Свет

Британски борбени авиони прелетаа над Полска како дел од мисијата на НАТО „Источна стража“

Британски борбени авиони го извршија својот прв прелет над Полска како дел од мисијата на НАТО „Источна стража“ за обезбедување на источниот крило на алијансата.

Мисијата, која беше објавена од британската влада во понеделникот како одговор на нарушување на полскиот воздушен простор, испраќа „јасен сигнал дека воздушниот простор на НАТО ќе биде заштитен“, изјави британскиот министер за одбрана Џон Хили во соопштението.

Два борбени авиони „Тајфун“ на Кралските воздухопловни сили полетаа од британска воена база во источна Англија во петокот вечерта за да ги одвратат воздушните закани од Русија, рече британскиот министер. Авионите се вратија во Велика Британија рано наутро вчера.

Британската влада соопшти дека „Источна стража“ е одговор на „најзначајното нарушување“ на воздушниот простор на НАТО од страна на Русија досега.

На 10 септември, полскиот премиер Доналд Туск изјави дека неговата земја ги активирала сопствените средства и средствата за воздушна одбрана на НАТО за да ги собори дроновите што влегле во нејзиниот воздушен простор по рускиот воздушен напад врз западна Украина. Полската војска го нарече нарушувањето на полскиот воздушен простор „чин на агресија“.

Руското Министерство за одбрана соопшти дека не планирало напади врз цели во Полска, а рускиот вршител на должноста во Варшава рече дека дроновите дошле од Украина и ја обвини полската влада за „антируски расположенија“.

Тагови: Источна стража борбени авиони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бројот на загинати во земјотресот во Јапонија се искачи на 28

Бројот на жртвите од земјотресот со јачина од 7,1 степен, што ја погоди јапонската префектура Кумамото на островот Кјушу, достигна 28, соопшти денеска портпарол на јапонската влада.

„Активностите за пребарување и спасување по земјотресот со јачина од 7,1 степен, што се случи во вторникот вечерта, навистина претставуваат трка со времето“, изјави главниот секретар на кабинетот, Минору Кихара, на прес-конференција во Токио, пренесе Кјодо.

Локалните власти соопштија дека денеска продолжиле напорите за пребарување и спасување во урнатиот трговски центар и оштетената фабрика за хартија.

Од префектурата соопштија дека шест лица биле без свест и не покажувале витални знаци. Меѓу жртвите, пет лица се наоѓале во трговскиот центар „Еон“ во Кашима, кој претрпе експлозија по земјотресот, а осум биле во фабриката на „Нипон пејпер индустрис“ во Јацуширо, каде што неколку оџаци претрпеле сериозни оштетувања.

Железничката линија „Кјушу Шинкансен“ меѓу станиците Кумамото и Кагошима-чуо сè уште не е во функција, бидејќи операторот врши проценка на штетите. Заклучно со среда навечер, илјадници домаќинства биле без струја или вода, што предизвикало загриженост за состојбата на евакуираните лица.

Според податоците од утринава, повеќе од 10.000 луѓе престојуваат во центри за евакуација, соопштија властите на префектурата Кумамото. Префектурата Кумамото беше погодена и од разорен земјотрес во 2016 година, кога загинаа најмалку 50 лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Во јавните здравствени установи во Гостивар, вчера се прегледани 73 пациенти

Во јавните здравствени установи во Гостивар, вчера се прегледани 73 пациенти кои побарале лекарска помош, информира преку соопштение министерството за здравство.

Во Општа болница „Д-р Ферид Мурад" Гостивар се регистрирани вкупно 45 нови прегледи, од кои 26 на инфективно (со две нови хоспитализации) и 18 на педијатриското одделение. Во моментот се хоспитализирани по двајца пациенти на инфективно и на одделението за педијатрија.

Во Здравствени дом Гостивар се регистрирани 28 нови прегледи во дежурната служба.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: Дезинсекција против комарци, фаза 10

Утрово, во раните утрински часови, беше спроведена десеттата фаза од дезинсекцијата против возрасни форми на комарци на подрачјето на градот Скопје.

Активностите продолжуваат и утре, согласно Годишната програма, законските обврски и Елаборатот изготвен од Центарот за јавно здравје - Скопје.

Во изминатиот период беа реализирани повеќе третмани за сузбивање на ларвите и возрасните форми на комарци:

Дезинсекција против ларви:

7 мај - авионска дезинсекција;

11 јуни - авионска дезинсекција;

26 јуни - теренска дезинсекција;

10 јули - авионска дезинсекција;

23 јули - теренска дезинсекција.

Дезинсекција против возрасни комарци:

1 и 2 јуни - авионска дезинсекција;

18 и 20 јуни - теренска дезинсекција;

27 и 28 јуни - авионска дезинсекција;

13 и 15 јули - теренска дезинсекција.

Наредната недела ќе се спроведе и теренска дезинсекција од земја, со цел дополнително сузбивање на комарците и заштита на здравјето и благосостојбата на граѓаните.

Продолжуваме одговорно, навремено и системски да работиме на заштита на јавното здравје и подобар квалитет на живот за граѓаните.

https://www.facebook.com/reel/2110716592811003

Тагови: комарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.