Британски хирург си ги замрзнувал нозете, за да си ги ампутира- причината за осакатувањето е ужасна - Канал 5

Живот

Британски хирург си ги замрзнувал нозете, за да си ги ампутира- причината за осакатувањето е ужасна

Британскиот хирург Нил Хопер (49) од Корнвол, познат како „протетски хирург“, е осуден на повеќе од две години затвор откако беше откриена вистината за неговите наводни ампутации и собирање екстремна порнографија.

Британски хирург си ги замрзнувал нозете, за да си ги ампутира- причината за осакатувањето е ужасна

Хопер во бројни интервјуа тврдеше дека морало да му бидат ампутирани двете нозе во 2019 година поради сепса и мистериозна болест. Неговата приказна привлече големо медиумско внимание, па дури и се обидел да стане астронаут со помош на протези.

Сепак, се покажало дека Хопер погрешно ги претставувал причините за ампутациите за да обезбеди повеќе од 600.000 долари од осигурителните компании. Всушност, тој самиот си ги замрзнувал нозете со сув мраз, поради што морале да бидат ампутирани.

Хопер се изјасни за виновен по две точки за измама со лажно претставување, како и по три точки за поседување екстремен порнографски материјал, во врска со веб-страницата „Eunuch Maker“. Страницата ја водел Мариус Теодор Густавсон, познат по рекламирање екстремни модификации на телото, вклучувајќи кастрација и отстранување на гениталии. Густавсон е осуден на доживотен затвор во 2024 година.

За време на судењето, Хопер е обвинет за сексуална фиксација на ампутациите, а судијата изјави дека „нивоата на штета прикажани во материјалот се екстремно високи“. Хопер, исто така, разменувал пораки со Густавсон, вклучувајќи детали за употребата на сув мраз, објавува The Independent.

Обвинителите тврдеа дека мотивите на Хопер биле комбинација од опсесија со отстранување на делови од телото и сексуален интерес за тоа. Неговиот адвокат рече дека Хопер се каел што лажел за причините за ампутациите, но не и за самите операции, велејќи дека чувствувал дека неговите стапала се „несакан додаток“ и постојан извор на непријатност поради телесната дисморфија.

Кој е „Создавачот на евнуси“?

Мариус Теодор Густавсон е осуден во 2024 година за водење криминална мрежа која се занимавала со екстремна модификација на телото и нелегални операции. Неговата веб-страница, EunuchMaker.com, имала речиси 23.000 корисници и помеѓу 2017 и 2021 година донела повеќе од 300.000 долари.

За време на истрагата, било откриено дека некои учесници, вклучувајќи малолетници на возраст од само 16 години, биле подложени на сериозни физички повреди, вклучувајќи електрични шокови и жигосување со пегли. Густавсон, исто така, наводно готвел човечки тестиси и чувал делови од телото како „трофеи“, а некои продавал.

Обвинителите нагласија дека иако жртвите наводно дале согласност, процедурите биле нелегални и сериозно штетни за нив.

Густавсон тврдеше дека самиот тој претрпел модификации на телото поради дисфорија, но обвинителите нагласија дека тоа не го оправдува повредувањето на други луѓе за сексуално задоволство и финансиска добивка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија. 

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала. 

ДЗС: Неексплодирана граната со калибар 75mm извлечена од под вода во Црна Река кај с. Радобор

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер