Британка лажела дека не може да се движи и за тоа добивала парична помош- ја снимиле како ужива во Мексико - Канал 5

Британка лажела дека не може да се движи и за тоа добивала парична помош- ја снимиле како ужива во Мексико

Жена која примила повеќе од 23.000 фунти социјални бенефиции тврдејќи дека е премногу болна за да ја напушти куќата е разоткриена откако била снимена како сурфа и вози зиплајн во Мексико.

Британка лажела дека не може да се движи и за тоа добивала парична помош- ја снимиле како ужива во Мексико

Катерина Виланд (33) тврдела дека страда од толку силна анксиозност што не може да го напушти домот, но Британското Министерство за работа и пензии (DWP) пронашло докази дека сурфала во Канкун, па дури и го посетила забавниот парк Торп Парк три пати, пишува Би-Би-Си.

Виланд, од Горинг-бај-Си, Западен Сасекс, примила Додаток за лична независност повеќе од две години и ги трошела парите на маникир, солариуми и посети на приватен стоматолог во Лондон.

Министерка: Го испразнила системот до последен денар

Во четврток добила затворска казна од 28 недели, условна на 18 месеци, соопшти DWP. Кога истражителите ја соочиле со банкарските извештаи, таа им рекла: „Не знаев дека не ми е дозволено да ја напуштам куќата“.

Иако тврдеше дека е во толку лоша здравствена состојба што не може да готви или да се грижи за себе, Британката имаше 76 прегледи за козметика и посетила 60 пабови, клубови и ресторани. По луксузното патување во Мексико, таа поднесе барање за преиспитување тврдејќи дека нејзината состојба се влошила.

Таа се изјасни за виновна за непријавување на промена на околностите и сега мора да врати 23.662 фунти што незаконски ги добила од даночните обврзници помеѓу 2021 и 2024 година.

Министерот Ендру Вестерн рече дека Виланд го злоупотребила системот. „Тоа е навреда за секој вреден даночен обврзник и за луѓето кои навистина зависат од PIP. Виланд постојано лажеше, го исцрпуваше системот од секој денар, а потоа имаше дрскост да тврди дека нејзината состојба се влошува додека се возеше на зиплајн и сурфаше во Мексико“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Владата: Донесена е конечна судска пресуда за концесијата за Иловица

Владата на денешната седница беше информирана од Министерството за енергетика, рударство и минерални суровини за донесена пресуда на Вишиот управен суд.

Владата: Донесена е конечна судска пресуда за концесијата за Иловица

Владата на денешната седница беше информирана од Министерството за енергетика, рударство и минерални суровини за донесена пресуда на Вишиот управен суд, со која се поништува одлуката за престанок на важење на одлуката за спојување на концесијата за експлоатација на минерална суровина на локалитетот Иловица, Општина Босилово, со концесијата за експлоатација на минерална суровина на локалитетот Иловица, Општина Босилово и Општина Ново Село. Станува збор за конечна судска одлука која Владата, како институција што го почитува владеењето на правото, е должна да ја почитува.

Истовремено, сакаме транспарентно и отворено да ја информираме јавноста дека ова прашање не е резултат на одлуки донесени од актуелната Влада, туку претставува наследена правна состојба која произлегува од одлуките за спојување на концесиите донесени во јуни 2023 година, како и од последователните одлуки за нивен престанок донесени само еден месец подоцна, во јули 2023 година, по што е покрената судска постапка пред надлежните судови. Денешната состојба е резултат на завршување на таа постапка со конечна пресуда на Вишиот управен суд.

Свесни сме дека кај дел од граѓаните, локалното население и граѓанските организации постојат оправдани прашања и загрижености поврзани со овој проект. Токму затоа Владата ќе продолжи целосно транспарентно да ги разгледува сите релевантни факти, стручни мислења и аргументи, во рамки на законските процедури и институционалните надлежности.

Наш приоритет останува создавање услови за економски раст, нови инвестиции и отворање работни места, но тоа никогаш нема да биде на сметка на здравјето на граѓаните, природните ресурси и животната средина. Заштитата на јавниот интерес, почитувањето на највисоките еколошки стандарди и целосната законитост на постапките остануваат принципи од кои Владата нема да отстапи.

Секое понатамошно постапување во однос на овој предмет ќе се одвива исклучиво врз основа на стручни анализи, законски процедури и институционален надзор, со целосна информираност на јавноста. Владата ќе продолжи одговорно, транспарентно и во согласност со законите да носи одлуки кои ги штитат интересите на граѓаните, обезбедуваат правна сигурност и создаваат услови за одржлив развој на државата, соопштуваат од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Жители на Горна Матка веќе осум дена оставени без вода за пиење

Селото Горна Матка е едно од најживописните места во Македонија, а и покрај неговата локација, стотици жители се оставени без еден од основните извори за живот, питка вода.

Жители на Горна Матка веќе осум дена оставени без вода за пиење

Веќе осум дена со возила, пеш, со автобус, кој како може, знае и умее се снаоѓа за вода за пиење. Вака, со револт и разочарување во гласот, но и крик за помош мештаните на селото кое се наоѓа близу акумулацијата Матка и реката Треска пред камерата на Канал 5 раскажуваат како десетина дена преживуваат, иако редовно си ги подмируваат сметките и легално се приклучени на мрежата.

Откако ни покажаа и во своите домови дека од чешмите со денови нема капка вода, дел од жителите велат дека се пие и нечиста вода од сред село, особено старите и немоќни луѓе кои не можат да одат за да купат или да наполнат.

Мештаните знаат дека најголем проблем се дивите приклучоци, и самите на лице место ги затекнуваат.

Раководните лица од Водовод за Канал 5 потврдуваат дека проблемот е во дивите приклучоци и во нерационалното користење на водата. Оттаму појаснуваат дека на годишно ниво се испумпуваат 10 милиони кубни метри вода само за општина Сарај, а се наплатуваат милион и 800 илјади.

Градоначалникот на Општина Сарај Мухамет Елмази вели знае за проблемот кој го имаат повеќе села, и дека заедно со градоначалникот на Скопје ќе се рекоинструра мрежата.

Во меѓувреме, надлежните уверуваат дека цистерна со питка вода ќе има среде село, за да можат, особено повозрасните граѓани да имаат поблизу до дома чиста вода за пиење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во напната атмосфера тече расправата по амандманите на законот за правична застапеност

напната атмосфера со меѓусебни препукувања меѓу Европскиот фронт и ВРЕДИ.

Во напната атмосфера тече расправата по амандманите на законот за правична застапеност

Во напната атмосфера со меѓусебни препукувања меѓу Европскиот фронт и ВРЕДИ, во комисијата за политички систем тече расправата по амандманите за законот за правична застапеност...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер