја покажува нивната сериозност, бидејќи тие не го одбија веднаш, а не го ни коментираа. Чекаме КФОР да се огласи. Верувам дека ќе кажат нешто“, истакнала Брнабиќ.

Премиерката на Србија рече и дека не знае како да разговара за новиот договор за решение на проблемот на Косово предложен од ЕУ, „кога првиот бриселски договор од 2013 година го потпишаа Белград, Приштина и ЕУ, како гарант, не ја спроведе својата примена“.

„Сè уште чекаме да се спроведе првиот договор од Брисел. Не знам како да разговараме за новиот француско-германски предлог кога првиот договор не е спроведен“, рече таа.

Таа праша, дури и ако се разговара за нов договор, кој ќе гарантира дека ќе се спроведе, бидејќи ќе мора да имплицира дополнителни отстапки од двете страни. За Брнабиќ, „прашање на сите прашања е кој ќе го гарантира спроведувањето на Бриселскиот договор“.

„Ние сме секогаш тука за сите дискусии. А прашањето за ЕУ ​​и САД е: Кој ќе го гарантира спроведувањето“, рече таа, објави српски Курир..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Над 50.000 луѓе во Европа починале годинава како последица на екстремните горештини

Повеќе од 50.000 луѓе починаа во Европа ова лето поради екстремна топлина, а околу 32.000 смртни случаи може да се припишат на климатските промени, покажаа две студии објавени во академското списание „Nature Health“.

Над 50.000 луѓе во Европа починале годинава како последица на екстремните горештини

Истражувањето на научници од Империјал колеџ во Лондон и Лондонската школа за хигиена и тропска медицина опфати 854 градови во Европската Унија, Обединетото Кралство, Норвешка и Швајцарија, кои се дом на околу 40 проценти од населението на 30 земји, објави денес „Политико“ со седиште во Брисел.

Според резултатите од студијата, летото 2026 година беше најсмртоносното во овој век во однос на смртните случаи поврзани со топлината, значително надминувајќи ги претходните рекорди од 29.000 смртни случаи во 2022 година и 28.000 во 2003 година.

Речиси една третина од смртните случаи поврзани со топлината ова лето се случија за време на топлотниот бран кон крајот на јуни, кој собори неколку температурни рекорди.

Лицата над 85 години учествуваа со околу половина од проценетите смртни случаи, додека околу 6.000 лица под 65 години беа меѓу починатите.

Научниците, исто така, проценија повеќе од 800 дополнителни смртни случаи кај луѓе на возраст од 20 до 44 години.

Една студија анализирала смртни случаи поврзани со топлината и климатските промени помеѓу 2000 и 2025 година и открила вкупно 430.000 смртни случаи, од кои околу половина се припишуваат на климатските промени.

Водечката авторка на студијата, Клер Барнс, истражувачка за екстремни временски услови на Империјал колеџ во Лондон, изјави дека летото 2026 година веројатно било најлошото досега за смртни случаи поврзани со топлината во поголемиот дел од Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Таткото на Меган Маркл се соочува со тешки обвинувања за силување деца, синот тврди дека пронашол снимки (ВИДЕО)

Таткото на Меган Маркл, Томас Маркл постариот, наводно е под истрага поради сомнение дека поседува материјал што прикажува сексуална злоупотреба на деца. 

Таткото на Меган Маркл се соочува со тешки обвинувања за силување деца, синот тврди дека пронашол снимки (ВИДЕО)

Контроверзниот материјал во неговиот дом на Филипините наводно го пронашол неговиот син Томас Маркл помладиот, полубрат на Меган, пишува The Sun.

Што е пронајдено во неговиот дом?

Спорниот материјал наводно е пронајден во домот на Томас Маркл постариот во Себу, Филипини. Според неговиот син, станува збор за четири големи кутии што содржат „стотици, ако не и илјадници“ фотографии што прикажуваат сексуална злоупотреба на деца.

Томас помладиот тврди дека меѓу материјалите пронашол видеа од девојчиња кои биле сексуално злоупотребени на возраст од 10 или 11 години, како и 15-минутно видео од голи девојчиња на стариот мобилен телефон на неговиот татко. Тој исто така наведува дека пронашол три фотографии од голи девојчиња, од кои едната, според него, е направена во поранешниот дом на неговиот татко во Росарито, Мексико.

Синот бил ужаснат од откритието, го пријавил својот татко во полиција

Томас помладиот (60) изјавил дека го пријавил својот 82-годишен татко во полиција. Филипинската полиција сè уште не одговорила на барањето на списанието „Пипл“ да ги потврди обвинувањата. Претставници на принцот Хари и Меган Маркл одбиле да коментираат за случајот.

На 10 јули, Томас помладиот го пријавил своето откритие во ФБИ, Националниот центар за исчезнати и сексуално експлоатирани деца на САД и во државната полиција на Пенсилванија, каде што живеел неговиот татко во тоа време. „Кога го пронајдов тој материјал, бев ужаснат и немав друг избор освен да го пријавам мојот татко“, изјавил Томас помладиот за „Сан“.

„Со години го поддржував, се грижев за него и му помагав, но тоа сега е завршено.“ Томас помладиот се грижел за својот татко поради неговите здравствени проблеми, вклучувајќи ги и последиците од мозочниот удар што го претрпел во 2022 година.

„Никогаш повеќе нема да разговарам со него, освен ако не бидам повикан да сведочам против него“, додаде тој. „Ми се слоши од она што го видов. Бев во шок и не знаев што да правам“, рече тој. „Веднаш знаев дека станува збор за нелегален материјал и дека ако не направам нешто, би можел да завршам во затвор. Се чувствував предаден, лут и згрозен. Знаев дека морам да го пријавам.“

Се наведува дека се води истрага на Филипините и САД

ФБИ потврди дека го примиле извештајот на Томас помладиот и наводно подготвува сопствена истрага. „Агентот на ФБИ веќе побарал контакт информации на истражителите кои работат на случајот на Филипините“, изјавил извор запознаен со случајот за The Sun.

YouTube video

Во меѓувреме, Филипинскиот меѓуагенциски совет за борба против трговијата со луѓе наводно формирал специјална работна група, предводена од полициска единица специјализирана за заштита на жени и деца.

Меган не разговарала со својот татко од 2018 година

Меган Маркл е надвор од контакт со својот татко уште од подготовките за нејзината свадба со принцот Хари во мај 2018 година. Томас Постариот требало да ја одведе својата ќерка до олтарот, но на крајот не присуствувал на свадбата. Неговото отсуство следува по скандалот со лажни папарацо фотографии и здравствени проблеми.

Наместо тоа, Меган беше придружувана дел од патот до олтарот од тогашниот принц од Велс, денешниот крал Чарлс III. Оттогаш, односот меѓу Меган и нејзиниот татко е затегнат.

Тагови: Меган Маркл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 16 загинати во земјотресот од 7 степени во Кина (ВИДЕО)

Најмалку 16 лица загинаа, а 32 се повредени во земјотрес со магнитуда од 7 степени што го погоди Тибет, Кина, во четврток вечерта. 

Најмалку 16 загинати во земјотресот од 7 степени во Кина (ВИДЕО)

11 од повредените се во сериозна состојба. Најмалку 339 куќи се урнаа.

Земјотресот го погоди округот Бакинг, градот Нагку во северен Тибет, во 22:33 часот по локално време. Кинескиот центар за земјотресни мрежи процени дека епицентарот бил длабок 10 километри, додека Американскиот геолошки завод (USGS) ја процени длабочината на 18 километри.

Спасувачките екипи продолжија да пребаруваат и да им помагаат на жителите. Полицијата и пожарникарите поставија шатори за луѓето раселени од земјотресот.

Кинеската државна телевизија CCTV објави дека тоа е најсилниот земјотрес што го погодил регионот во последните пет години.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер