Брнабиќ: Ќе ja утврдиме политичка одговорност за Нови Сад - Канал 5

Балкан

Брнабиќ: Ќе ja утврдиме политичка одговорност за Нови Сад

-Политичката одговорност секако ќе биде утврдена и апсолутно не се сомневам во тоа, бидејќи знам што направивме по трагедијата во мај 2023 година (Рибникар и Младеновац). 

Брнабиќ: Ќе ja утврдиме политичка одговорност за Нови Сад

Претседателката на Народното собрание, Ана Брнабиќ, изјави дека не се сомнева дека ќе се утврди политичка одговорност за трагедијата на Железничката станица во Нови Сад и истакна дека власта во последните десет години никогаш не бегала од одговорноста и оти претставниците на опозицијата уште еднаш покажаа дека не ги интересира човечката трагедија, туку како да дојадат на власт, јави дописникот на МИА од Белград.

-Политичката одговорност секако ќе биде утврдена и апсолутно не се сомневам во тоа, бидејќи знам што направивме по трагедијата во мај 2023 година (Рибникар и Младеновац). Во ниту еден момент не се криевме зад функцијата, во ниту еден момент не ја чувавме функцијата, изјави Брнабиќ за ТВ Хепи.

Таа потсети дека тогашниот министер за образование Бранко Ружиќ поднел оставка и дека таа како премиер во Собранието понудила оставка.

-Ресорниот министер си поднесе оставка, а јас штом отидов во Собрание кажав да сметаат и на мојата. Но, тие (опозицијата) рекоа: Не, нема да не измамите, не сакаме да имаме избори. Па, тогаш на почетокот на септември побараа избори и ги добија, рече Брнабиќ.

Таа изјави дека додека спасувачите во Нови Сад сè уште барале преживеани под урнатините, опозицијата за тоа време „одржила состанок“ да види како да ја искористи трагедијата политички, додавајќи дека тоа е „човечка катастрофа“ и дека е „монструозно“.

Брнабиќ, коментирајќи ги плакатите во Нови Сад со фотографии од премиерот и неколку министри Горан Весиќ и Тома Момировиќ, праша за што е виновен премиерот Милош Вучевиќ и изјави дека треба да се види за кое време се работи кога се случиле грешките, а Вучевиќ може тогаш да бил градоначалникот на Нови Сад кој не е одговорен за тој проект, или министер за одбрана.

-Ако го сакате премиерот, тогаш побарајте ја мојата глава. Не ја барајте главата на премиерот кој стана премиер по изборите во 2023 година, рече Брнабиќ и додаде дека само во Србија се „политичари“ во вакви трагедии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го преименува езерото Онтарио, канадскиот премиер реагира

Трамп потпиша извршна наредба со која се наредува езерото Онтарио да се нарекува Езеро Америка 

Трамп го преименува езерото Онтарио, канадскиот премиер реагира

Канадскиот премиер Марк Карни вчера изјави дека езерото Онтарио ќе продолжи да се нарекува така, откако американскиот претседател Доналд Трамп потпиша извршна наредба со која им наредува на американските федерални агенции да го нарекуваат Езеро Америка.

„Името е старо над 400 години и датира и од Канадската конфедерација и од Декларацијата за независност на Соединетите Американски Држави“, продолжи тој.

„Знаеме дека Америка се менува. Нејзините трговски односи, нејзината надворешна политика, нејзините национални споменици, нејзините хидроними“, напиша Карни на X. Хидронимите се имиња на водни тела и водни патишта.

„Канаѓаните исто така знаат дека работите треба да се нарекуваат со нивните вистински имиња: Езеро Онтарио - тогаш, сега и секогаш“, додаде тој.

Трамп нареди промена на името

Трамп потпиша извршна наредба со која се наредува езерото Онтарио да се нарекува Езеро Америка во документите, мапите и комуникациите на федералната администрација на САД.

Иако рече дека промената ќе стапи на сила веднаш, наредбата му даде на американскиот секретар за внатрешни работи 30 дена да ја спроведе во консултација со Одборот за географски имиња. Одлуката не е обврзувачка за Канада или меѓународните институции. Езерото Онтарио е едно од петте Големи езера во Северна Америка, кое се наоѓа помеѓу канадската покраина Онтарио и американската држава Њујорк.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Кочани, лишени од слобода две лица

На 27.08.2026 полициски службеници од ОВР Кочани ги лишија од слобода Д.С.(42) и В.З.(26) двајцата од Кочани, по претходни оперативни сознанија дека се сторители на повеќе тешки кражби на подрачјето на ОВР Кочани.

Претрес во Кочани, лишени од слобода две лица

Извршен е претрес во нивните домови, со претходно издадена судска наредба, при што биле пронајдени и одземени предмети кои потекнуваат од кривично дело по член 236 од Кривичниот законик на РМ.

По целосно документирање на случајот, ќе следуваат соодветни пријави.

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода возач од Шведска, на автопатот А- 1 возел со двојно поголема брзина од дозволената

На 27.08.2026 околу 16:00 часот на Граничен премин Табановце, на излез од државата, полициски службеници извршиле проверка на патничко возило „фолксваген“ со српски национални ознаки, управувано од М.С.(39) од Шведска. 

Лишен од слобода возач од Шведска, на автопатот А- 1 возел со двојно поголема брзина од дозволената

При извршена проверка преку системот „Безбеден град“ било констатирано дека М.С. бил евидентиран како сторител на кривично дело по член 297-а од Кривичниот законик – „безобѕирно управување со моторно возило“, односно на автопатот А-1, во близина на Демир Капија, управувал со возилото со брзина од 175 километри на час на место каде максималната дозволена брзина е 80 километри на час. М.С. е лишен од слобода и ќе биде поднесена соодветна кривична пријава.

Тагови: поголема брзина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер