Организациските проблеми предизвикаа многу компликации за сите учесници, а тоа го потенцира и селекторот Трајко Недев, кој во својата прва анализа на Олимпијадата го истакна и одличниот пласман на нашите шахисти и покрај специфичните услови во Узбекистан.

Како го оценувате настапот на македонската репрезентација на Олимпијадата?

Пред сè, мора да се каже дека настапивме во исклучително тешки услови. Сместувањето беше далеку од она што би го очекувале за една шаховска Олимпијада – имавме несоодветни соби, во дел од нив немаше сопствен тоалет и туш, а квалитетот на храната на моменти беше навистина проблематичен. За жал, здравствените проблеми се одразија врз целата екипа – практично сите имаа одредени проблеми со стомакот и температура.

Во такви услови, здравствениот статус во голема мера влијаеше врз составот и изборот на играчите за секој меч. На моменти едноставно играше оној кој беше во состојба да седне пред таблата и да одигра.

Дополнителен проблем беше и секојдневниот транспорт до салата, кој во еден правец траеше околу еден час. Тоа значи дополнително губење време и енергија во период кога играчите треба да бидат максимално концентрирани за партијата.

Имајќи го сето тоа предвид, 36. место на крајот е резултат кој заслужува респект. Стартувавме како 56-ти носител, а завршивме 20 места подобро од стартниот број. Дополнително, со пласманот обезбедивме и можност еден наш играч да настапи на Светскиот куп во 2027 година.

Како би ги оцениле индивидуалните настапи?

На првата табла, Емил Ристески одигра многу квалитетна Олимпијада. Неговиот перформанс беше 2453, а кога ќе се земе предвид силата на противниците со кои се соочи на првата табла, тоа е навистина одличен резултат.

На втората табла, Антон Златков направи голем чекор во својата кариера. Тој ја исполни ИМ нормата, со перформанс од 2467, и практично направи уште еден важен чекор кон освојување на титулата Интернационален мајстор. Тоа е една од најпозитивните индивидуални работи од оваа Олимпијада.

Од Тони Лазов очекувавме повеќе, но неговиот настап мора да се гледа и низ призмата на здравствената состојба. Во услови кога играчот не е физички подготвен, многу е тешко да се даде максимум на таблата.

Филип Панчески беше исклучително борбен. Заврши со перформанс од 2446, а особено впечатлив беше финишот – три победи во последните три кола. Тоа покажува карактер и способност да се подигне нивото на игра токму кога е најпотребно.

Никола Николовски исто така одигра солидно во најголем дел од турнирот. Последниот пораз го расипа конечниот резултат, но неговиот перформанс остана на 2351, што покажува дека одигра голем број квалитетни партии.

Што е најважно што го носите од оваа Олимпијада?

Ова е млада екипа и мислам дека најважно е да гледаме долгорочно. Имаме играчи кои допрва треба да се развиваат, да стекнуваат искуство и да покажуваат уште подобри резултати.

На оваа Олимпијада покажавме дека можеме да се носиме со силни противници и, и покрај сите проблеми со кои се соочивме, завршивме 36-ти, односно 20 места над стартната позиција.

За мене, како селектор, најважно е што играчите се бореа до последното коло. Резултатот, ИМ нормата на Златков и индивидуалните перформанси на првите табли се позитивни показатели дека оваа генерација има простор за понатамошен напредок.

Сега следува анализа на целиот настап – што направивме добро, каде можевме подобро и што треба да подобриме во подготовките за следните репрезентативни настапи. Ова не треба да биде крајна цел, туку една етапа во развојот на оваа млада репрезентација.

Македонската женска репрезентација на последниот натпреварувачки ден стигна до шеста победа на овој престижен турнир, па со дванаесет бодови го заврши настапот на делба на 63. место, односно со дополнителните критериуми е на 77. место во конечниот пласман.

Извор: Дерби.мк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новите 5 приказни се наменети за животните кои се жители на Зоолошката градина, Скопје и на интересен начин ќе бидат прикажани пред публиката. Главен покровител на овој мултимедијален проект е Град Скопје.

Целта на овој мултимедијален проект е најмладата публика преку приказни освен што ги запознаваат животните и нивните живеалишта исто така да се едуцираат и за културата на однесување во Зоолошката градина, како и начинот на исхрана на истите.

Преку едукативните приказни, кои се автентични и содржат моќни пораки, децата ќе се едуцираат за животните и на крајот ќе ја откријат вредноста која ја носи секоја приказна сама по себе. Оваа година акцентот е ставен на скромноста, искреноста, одговорноста, сигурноста и припадноста, преку приказните за фламингата, шимпанзата, антилопите, зебрите и лавовите.

Искрено веруваме дека со презентирање на овој мултимедијален проект ќе ја подигнеме свеста кај најмалите, а воедно и кај сите посетители на Зоолошката градина и дека како и со првиот циклус на приказните повторно ќе предизвикаме радост кај најмладата публика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Екипата на „МЕГА ЛИФТОВИ“ со убедлива и сигурна игра ја совлада екипата на „РУДИ КОМПАНИ“ и заслужено го освои победничкиот пехарот на овогодинешниот турнир.

На големото финале присуствуваше и градоначалникот Сотир Лукровски кој им ги врачи пехарите на најдобрите екипи.

„Чест ми е што Општина Карпош и годинава беше домаќин на меморијалниот турнир „Оливер Соколов – Сокол“, кој низ годините прерасна во препознатлив дел од спортскиот живот на општината. Посебно ми е драго што натпреварите беа проследени од голем број на граѓани, а тоа само го потврдува фактот дека спортот има посебно место во Карпош. Им честитам на победниците, но и на сите екипи кои беа дел од турнирот и покажаа фер-плеј и спортска атмосфера.“, истакна градоначалникот Лукровски.

Честитки до победниците и до сите учесници на турнирот „Сокол 2026“!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.