Британските конзервативци остварија најлош изборен резултат од Втората светска војна - Канал 5

Британските конзервативци остварија најлош изборен резултат од Втората светска војна

Лабуристичката партија освои убедлива победа на општите избори во Велика Британија, завршувајќи го 14-годишното владеење на конзервативците и отворајќи ја вратата на Даунинг стрит за нивниот лидер Кир Стармер, покажува излезната анкета.

Британските конзервативци остварија најлош изборен резултат од Втората светска војна

Според проценките што ги објави британската телевизија, лабуристите, позиционирани лево од центарот, освојуваат 410 места од 650 во Долниот дом на британскиот Парламент.

Конзервативците, пак, освоија 131 пратеничко место, што е нивни историски најлош резултат. Гласачите ги казнија за кризата со трошоците за живот, годините на нестабилност и внатрешнита борби во кои партијата имаше пет различни премиери од 2016 година.

Либералдемократите треба да добијат 61 место, а антиимиграциската Реформска партија на Брегзит во Обединетото Кралство и десничарски популист Најџел Фараж постигнува подобар резултат од очекуваното со 13 места.

Премиерот во заминување Риши Сунак во мај го запрепасти Вестминстер и многумина во неговата партија со распишувањето на предвремени избори, иако беше познато дека конзервативците заостануваат во анкетите зад лабуристите за околу 20 поени.

Тој се надеваше дека ќе ја намали разликата како што традиционално се случува на британските избори, но не успеа да го стори тоа во многу лоша кампања.

Предвременото заминување на Сунак од комеморацијата за Денот Д во Франција за да даде претходно договорено ТВ интервју ги налути ветераните, па дури и оние во неговата партија кои кажаа дека тоа го отвора прашањето за неговата политичка остроумност.

Ако излезната анкета се покаже како точна, таа претставува неверојатен пресврт за Стармер и лабуристите, за кои се велеше дека до пред само три години се соочуваа со егзистенцијална криза.

Но, серијата скандали – пред се, откритијата за забавите во Даунинг стрит за време на карантинот за Ковид-19 - го закопаа тогашниот премиер Борис Џонсон и до ноември 2021 година водството на конзервативците, поголемо од кога било за време на 11-годишната влада на Маргарет Тачер, веќе беше исчезнато.

Катастрофалната шестнеделна премиера на Лиз Трас, која дојде на позицијата откако Џонсон беше принуден да ја напушти функцијата на крајот на 2022 година, го зацврсти падот, а Сунак не успеа да направи никаков пресврт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заедничко соопштение на Си, Трамп и Путин по трилатералната средба - четири точки се клучни

Заедничка изјава на Си, Трамп и Путин од трилатералната средба во Шенжен .

Заедничко соопштение на Си, Трамп и Путин по трилатералната средба - четири точки се клучни

Кинескиот претседател Си Џинпинг, американскиот претседател Доналд Трамп и рускиот претседател Владимир Путин издадоа заедничка изјава по нивниот историски трилатерален самит.

Тројцата лидери наведуваат дека се посветени на залагањето за реформа на Обединетите нации, со цел организацијата „поефективно да одговори на глобалните предизвици и да ја исполни својата основна мисија – зачувување на меѓународниот мир и безбедност“.

Тие, исто така, се договорија да го зголемат производството на преработени нафтени деривати „за добробит на сите нации“, и покрај меѓународните санкции насочени против продажбата на руска нафта.

Дополнително, во изјавата се потврдува „почитувањето на имунитетот на државните функционери“ и се упатува повик до Меѓународниот кривичен суд да не ја „злоупотребува“ својата надлежност.

Ова меѓународно тело издаде налог за апсење на Владимир Путин поради неговата наводна одговорност за воени злосторства во руската војна во Украина.

Лидерите, исто така, потврдија дека „не смее да се води нуклеарна војна“ и ветија дека ќе „воспостават дијалог“ за нуклеарните ризици и пролиферацијата, откако Трамп се залагаше за денуклеаризација во своето воведно обраќање и коментари пред самитот.

Општи заклучоци:

Трите земји планираат да го зголемат производството и снабдувањето со рафинирани нафтени производи во корист на сите нации. Тие уште еднаш ја потврдија важноста на стабилните енергетски текови.

Како постојани членки на Советот за безбедност на Обединетите нации, Кина, Русија и Соединетите Американски Држави се посветени на промовирање на реформата на Обединетите нации за да можат поефикасно да одговорат на глобалните предизвици и да ја исполнат својата основна мисија за зачувување на меѓународниот мир и безбедност.

Тројцата шефови на држави оценија дека принципот на национална согласност и почитувањето на имунитетот на државните функционери се од најголема важност, и се согласија дека Меѓународниот кривичен суд и други слични тела не смеат да ја злоупотребуваат својата надлежност.

Трамп, Путин и Си повторија дека нуклеарна војна не може да се добие и не смее да се води. Трите земји ќе започнат дијалог за намалување на нуклеарните ризици и спречување на ширењето на нуклеарното оружје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Герасимовски: Социјални пакети за 50 пензионери во социјален ризик, Центар продолжува грижата за повозрасните граѓани

Градоначалникот на Општина Центар, Горан Герасимовски, заедно со Црвениот крст, подели социјални пакети со прехранбени производи на 50 пензионери со минимални пензии.

Герасимовски: Социјални пакети за 50 пензионери во социјален ризик, Центар продолжува грижата за повозрасните граѓани

„Солидарноста и грижата за повозрасните граѓани треба да бидат наша секојдневна обврска. Во време кога изостанува потребната социјална грижа од државата, ние како локална самоуправа сме тука да помогнеме.

Годинава ја зголемивме еднократната финансиска помош за пензионерите на 5.000 денари, како што и ветивме. Со овие пакети сакаме да им дадеме дополнителна поддршка на нашите пензионери, особено во пресрет на новогодишните празници. Ова е дел од низата хуманитарни активности што ги подготвуваме во овој период“, порача Герасимовски.

Со оваа акција Општина Центар ја потврдува посветеноста на социјална поддршка за најранливите категории граѓани. Преку соработката со Црвениот крст, општината продолжува да ја поттикнува солидарноста и хуманоста, затоа што и малата помош може да значи многу за оние на кои им е најпотребна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравко Чолиќ купил луксузен стан во близина на Пула, откриена е цената за метар квадратен

Најголемата балканска музичка ѕвезда Здравко Чолиќ купил луксузен стан во близина на Пула, но се уште не може да се всели во него. Сега е отркиена и сумата која популарниот Чола ја „искеширал“.

Здравко Чолиќ купил луксузен стан во близина на Пула, откриена е цената за метар квадратен

Пред три години, Здравко Чолиќ купил луксузен стан во близина на Пула, иако сè уште не се вселил во него. Изградбата на комплексот, кој гледа кон морето и марината, е во тек; се очекува првите две згради да бидат завршени во пролетта 2027 година.

Популарниот Чола, го купил имотот во 2023 година, кога становите во комплексот се продавале по цена од приближно 5.500 евра за квадратен метар. Проектот, лоциран на возвишено место над брегот, опфаќа пет планирани згради со вкупно 150 станови.

Агенцијата за недвижности задолжена за продажбата соопшти дека становите во првите две згради се речиси целосно распродадени.

Сè уште се достапни станови во приземјето со површина од 50 квадратни метри, по цена од 5.800 евра за квадратен метар. За преостанатите три згради, постапката за добивање градежни дозволи е сè уште во тек.

Дополнително, во соработка со „Хрватске шуме“ (Hrvatske šume), се подготвува решение за уредување на зелената падина под комплексот. Според проценките на агенцијата, сите пет згради би требало да бидат завршени до 2028 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер