Таа го води блогот „Пасош за живот“ и работи како координатор на проекти за една британска хуманитарна организација. Таа е исто така е голем застапник на самостојното патување на жените. Во една неодамнешна објава на блогот, таа состави список на земји каде што се чувствувала најбезбедно како жена која патува сама. Иако истакнува дека ниедна дестинација не е целосно без ризик, овие земји ѝ овозможиле незаборавни и позитивни искуства, вели таа.

„Мора да ја почитувате туѓата култура“

Една од нејзините омилени и најнеочекувани дестинации? Абу Даби во Обединетите Арапски Емирати.

„Иако таму имаат проблеми со дискриминација врз жените, јас лично се чувствував неверојатно безбедно и добредојдено“, изјавила Зара за MailOnline. „Луѓето беа исклучително љубезни, а стапката на криминал е меѓу најниските во светот“, додава таа.

Во својата објава, таа препорачува посета на плажата Корниш, со пет километри бел песок и тиркизно море, како и музејот Лувр во Абу Даби. Таа, исто така, ги потсети читателите дека треба да се облекуваат во согласност со локалната култура. „Кога ја почитуваш културата на другите луѓе, луѓето ти возвраќаат почит“, напишала таа.

Други дестинации од нејзината листа

На нејзината листа со најбезбедни дестинации за патничките што патуваат сами се најдоа и други разни земји од кои има особено убави спомени.

Такво посебно место зазема Маун во Боцвана, мал град кој служи како влезна точка за посета на делтата Окаванго, заштитено природно наследство на УНЕСКО. Иако самата дестинација не нуди многу содржини, Зара вели дека престојот во недопрената дивина, опкружена со животни, спектакуларни зајдисонца и топли луѓе, било искуство што ќе се памети цел живот. Таа признава дека мажите повремено ѝ дофрлале додека шетала сама, но тоа не го намалило нејзиниот впечаток или желбата повторно да се врати во Боцвана.

Париз во Франција бил нејзината прва дестинација што ја посетила сама. Иако била многу нервозна пред патувањето, се заљубила во градот и неговата атмосфера, па се вратила таму уште три пати. Најмногу уживала, како што навела, да седи во париските кафулиња и да ги гледа минувачите, апсорбирајќи ја атмосферата на градот на љубовта.

Една од најбезбедните дестинации во светот, според неа, е Рејкјавик на Исланд. Таа нагласува дека таму се чувствувала целосно мирно и безбедно. Посебно место на нејзината листа е Крф во Грција, кој го опишува како топла, мирна и безбедна дестинација со исклучително пријателски расположени локални жители.

Предупредува на опасност во Австралија

Зара, исто така, поминала еден месец патувајќи низ Австралија со комбе. Благодарение на фактот дека англискиот јазик се зборува насекаде, таа лесно се запознала со другите патници и не се чувствувала осамено. Сепак, таа посочува една специфична опасност: „Во Австралија, сè обидува да ви наштети - од пајаци и змии до крокодили и медузи“, напишала таа на својот блог и им советуваше на соло патниците да не одат сами на планинарење, туку да се приклучат на групните тури заради безбедност.

Зара им ги препорачува овие дестинации на жените кои сакаат да патуваат сами, истакнувајќи дека почитувањето на локалната култура, вниманието и здравата доза на претпазливост секогаш се дел од одговорното патување каде и да одите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.